السلام عليكم ورحمه الله وبركاتهصبحكم الله بالخير
كان ودي احط استفساراتي بدري
لكن بعض الضروف خلتني اتآخر وإن شاء الله آنكم تقدرون الظروف
وتجيبون على استفساراتي،، الله لا يهينكم..
في البدايه
رحلتنا على متن الخطوط المصريه ب 2260 ريال سعودي تقريباً
تذكرتين لشخصين فقط ( انا وخويي )
الإقلاع من مطار الملك فهد بالدمام
يوم الخميس 2 فبراير 2012 الساعه 4:00 صباحاً بتوقيت الدمام
توقف ساعتين تقريباً في القاهره
الوصول كازا بلانكا
نفس اليوم الساعه 1:30 مساءاً بتوقيت كازا
اول ما نوصل بنطلع من المطار على مراكش وبنجلس فيها كل الرحله لمدة 7 ليالي
العودة يوم الخميس الساعه 2:00 بتوقيت كازا
عندي عدة استفسارات
- هل تنصحونا نجلس الرحله كامله (اسبوع) في مراكش
ولا نجلس اربع ايام في مراكش وبعدين نروح اغادير ؟؟
- الفتره اللي راح نكون فيها بالمغرب (مراكش)
كيف درجات الحراره؟ فيه امطار؟ يمدينا نتزلج ع الجليد؟
ايش افضل وامتع وسيله توصلنا لجبل اوكيمدن؟
- التلفريك و المنطاد وحديقة ماجوريل .. هل تنصحون بزيارتها
وهل فيه اماكن اخرى سياحيه ممتعه ومناسبه للاجواء البارده؟
- ابغى جدول بسيط لآسبوع كامل في مراكش بحيث انه يراعي موضوع المسافات
عشان لا نتعدى مكان ونرجع له مره ثانيه..
- حجزنا شقه في النخيل ب 650 ريال تقريباً .. ايش رايكم بالمكان والسعر.
- حنا شخصين معنا 14000 قولوا تكفي إن شاء الله.
- اي نصيحه تقدمونها لي عن مراكش اكون شاكر ومقدر للكل..
باقي على الرحله بالزبط 26 ساعه و 3 دقايق
راح اتابع ردودكم ونصائحكم من الحين لين اصعد الطائره بإذن الله..
