بسم الله الرحمن الرحيم
تحيه معطره .. بالورد .. والياسمين .. الى اداره هذا المنتدى والمشرفين والاعضاء والزوار الكرام
تحيه طيبه وبعد :
السلام عليكم ورحمه الله وبركاته
سبق لي وان عملت لكم تقرير بسيط جداً عن احدا رحلاتي الى مدينه ايوو ومدينه كوانزو في 2010
واليوم سوف ابدا باذن الله في فتح موضوع يخص رحلتي القادمه باذن الله الى مدينه كوانزو
الرحله تبدا في تاريخ 20/05/2011 الى 31/05/2011 الدمام البحرين دبي كوانزو
وقت الرحله الساعه 3:50 صباحا من مطار البحرين الى مطار دبي ثم في الساعه 10:40 من يوم الجمعه
التوجه الى مدينه كوانزو على الخطوط الجوية الاماراتية .
طبعا هذه الرحله تعبت فيها كثير عكس الرحلات الاخرى مدري كيف كانت متعبه من بدايتها
اللي اتعبني كثير الحجز .. رح اقولكم كيف عشان الاخوة يستفيدون اكثر
اولا الفيزة :
صورة من الجواز
الجواز الاصلي
صورتين شخصية
خطاب من العمل
انا طبعت الاستماره التاشيرة من المنتدى وعبيتها بنفسي وعملت الصورة وارسلت لهم كل شي جاهز
سلمها صديقي الساعه 10:30 صباحا واستلمها الساعه 12 الظهر بنفس اليوم يعني الامور سهله جداً
مافي اي تعقيدات تقدر تسويها من السعوديه من الرياض او من البحرين كله واحد
طبعا عملتها مستعجل لانه كل شي في هذه الرحله مستعجل ب 26 دينار يعني 260 ريال سعودي
خلصت من سالفه الفيزة وكنت خايف لا يقولون اعملها من السعوديه والحمدلله ماقالو شي
الامور مشت ..
بعدين جات سالفه التذاكر كنت ابي تذكره على السبت اللي راح قالو مافي الا الاثنين قلت لا ابي السبت او الاحد
من مكتب الى مكتب ادور مافي الين يوم السبت قلت خلاص ابي الاثنين قالو مافي الاثنين الين الاربعاء قلت لا الاربعاء مابيها
ونفس الحكايه قمت ابحث ابحث مافي امل رحت اليوم قلت خلاص موافق ابي حجز يوم الاربعاء قالو انسى الاربعاء
مافي الاربعاء الا يوم الجمعه حاولت ابي قبل مالقيت قلت احجز احسن لا تروح عصفور في اليد احسن من عشره على الشجره .. المهم اتصل المكتب وقالي لقيت لك سعر حلو يوم الجمعه قلت شوي واجيك ورحت له لقيته صكر
اتصلت فيه قال خلص الدوام قلت الله يخليك لازم ترجع انا جيت عشانك ابي التذكره يمكن يروح الحجز
الرجال ماقصر ورجع وعمل لي التذكره حجز اوكي ودفعت له كان السعر 3190 طبعا السعر شي لا تحلم فيه
فرصه من الله جات الاسعار مرتفعه جدا وهذا اللي تاخرت عشانه ابي سعر مناسب والحمدلله لقيت وخلصت اموري
نصيحتي لكم اخواني واخواتي :
قرر سفرك من بدري واحجز من بدري عشان تلاقي اسعار مناسبه وتكون رحلتك مرتبه مو مثل رحلتي هذه
اللي كلها تعب وقلق خلص امورك قبل السفر من حجز من فيزة كل شي .. الفيزة طبعا فيها 3 شهور
تقدر تطلعا بدري وترتب امورك قبل السفر ب 10 ايام اعمل الحجز ..
الى هنا اتوقف وسمحو لي طولت عليكم بس والله من الفرح لاني ماصدقت على الله اخلص
وان شاءالله رح اكون معكم في رحلتي هذه بكل التفاصيل واستقبل استفسارتكم بكل رحب وسعه صدر
للمعلوميه الفندق لسا ماحجزت شي لاني لسا ماقررت محتار بين فندقي الاول اللي برحله السابقه
وبين فندق توكاي هوتيل .. واسيا هوتيل .. المترجم طبعا شخص صيني اسمه سليمان نحسبه على خير
والله حسيبه انا اول مره اتعامل معه بس يمدحونه كثير الاخوان حتى احد الاخوة يقول مره عزمناه في الفندق
وافطر معنا ورحنا نكمل شغلنا وسالنا الرجال هلحين انتم اثنين والافطار لاثنين فقط ليش خليتوني افطر معكم
هذا مايجوز هذا حرام لازم نستاذن من الفندق او ندفع حساب الافطار ورجع للفندق وشرح لهم
قالو له مافي مشكله .. يدل على ان الرجل يخاف الله ,,, والله حسيبه
اراكم ان شاءالله قريبا في التكمله لتقرير ( اتمنى من الاداره نقل الموضوع الى قسم التقارير )
مودتي لكم
اخوكم عالے مستوأإه