اهلاً وسهلاً
حياك الله أخي
والحمد لله على سلامتك
منتظرين كل جديد منك

الحمدللة على السلامة ولو انها متأخرة ...خابرك حايس في سوفتيل تعز...المهم كلنا بأنتظار الحلقة الاولى.........

المهندس.ابومنى
الله يفرج همك وكربتك آمين
نعم أخي الكريم تأتي مثل هكذا ظروف طارئه لم تكن في الحسبان وتسبب الضيق للشخص وتخليه يبتعد حتى من أقرب القريبين له إعتقادا منه بأنه هذا هو الحل وهو ليس كذالك والحل هو التقرب من الله عز وجل بالعبادات والدعاء حيث أن الله قريب يستجيب لدعوة العبد إذا دعاه من قلب خالص خصوصا في هذا الشهر الفضيل .
فمرحبا بك وبتقريرك بكل مافي طياته من ما لمسته في رحلتك لليمن السعيد سلبا أو إيجابا فتأكد بأننا سنتقبل كل ما ستأتي به بكل رحابة صدر وفقك الله .
سلام

الحمدلله على السلامة
وان شاء الله بعيد عن الهم والغم
وكل عام وانت بخير وننتظر حلقتك الاولى
وياليت لو تنزل حلقتين كل
نهاية الاسبوع

ابو انس
aof
بن ذي يزن https://artravelers.com
عمار الحميري
شاكر لكم احبتي ردودتم الطيبه الله يجعلها في موازين احسانكم ...
وماقصرت على الكلام الطيب يا بن يزين

البداية والحلقة الاولى ..
بسم الله الرحمن الرحيم
الحمد لله والصلاه والسلام على نبي الرحمه المبعوث لنا رحمه للعالمين ..
سوف اتكلم احبتي الكرام في تقرير المتواظع عن رحلتي الى (دولة اليمن) وبكل ما أستطيع من إداء عام وفصيح
=======> ياساتر على البداية فيها ترفيع من البدايه J
كانت الانطلاقة في يوم الاربعاء الموافق 22-7-1430ه الموافق 15-7-2009م
طبعا انا مقيم في المنطقة الشرقية في المملكة العربية السعودية "الخبر" لكن قررت اني ازور الوالدين اول في الرباض لمده اسبوع وبعدها كان الانطلاق في التاريخ اعلاه
كانت الانطلاقية الساعه 4ونصف الفجر والسيلرة هي شفرليت ابيكا موديل 2006 طبعاً راح احاول اكون دقيق في كل شي لاني احب الدقه في الرحلات
اول ما انطلقت طلبعا راح يتكون منطلق من الرياض وراح تسلك طريق الخرج قمت بالوقوف في سوبر ماركت
اسف لم استطع كتابه اسمه لاني نسيت اسمه تعرفون الفجر ومااستطعت انام الا ساعتين يعني الساعه 2 الليل خلدت للفراش والساعه 4 انطلقت يعني الاخطاء وارده الحاصل اني تقضيت اغراض بقيمه 50 ريال للطريق من عصيرات
ومن كيك ومن حليب لطفلتي وانطلقت الى ان وصلت مفرق وادي الدواسر وانطلقت على بكره الله الى
ان وصلت وادي الدواسر في عز الشمس والنفسية قافله من بنتي الله يصلحها من حر الطريق وبصراحه كنت ناوي اكمل لكن الاهل طلبوني بأنهم يرتاحون .
قمت بالتوقف في محطه استراحه السليل لكن السكن كان فقط 3 ساعات بمبلغ 60 ريال طبعا ماالتقطت له صور لان مستواه عادي جدا واقل من العادي وهنا خطا ايضا لكن مقدرين وضع التعب وهنا ايضا لم استطع النوم
مع الاموره الصغيرة تعرفون شالت الغرفه على رجل ماشاء الله تبارك الرحمن وكل ماحاولت ابعدها ويادوب اغمض العين تأتي بسرعه وتلقي بنفسها علي .. تخيلو كيف الموقف
وهنا شعور الامور يراودها بأن تلقي بها من اعلى لكن تعلمون الصبر له دور الله يجزاها خير شافت نجوم الظهر في الليل ونجوم الليل في الظهر فكل الشكر لله ثم لها على صبرها :11ight_li:11ight_li
المهم كانت الساعه بعد الراحه التي ليست براحه فقد تمدد اجسام 1 ظهرا واو عز الحر هاه .. المهم الله يسعدلي التغييمه حقت السيارة
انطلقت ومريت على نهاية وادي الدواسر وكان هناك منظر محزن سبق وان قرأته في الجريده وهو كثره المتسولين
المهم انطلقنا الى ان وصلنا الى منطقة خميس مشيط وقمنا بالراحه والغدا والصلاه
والغدا كان عباره عن دجاجه مظبي مع الرز .. الله يكرم النعمه يارب لا اريد ضلمهم لكن مقارنه بأسوء مطعم سبق وان جربته كان لايضاهيه حتى ..
اقول في نفسي لعل لوقت فقط هو السبب في جعل الاكل سيء ...
اسم المطعم الجمره للمثلوثه .. لكن طبعا للاسف هوالمطعم الوحيد في الطريق اللي لحقت علية واللي قدرت اقوم بالوقوف عنده ..
لكن يمكن الوقت اللي كنت عنده كان الاكل فيه مشكلة .. المهم الحمد لله رب العالمين الاكل راح وطي الجوع قتال ..
اليكم صور من الطعم والمسجد ...
:: يتبع ::
:gathering

.............وا اصل يالواصل ونحنا معاك يالواصل..............

بعدها الطريق الحمد لله بارد ورشت مطر خفيف وفتره نمر على مناطق غائمه وفي قمه الروعه ..
مشيت على دربي الى ان وصلنا مفرق كان مكتوب على الجهه اليمنى بيشة .. يالله كم تمنيت ان ازورها..
لاتسألوني ليش حتى انا ما اعرف لكن احساسي كان يقول انها جميلة .. :11ccer::11ccer:
سلكت الطريق الخاص بي وانا انظر الى مفرق بيشة اقول في نسي اروح او ما اروح اروح او ما اروح ههه
المهم قلت ما اروح الان بعدين اروحلها ان شاء الله عزوجل ...
وانطلق على طريق ابها ... :11ab:
عن الوضع في وقت الوصول .. وسبحان الله كان متقلب بشكل غريب
من ترابي إلى غائم إلى ممطر ....
إلى أن وصلت ابها وإليكم بعض الصور ...

وهنا صورة لحادث كافانا الله الشر واياكم ومثل ماتشوفون كان الشخص داخل في شبكة صراف خاصه للبنك الاهلي
وان شاء الله سلامات يارب..

الجو هنا ماطار ماشاء الله ..

:: يتبع ::
:gathering

طبعا من هنا ننطلق مع بداية العقبه ..
وهاتك يا نزول يبحبه قلبك .. طبعا انا صار علي قصه مخيفه وطريفه في نفس الوقت ...
انا بيني وبنكم توقعت السيارة انها بتتحمل والحمد لله بالفعل لكن الطريف انه وانا اثناء النزول الزوجه اول مره تطلع بالسيارة بمثل الطرق الخطره ..
فجالسه طول الطريق هاتك يا بربربربر . .. هدي هدي هدي لا تتجاوز لا تتجاوز انتبه انتبه انتبه بنصدم بنصدم
يعني حاله ايش ما اوصف لكم لكن انا