عطر فرنسي
18-09-2022 - 04:24 pm
بسم الله الرحمن الرحيم
خلاص انتهى الازعاج ولا راح ازعج احد.
كنت البارح في الطايرة كني مروحة جلاسيه من كثر ما الف راسي على الرايح والجاي.
بصراحة مدري ليش حنا يالسعوديين مانسولف مع بعض بس اذا شفنا الاجنبي طقينا معاه حنك.
بالمناسبة انا محب الازعاج ورايح ومقفل جوالي ولا افتحة الا اخر اخر الليل واشوف الاتصالات والرسائل ابي ارتاح نفسيا وانسى العالم واعيش جوي الخاص (بصراحة صديقي مخرب جوي)
انا انسان احب اناظر في اي منظر واتخيله ويمكن اجلس ساعه وانا اناظر ولا اتكلم ولا اشرف واستمتع بهذا الشي وهو عكسي تمام .
المهم
اقلعنا يوم السبت 16-5 الساعه 3:59 كعادة الخطوط تاخرنا وركبنا الطايرة وجاء بالصدفه واحد هو وزوجته وسولفت مع صديقي كثير اقوله نكت وسوالف لها ذكريات خاصه اتضح لي انهم انزعجوا قلت انا خليني انام واريح الناس.
وبالصدفه وحنا راجعين البارح شافنا في المطار في جنيف ولا شفته انا وركبنا وانا مدري والرجال يقول في خاطره الله يبعدهم عني يدعي في خاطرة (طبعا هذا احساسي )
ونجي في جهه ثانية أحسه يقول في نفسه الحمد لله على جزيل نعمه .
هذا اول موقف حصل لنا في هذه الرحله والباقي اجمل خاصه في زيلامسي .
وفيه بعض الاشياء اللي حصلت لنا مع المسافرون العرب وغير العرب باقولها لكم في الحلقه القادمة.
:8888:
والحمد لله انو انبسطتو
وسجلني معاك اول المتابعين (:
ونبغى الصور لاهنت