اسعد الله ايام واوقات رواد بوابتنا الغالية.....
اليوم تقريرنا مميز..وان شاء الله ينال رضى الجميع....
طبعاً رحلتنا لصن بيش..حسينا ان ماستمتعنا بجد..لعدة اسباب..
واثناء اقامتنا بالشاليه..قررنا ان نشيك على منتجعين هم..
منتجع(النخيل)..و منتجع (الموفنبيك)..
وانطلقنا عصراً للوجهة الاولى الي هو النخيل...
وعاينا الفيلا واهم شي عندنا النظافة والخدمة.. وقلنا رح نشوف الموفنبيك..
ورسينا على هالمنتجع الرائع ..وهو منتجع ذوخدمات فندقية ممتازة..
تم التفاهم معاهم والدفع لليلة واحدة ..
وبعد عودتنا من الصن بيش بثلاث ايام..
توكلنا على الله وانطلقنا لوجهتنا المرادة...
واحنا في الطريق لفتت نظري هالبقعة الخضراء..
وقلت خلينا نعمل اغراءات..
لقطة ثانية...!!
ولقطة ثالثة...!!
ومانعطى وجه مو مصدقة لاقية طبيعة النمسا...
قلت بعد لقطة..!!
وقربنا من وجهتنا......
وهذي لقطة للمنتجع من برى..!!
وانتظرنا بالباركينغ...وبعدها فهمنا ان الي يجي زيارة
لقاطن بالمنتجع لازم يوقف سيارته هنا في هذه النقطة..
ويقدم بطاقته الشخصية للإدارة ولاتصال على النزيل
وتجيه سيارة (قولف)..تاخذه وتوصله للفيلا المطلوبة..!!
وعملنا شيك ان..ونطلقت سيارة القولف قدامنا للفيلا
فيها عامل لحمل الاغراض..
واحنا نتبعه بالسيارة...
هذا بداية المنتجع....!!
وقربنا من الفيلا....بنسفط السيارة في البارك المخصص لها
ماشاء الله على التنظيم حبيته مرة...
وهذا مدخل الفيلا.........
كان هذا رقم فيلاتنا.مميز ماشاء الله...
طبعاً..كل ماكانت الفيلا قريبة من المسبح والمرافق الاخرى كان سعرها اكثر..
واحنا اخترنا مسافة وسطية عشان اعيالنا يكونون تحت عيونا..
وللأمانة نظام الأمن عالي والكميرات في كل مكان..
بس امهات ونوسوس...
والحين خل ندخل ....
بسم الله ولجنا....
وعلى بال مانفتر بداخل الفيلا...خل نريح
شويات وارجعلكم....
لاتروحوون بعيد....