مشكور على البداية الحلوة بس الصور ماطلعت
ياليت لو تحملها في المنتدى أحسن

معاك بس
على اي طيران كانت رحلتكم ؟؟؟

اختي الفراشه شكرا لج =)
اخوي سلوم ابشر الحين احمل الصور من المنتدى

والحين عقب ماركبنا الطياره .....وكانت الرحله تستغرق
بقرابه الساعه إلا ربع ...متجهين نحو مطار الدوحه الدوليdata_travel/data/500/7364.jpg
وعقب نزلنا قالو..لنا الساعه 1.30
طيارتنا المتجهه إلى ميونخ "ألمانيا"
عاد وصلنا قطر الساعه 11.30
قلت الحين اشوه على ماننزل المطار اتصير 12.00 ومايبقى إلا ساعه وعقب نطير لأنه
لأنه أول مره بحياتي اجرب طيران الترانزيت :s
المهم دخلنا مطار الدوحه .... وقعدنا وسوينا البوردينج كارد
عشان نقعد داخل البوابه
والمصيبه لمن دخلنا اشوف العالم متيمعه عالشاشه
ولا حاطين تأخير إلى الساعه 3.30 :s :@
قلت شسالفه تأخير وهذا انا مستانس اقول مابقى شي ونركب
قلنا يالله امرنا لله قعدنا وصارت 3.20 ...ومااشوف إلا الأجانب يتحلطمون شسالفه
ولا كاتبين تأخير إلى الساعه 5.30 مساءاً
:@ :@ :@
اهني تنرفزت بغيت ارجع الكويت مشي من القهر
وبما انه ماكو شغل قعدت اصور الطياير الي تمر والي طايره
البقية تأتيكم بعد قليل

..........................
ومثل ماقلت لكم بالجزء الثاني
طرنا من مطار قطر الدولي
ومتجهين لميونخ
وهذه جم لقطة من الجو عجبتني
مناظر جبال تركيا الضخمةdata_travel/data/500/14208.jpg
هذه لقطه تدرج ألوان
السماء سبحان الله
وياسبحان الله من قربنا
صوب ألمانيا بدت الغيوم تزيد
والحين بدت الطياره بالهبوط التدريجي نحو
مطار ميونخ الدولي

وهذه جم لقطة من المناطق
الريفيه في ميونخ من الجو

والحمدالله على سلامتنا
تم الهبوط في مطار ميونخ الدولي

وهذه صوره عالسريع
ل München (Munich) Allianz Arena
اتمنى هالجزء نال على اعجابكم (a)
مع خالص تحياتي :bye:
FrâPpüCiNoOo

..................................................
وعقب ماطلعنا من مطار ميونخ كنا بالبدايه
متجهين ل Zell Am See مدينة جميله
وتقع مابين حدود النمسا وألمانيا يعني ساعتين ونص بالسياره
وعاد هالساعتين ماتحسون فيهم من الطبيعه الي حواليكم
المهم وصلنا Zell Am See واشوف ازدحام
مو طبيعي شصاير بهالديره ومانشوف ولا حاطين
بوستر ب ألماني مادري شكاتبين ... المهم
مافهمت إلا شي واحد مكتوب 6 Aug 2005
وتحتها 10.30 مساءاً
السالفه لها علاقه بتاريخ وصولنا حق Zell Am See
وقلت يلا وتونا واصلين قلت اليوم بقعد بالبلكونه
مالي خلق انشالله باجر اروح اكتشف هالديره
وقاعد بالبلكونه ولا صارت الساعه 10 وربع تذكرت
انه الساعه 10.30 العاب ناريه ونسيت اقول حق الأهل
خفت انهم يخترعون من اصوات الألعاب الناريه ورحت
قلتلهم عشان مايخترعون عبالهم غزو
وادري الصور مهزوزه لأنه تصوير ليلي وعاديdata_travel/data/500/24155.jpg
وعقب ماخلصت الألعاب الناريه ... من التعب نمنا:
|وطبعاً انا من النوع احب اقعد امبجر :baby:
بالسفر لأنه اكره شي النوم بالسفر :@
وطبعاً الله يسلمكم الجو الصبحdata_travel/data/500/26146.jpg
بارد قلت اسوي لي NescaFe Mocha
واقعد بالبلكونه واكل اصابع الويفر المفضله حياكم نقنقو معاي
وعقب الكل قعد وهذا طريجنا للبحيره كل يوم نمشي
وبصراحه مع انه البحيره تبعد تقريبا 3 دقايق مشي
للمكان الي يقعدون فيه الناس
ماتحسون وانتو تمشون لأنه الجو يساعد
وعقب ماوصلنا بدت السما تظلم شوي وعاد قعدنا
بقعدات Grand Hotel
عاد انا مشتهي بَرد والكل متنح يقول بَرد بهالبرد :Shino:
قلت ... والله حدي مشتهي ورحت شفت
شنو انواع لقيت من بينهم NEW cOLa :haa:
ام كولا وبارد ومثلج ياسلام
وعقب قعدنا شوي
ولا تَنهل علينا امطار الخير :rain:
ومن الاحطتياطات اللازمه ان تكون معاك شمسيتك
من ديرتك لأنه بوقت المطر الشمسيه إلي ب3 يورو تصير ب 12 يورو :112:
مثل ماصارت فينا بلندن كان سعر الشمسيه ب 2 بواند صارت ب 8 :Shino:
وعقب ماتبللت ملابسنا صعدنا الشقه وبدلت وقعدت
بالصاله اشوف البحيره وقلت هذا مو جنه
قوس قزح اي والله هذا اهو:haa: شخباري اخر مره شفتك
بالكويت شهر يناير :d وعاد سويت زوم عشان يبين شكله واضح (a)
(l) واتمنى انكم استمتعتوا وياي بأول يوم حافل (l)
(l) من Zell Am See (l)

انشالله راح اعرض لكم رحلتين متميزتين في رحلتي هذه
الرحله الأولى عن " الزحلاقية الصيفيه "
والرحلة الثانية عن "فلوج بلاتز "
إستئجار طياره خاصه مدة نص ساعه أو الوقت الي تفضلونه
في اشراقة يوم جَديد من جنة الله في أرضه "Zell Am See"
وعاد تمنينا انه يكون الجو مشمس

والحمدالله صادف الجو غائم جزئي واترككم مع الصور في رحلة " الزحلاقية " (h)
وهذه لقطة بالطريج لرحلتنا

واخيراً وصلنا مكان الزحلاقيه :haa:

انتو تعتقدون جم ارتفاع الزحلاقيه بصراحه انا توقعت
انها مالت صغار:baby:
لكن لمن شفتها بالبدايه ترددت اني
اركبها :s خصوصاً تصعد تلفريك ليه فوق مدة 7 دقايق :Shino:
وبعد محاولات قررت اني اركب شوفو صورت الارتفاع
من التلفريك وهالشي الي بين الجبل اهي الزحلاقيه

وعقب ماوصلنا مكان نقطة البداية
وشفت المنظر من قمة الجبل

وقلت غريبه محد ينزل بسرعه لايكون فاضيه ماكو احد :Shino:
قلت اشوه عشان اخلص بسرعه :haa:
لكن ماتوقعت الزحمه وطابور

ويلا ياه دوري والناس وراي ينطرون حدي فاضي
فتحت الكاميرا وصورت شلون بنزل بالبدايه (6)

وهذه لقطة وانا انزل وقفت وصورت طبعا الي وراي اعرفهم مايدوسون
ملتزمين بأنه السرعه = الندامه ;)
واتمنى نال على اعجابكم هالجزء وانشالله بعد شوي بنزل رحلة الطيارة فلوج بلاتز

..........................
طبعاً هالرحلة لازم يكون قبلها بيوم تكون حاجز طياره أو تتصل بالتلفون او تروح لهم
واحنا اتصلنا وقلنالهم نبي مدة نص ساعه لأنه الجو يخوف غيوم وجذي
وهذا اهو مطار فلوج بلاتز

طبعاً هالطياره المصفوطه مالتنا الي حجزناها بالتلفون (h)
وهذا شعار المطار صورته
عشان الي بيروح له يعرف الشعار

وركبنا الطياره الخاصه وهذه جم لقطه من أول ماطرنا

هذا نادي الGolF
الي كنت كل يوم بروح له لكن مارحت له

اترككم مع هذه اللقطات الجميله من الجو

وهذه زلمسي من الجو

وبطريق العوده طلبت من كابتن الطائره ياخذنا بجوله صوب جبال كابرون
وهذه لقطات للجبال والثلوج عليها سبحان الخالق

وانتهت رحلتي في زلمسي وكانت رحلة رائعة بالفعل واعذورني لم اتمكن من اخذ صور لعدة رحلات
واوعدكم انشالله بصور رحلتي للنمسا والمانيا 2006