أيام الجامعة غالبا تكون أيام مميزة لان الطالب ملك نفسه والإجازات طويلة وإذا الطالب ريح بعض الأيام مافي مشاكل ارجع للموضوع كنا في بداية الفصل الثاني أول يوم أخذته إجازة وثاني يوم سافرت للجامعة ووصلت بعد صلاة الظهر وأنواع الطفش ومالي خلق حتى أقابل احد
واختار موقف للسيارة بعيد شوي ومو مقابل للسكن وأتسلل لغرفتي وادخل إغراضي كلها ماتركت شي خارج الغرفة ما ابي احد من الشباب يعرف إني جيب واشغل المكييف وانام وبعد اشوي اللي يخبط على الباب وأنا مطنش واسمع صوتهم يزهمون وأنا مطنش وشكلهم عرفوا إني مطنش راحوا مغلقين مفتاح الكهرباء وطبعا التكييف سكت عن الكلام المباح واروح افتح الباب مضطرا أخاك لا بطل وألاقي اثنين من الشباب أصحابي واسلم عليهم وأقول ليهم ما تصبرون شوي لسى الفصل طوويل ولاحقين على السلام قالوا عاد من زين الخشة تحسبنا مشتاقين مرة نبي نسلم عليك الا قم غسل خشتك وتعال بنروح لتركي حنا محضرين لكم مفاجاءة ونروح لتركي وفي الطريق قالوا لاتقول مامعك جواز أنت اليوم جاي من السفر (طيب اخلصوا ايش الهرجة ) قلت الهم قالوا نبي نسافر للبحرين قلت طيب وأنا مالي قالوا ولا تشادي ( يعني ينكتون هم ووجيهم) وصلنا تركي وقالوا له قال لهم وايش هو له البحرين لا خلونا نروح لسوريا قالوا وين بعيد و ..و.... المهم أنا اقترحت نروح لدبي لكن هم كانوا مصممين على البحرين تركي اعتذر وأنا قلت ( يا ولد لا تسافر لا تسافر وان طرى لك لا تسافر ) ماعليكم ترى أغنية
قلت لهم تم بس عاد أيامها لسى ما جاء تم مالت طاش عاد أنا سألتهم وكيف بنسافر قالوا نشوف سياراتنا ونختار أحسن وحده وواحد منهم ضحك بخبث عاد أنا فهمتها طيب ونسافر متى قالوا باكر بعد الظهر
ويوم الاثنين نتغذى بمطعم الجامعة (نوفر مصاريف) ونمشي ونصل بعد المغرب للثقبة ونناقش الأمر ونقرر إن نبات عشان ثاني يوم نصرف دنانير من البنك (مساكين أول مرة يسافرون) وننام والصبح والمطافيق صاحين وقال يعني بيسون فيها أذكياء وعندهم أسلوب عشان يصحوني بدوا يسولفون بصوت عالي وبما أنا نايمين بدري صحيت ونطلع ونروح لمطعم باكستاني ونفطر فول هو مش فول فول لكن بهارات وعليها شوية فول والساعة ثمان وحنا ببنك الرياض قال لنا الموظف ما عندنا صرف لكن بامكانكم تصرفون من هناك مو لازم من هنا أو تحاسبون بالريال مافي مشكلة.
ونواصل رحلتنا وندخل البحرين ونروح نسكن بفندق أطلس ووصلنا الفندق حوالي الساعة 10 ص يوم الثلاثاء ونريح ونطلب شاي والساعة وحده ننزل ونتغدى ومن حسن حضنا طلع برياني دجاج يعني البهارات معنا معانا ونرجع وننام العصرية وبعد المغرب نبدأ جولتنا بالفنادق ما خلينا فندق نشوفه إلا دشيناه وشربنا يبسي وأكلنا بطاطس يعني صار العشى ببسي وبطاطس والساعة 3 نرجع لفندقنا وننام والصبح نصحى الساعة 9 قالوا الشباب ملينا ( مسرع يملون ) نبي نمشي وين قالوا للمحرق ونسلم الفندق ونروح للمحرق ونلف لنا شوية ونسال واحد من الأخوان البحرينيين مافي فندق هنا قال ارجعوا الفنادق بالمنامة ونرجع مو للمنامة للجسر ونفول السيارة بنزين ونكمل ماتغدينا إلا بالرياض ونحسب القطة ونلاقي ما صرفنا إلا 600 ريال يعني كل واحد 200 شايفين التوفير بما فيها السكن والأكل والشرب وبنزين السيارة والببسي والبطاطس والبرياني والفول