ياريت تزيد المده لو تقدر تخليها 14 يوم من غير ايام السفر لو تريد شهر عسل حلو او 12
مبدئيا بيكون جدولك
2 سلانجور
4 لنكاوي
4 كوالالمبور

الله يديم عليكم الموده والمحبة أخوي
شوف ي غالي
انا جاي من ماليزيا مالي حوالي 10 أيام
قعدت فيها 14 يوم غير ايام السفر
2 سلانقور
3 بينانغ
3 لنكاوي
5 كوالا ( 1 جنتنغ )
ومثل ماقالك أخونا العدني ياليت لو تمدد عدد ايام الاقامة
وبالتوفيق لك ،،

مرحبا فيك حبيبنا الغالي
أسأل الله أن يجعل كل أيامك ( عسل )
أنصحك ياغلاهم ... تجعل السفر ( 14 يوم ) صافية من غير يومي السفر ...
عشان تشوف ماليزيا ( صح )
لكن عموما ... عندك ( 10 أيام ) ... وهذا التوزيع الأجمل ... كما ذكر العدني
يومين سلانجور ( فندق الصن واي لاقون )
أربعة أيام لنكاوي ( فندق الشيراتون )
أربعة أيام كوالا ( فندق الماريوت أو رويال شولان )

• من سلانجور إلى لنكاوي ... طيران air asia والمسافة 50 دقيقة
• من لنكاوي إلى كوالا ... طيران air asia والمسافة 50 دقيقة

الله يعطيكم الف عافية جميعا
وماقصرتوا
بس حبيت اوضح نقطه
عندي بنتي الله يحفظها حتكون معايا ان شاء الله
وحيكون عمرها سنة وقتها
ما ادري كيف حيكون السفر والتنقل والوضع

هلابك حبيبنا الكبير
والله السفر بالأطفال أقل من خمس سنوات ... عذاب
لأن الطفل راح يتعب ... ويتعبكم ... ويتحكم في برنامجكم ... وخرجاتكم ودخلاتكم
أسمع كلام المحب
خلها هنا ... أحسن لك ولها
إذا لقيت من ( يداريها ) ويهتم فيها ... من أهلك ... خلها أحسن

هلا حبيبي وافي
ههه
بصراحه حطمتني
لكن عموما بشوف كيف اتصرف
انا همي الوحيد في الطيارة
لكن الله يسهل يارب
وكنت حاب استفسر كمان عن التكاليف اذا ماعليكم كلافه
كم تكفيني السفرة خلال 12 يوم ( تقريبي )

هلابك ياغالي
ههه ... والله ماحطمتك ... بسن نصحتك .. بحب ومن قلب
عموما .... الله يكتب لك الخير ... أنت ومن تحب
بخصوص التكاليف ... أحسب حسابك اليومية ( 1000 ريال )
الفنادق يوميا ( 500 ريال ) ... والمصروف اليومي ( 500 ريال ) ...
يعني بأذن الله ... تكفيك ( 12000 ريال ) ... من غير التذاكر الدولية

الله يوفقك في سفرتك ياخوي ..
ومثل ما قالو لك الشباب حاول تزيد ايام رحلتك .. لان حتى على توزيع الايام اللي سووها لك الشباب ما راح تكفيك .. مثلا سيلانقور يومين والله ما تكفي .. اقلها ثلاثة ايام عشان ترتاح اشوي من رحلة الطيران الدولي ومن نقل العفش وبتحس ان كل شي قاعد يصير بسرعة بسرعة ..
وبالنسبة للاطفال والله انا كانت معي بنتي وعمرها سبع شهور وما خلينا مكان ما رحناه وهي معانا .. صج الاطفال يتعبون بس ماعليك طول الوقت يكونون نايمين ههه
الله يوفقك مرة ثانية

هلابك حبيبنا الكبير
والله السفر بالأطفال أقل من خمس سنوات ... عذاب
لأن الطفل راح يتعب ... ويتعبكم ... ويتحكم في برنامجكم ... وخرجاتكم ودخلاتكم
أسمع كلام المحب
خلها هنا ... أحسن لك ولها
إذا لقيت من ( يداريها ) ويهتم فيها ... من أهلك ... خلها أحسن
كلام سليم 100% إذا كان الأطفال من سنتين إلى 4 سنوات و زايدين نشاط ما شاء الله -( عذاب في المطار و الطيارة، و خلال التجول بالمدن و الأسواق و المطاعم)-، و لكن متعة في البحر
البنت بعمر سنة غير متعبة و يمكن التحكم بتحركاتها و يكون نومها كثير خلال السفر ، و إنشاء الله البنية - حفظها الله - راح تستانس جدا جدا جدا بالصن واي لاجون و بالبحر في لنكاوي و راح تعملكم جو رائع و مواقف طريفة لا تنسى تكون أجمل ذكريات ( عن تجربة)، فتوكل على الله وبما أنها رحلة تجديد شهر عسل
إغتنم أكثر وقتك في الإبتعاد عن الضغوطات و الزحمة و المدن بالإسترخاء و الإستجمام على شاطئ البحر.