السلام عليكم خويا تريكي..
اولا مرحبا بك في بلدك..
بالنسبة للقطار..
فضلا شوف هنا https://artravelers.com/p/re/175034
واذا استعصى التعامل مع الموقع..أختك حاضرة
مراكش ياريت ساعتين و نصف بالقطار..ممكن تزيد نصف ساعة اخرى..الطريق السيار تصل فيه قبل القطار
وصلت بالسلامة الى مراكش..اول شيء.قم بحجز فندق ابيس او احد الفنادق المجاورة لمحطة القطار..و اقترح تقرير خونا بوعلام وتقرير خونا المسافر سعد..

• -المكاتب اوقات العمل هي نفسها الخاصة بكافة الادارت 8-12//14--18

والله بحق تريكي هالحين انت متابع لرحلتي وتو راد انتي علي بتقرير مراكش يا وتروح وتسئل وتتركني الله يهديك انا ادلك والله من ناحية القطار ماادري لكن اتوقع فيه لأن بيقولوا كل ساعتين والافضل قطار الى مراكش لكن من ناحيه الشقق اذا تعديت قصر المؤتمرات وخليته يابعدي على يمينك امش تقريبا قريب لكن قبل فندق ميراج فيه مجمع على اليمين ادخل داخل وتحصل مكاتب والمكاتب ترا بتكون فاتحه تقريبا للساعه 1 ليلا لكن ودي اعطيك رقم يوسف صاحب وكاله لكن كيف؟ وانت بكيفك لف المكاتب ولف الشقق لكن الشقه اللي بمجمع تكون افضل وعساك على القوه ياتريكي الله يسهل طريقك قول اميين تروح وترجع سالما يارب ومراكش حلوه يابعدي وسلم لي على اهل مراكش بحبهم
لا لاتسافر قبل ................

اخي الكريم
اخر رحله للقطار الي مراكش الساعه الثامنه ( اذا لم يجد جديد ) .. قد تتأخر قليلا .. واذا افترضنا انها الثامنه تماما .. وموعد وصولك للمطار الساعه السابعه .. اضف اليها اجراءات الجوازات والجمارك التي قد تأخذ النصف ساعه .. ومسافة الطريق التي قد تأخذ 45 دقيقه بقطار المطار .. وهكذا يكون موعد اخر قطار قد فات .. لذا انصحك أن تتأكد من اخر رحله لمراكش في يوم وصولك .. واذا كانت الساعه الثامنه انزل في كازا واقضي اول ليله فيها وخصوصا انك بتكون مرهق من السفر ومحتاج للراحه والذهاب الى مراكش عبر القطار متعب حيث يأخذ ثلاث ساعات ونصف او اكثر احيانا
وفي الصباح توجه الى مراكش ويكون الوقت مناسب لكي تجد شقه جيده .
واذا لم يعجبك هذا الحل عندي لك شور ثاني
مع امنياتي لك بسفره موفقه

بنت أغادير
الاخ مسئول 00 أولا وقبل كل شيء تحيه كبيره مني لك على ردك الغير مستغرب
وصدقني كنت حاط في بالي وانا أكتب سؤالي إنك راح ترد علي لا لشيء 00 لكن لثقتي فيك لأنك
شخص تحب المساعده وخدوم 00 والله يرزقك على قد نيتك يالغالي
بالنسبه للطرح اللي وضعته قرأته بما فيه وهو صراحة حل جميل خصوصا للي حالته مثل حالتي متوهق بوقتها
وبخصوص شورك الثاني الله يجزاك خير 00 صراحه اللي كتبته يكفي والله يعطيك ألف عافيه
لكن عندي كلام صغير ودي أقوله وهو:
إلى كل من رد علي (( بنت أغادير - الرماحي 01 - مسئول ))
قولوا أمين ،،، جعل مثواكم ومثوى أهلكم ومن تحبون الجنة
الله يعطيكم ألف عافيه على سرعة تجاوبكم وإقتراحاتكم وعرضكم المساعده
فلكم مني كل الشكر وكل الثناء ،، وحقيقة كلمة الشكر قليلة بحقكم
عموماً 00 هذه البوابة بتقاريرها وردودها وكل مافيها غنية كل الغنى وثرية بالمعلومات
لكل من أراد السفر إلى المغرب (( الشكر كل الشكر للقائمين عليها من خبراء وأعضاء ))
ولم تكن هناك أي مشكله لدي بخصوص التنقلات أو أماكن السكن أو المطاعم أو أماكن التنزه
لأني كما ذكرت البوابة هذي تغنيك عن السؤال 00 إلا مشكلة وحده عارضتني وهي وقت رحلات القطار
لكن أعتقد إنه كان تقصير مني وعدم البحث جيداً في هذي البوابة والدليل 00 رابط الأخت بنت أغادير
((جزاها الله خير )) اللي كان فعلاً موجود في المنتدى 00 لكن لتقصيراً مني لم أجده
انا كانت مشكلتي فقط هو وصولي ليلاً وعدم تناسب وقتي مع وقت مواعيد القطار
إذا إنتم ملاحظين كنت كاتب إستفساري في الساعة 2:50 عصراً وكنت بوقتها على مكتبي بالدوام
خرجت الساعه 3 من الدوام (( بعد كتابتي للاستفسار بعشر دقايق )) ورحت البيت وعينت من الله خير
إلى الساعه 4 ونص العصر بعدها توجهت إلى مكتب سياحي بالخبر لأغير حجزي من خطوط الإتحاد إلى الإماراتية
والحمدلله لقيت حجز في نفس اليوم لا وأزيدكم من الشعر بيت 00 طلعت التذكرة أرخص علي ب 400 ريال
وموعد الوصول 11 صباحاً 00 يعني بإختصار (( يا سلام سلّم ))
وناسة
عموماً 00 في الوقت اللي انا كنت فيه طالع من الدوام ومتوجه إلى البيت وجلست فيه وريحت
وعينت من الله خير كنت أصلا بوقتها قاعد أحوس براسي وأقلبها يمين ويسار وطلعت بعدة نتائج منها تغير الحجز (( كما ذكرت لكم ))
وأيضاً 00 إستئجار سيارة من كازا وبقعد أحوس فيها في مراكش وأغادير على راحتي
بدال التكاسي ووجع الراس 00 متى ما بغيت أمشي أمشي متى ما بغيت اطلع أطلع وين ما أروح
أروح وين ما أبي أحوس أحوس براحتي :36_15_24:
وإن شاء الله إذا الله أراد 00 راح أكتب لكم تقرير عن الجلنط اللي بسحبه بحول الله وقوته في ساحة الفنار
بمراكش بس عساي ما أصدم بأحد واتوهق 00 :36_11_6::36_11_6::36_11_6:
لحد يصدق تراي أمزح
عموماً 00 أتمنى لكم التوفيق جميعاً 00 شكراً مرة أخرى
دمتم بود

الغالي : تريكي
مشكور على الكلام الحلو ياحلو
لكن بما انك بتغير الحجز ليش لعوستنا حتى والله اني رحت الدوام اليوم وانا متخيل شكلك وانت نازل من قطار مراكش :36_1_48: الساعه 12 بالليل بعد رحلة 12 ساعه جو بر :36_1_5:

احسنت الاختيار تريكي في خطوط الامارات مزيانه بزاف.
رايح يكون هناك توقف في مطار دبي استغله في التسوق في السوق الحره والاسترخاء في فندق دبي العالمي حتى موعد الرحلة الى كازا الساعة 7.35 صباحا.
من الافضل التوقف في كازا ليله والقطار اليوم التالي على رحلة الساعة 3 عصرا الا اذا قررت اخذ سياره فيمكن المواصلة الى مراكش.
زود مدة الاقامة في مراكش يومين اعتقد انها تستاهل. رحلة موفقة وفي انتظار التقرير.
الا تعال تقرير الرحلة السابقة فين؟؟؟؟؟؟؟؟؟؟تابعت جزء منه اين الباقي اعترف.

مسئول
كازا حاطها في جدولي آخر شي 3 أيام 00 ماني مضيع أول يوم راحه 00 بكون بوقتها مواصل بحكم إني قبل موعد الرحله ب 20 ساعه
بكون مداوم من الساعه 7 الصباح حتى 3 العصر 00 أرجع أرتب أموري وأشيك وضعي
واتوكل على الله للبحرين 00 وموعد الإقلاع بوقتها من مطار البحرين الساعه 3:50 دقيقه صباحا
إذا ركبت طيارة دبي كازا هذيك الساعه بحط راسي وأنام :36_1_50:
وأول ما أوصل إن شاء الله بكون شبعان نوم وآخذ سيارتي على راحتي 00 بلا قطار بلا هم
التخطيط السليم في العقل السليم

الله يوفقك وتروح وتجي بالسلامه والامور طيبه ان شاء الله والترانزيت قلق في العوده اما الذهاب تكون فرحان وماتحس بضيق
مدة النزول في مطار دبي اثناء الذهاب والعوده جميله جدا وهي قصيره مقارنه برحلات جده والرياض عند نزولها بدبي ومن
ثم الاقلاع لكازا
تخيل مره رحت وكانت مدة المكوث بدبي خمس او اربع ساعات تحتار ماتدري تسكن بفندق والا تستأجر سياره والا تقعد
على قولت الشباب تتسوق وبعدها رحلة ثمان ساعات ونص يعني ماتوصل لكازا الا وانت متفكك وقرفان وحالتك حاله
وتخيل المرمطه هذي تصيرلك اثناء العوده خلاص توصل نفسك براس خشمك
اتمنى لك رحله سعيده وتستانس خصوصا بمراكش
اخوك الساهر

إلا على فكره محد حط فكرة مراكش براسي إلا إنت 00 من كثر ما أشوفك ترد على العالم
وتنصحهم في مراكش واللي يفكر يقعد فيها يومين تقول له اقعد اسبوع 00 واللي يبي يقعد أسبوع
تقول له إقعد 10 سنوات 00 انا بشوف مراكش هذي اللي لاحسه مخك بشوف وش فيها
اها على مراكش انت روح وبتعجبك ان شاء الله.
وهذه بعض المطاعم بتعجبك.
بشكنجي على شارع فرنسا يقدم الشواء روح وادعيلي.
مطعم لاكاسا اوروبي.
لفنق روم مقابل فندق المنصور الذهبي وللامانة مر على الفندق شوفه روعه سعره 2005 كان 800 درهم والان 1600 .
الطاجن مطعم = البركة