hmaada
11-11-2022 - 05:05 am
السلام عليكم ورحمة الله وبركاته
أسعد الله اوقات الجميع بكل خير ومحبة
أولا أحب أشكر كل من ساعدني في رحلتي السابقة لشهر العسل وأسال الله ان يجعلها في ميزان حسناتهم فقد قدموا لي الكثير من النصح والفائدة بفكرهم وافكارهم وصلتني عن طريق هذا الموقع الرائع
مالكم بالطويلة
قدر الله علي ورحت انا والمدام امس البحرين وكنا جوعانين قلنا بنطلع للمطاعم الي بالسيتي سنتر وبالفعل طلعنا وقبل مانوصل ساحة المطاعم الا فجأة يمسكني هذاك المصري بيدي ويقول تعال خذ جائزتك بسرعة
طبعا انا انقلب وجهي يوم جاني ومسكني بيدي وعصبت وهو خاف من رده فعلي لاني صرت اعرف حركات المصارية وكذبهم والشغلة كلها تسويق في تسويق
قمت وقلت له اول شيء وقبل تتكلم بدفع فلوس ولا لا ؟ لا تفكرون انه بخل بس ابي افتك منه لان تسويق + مصري = الله يخلف على الي في جيبك
قالي الرجال لا مابتدفع وتعال اشرح لك وقال احنا شركة انترناشونال هوليديز ( العطلات العالمية ) وهذا اليوم الذكرى السنوية لنا وحابين نهديك انت والمدام هدية قلت وش الهدية اخلص جوعان قال الهدية رحلة مجانية اسبوع كامل الى اي دولة من سبع دول تختارها
انا لحد الحين مو مصدق وقلت ايوه قال شوف اذا عندك مشكلة ماله داعي نزعجك قلت لا ماعندي مانع اخلص بس نشوف وش اخرتها والله وجلس يسولف يسولف لين انفجر راسي بس مابسوي مثله انا بعطيكم الزبدة..
قالي احنا نعطيك رحلة اسبوع كامل لسبع دول تختار منها وحدة طبعا الدول هم محددينها قلت اوك ، قال انت تدفع التذاكر ومصروفك اليومي هناك واحنا ندفع لك اجار الفنادق خمس نجوم وتمشيتك هناك وتنقلاتك والبرنامج كامل هناك علينا قلت حلو وش الدول ؟
قال امريكا ولاية فلوريدا ، اسبانيا جزر الكناري ، ماليزيا ، تايلند ، مصر شرم الشيخ او الغردقة ، تونس .. قلت اها حلو بس انت متأكد من كلامك ؟؟ قال ليه مو مصدق ماتبي تروح براحتك.
انا هنا قمت قلت لا بروح بس متى ؟ قال عندك صلاحية الرحلة سنة كاملة من تاريخ 29 مارس الحالي الى 29 مارس الجاي اذا كنا من الاحياء قلت زين وش المطلوب الحين ؟؟
قال الحين بنزل معك الباركنق وبوريك العمارة الي تروح لها وهي برج المؤيد الي جنب السيتي سنتر مقابل السيتي بنك قلت اوك قال تروح الدور الرابع وتاخذ هديتك قلت يصير خير ..
والله فعلا نزل معي لحد الباركنق ووراني البرج وكنت متردد اروح وشاورت المدام اول ما ركبت السيارت قالت خنا نروح قلت اخاف انهم كذابين قالت خلنا نجرب ونشوف مو خسرانين شيء قلت اوك توكلنا على الله
بيني وبينكم اصلا انا كل ما اروح من على الجسر اقول ياساتر لا تجيني مولوتوف ولا كفر شابين فيه وسط الخط ولا شيء من هالكلام وقبل نروح البحرين نتصل على اهلنا في السعودية ونتوادع منهم ونكتب الوصية لا لا امزح بس والله من جد ماندري تصير مظاهرة شيء لكن الله الحافظ ، بس والله قاعد اقول في نفسي لا يكون شيعة ويبون يستدرجوننا ويذبحوننا معقول بيعطوني رحلة الى امريكا علشان سواد عيوني ههه جاء في راسي مليون فكرة بس ما قلت للمدام شيء لا تقول زوجي خرطي
مالكم بالطويلة