- مرحبا اعضاء المنتدى ... وكيف حالكم وحشتونا ومن زمان عنكم
- احنا طلعنا على بانكوك اير وكانت اوكي ،،،
مرحبا اعضاء المنتدى ... وكيف حالكم وحشتونا ومن زمان عنكم
انا امس واصل من تايلاند وبعطيكم بعض التفاصيل عن الرحلة هاذي .... بصراحة الحين وانا قاعد اكتب لكم الموضوع ودي اصيح من جد هالديره ودي ارجع لها ما علينا ابدى بالموضوع ،،،،،
اولا .. احنا خمس شباب كلنا سعودين طرنا من مطار البحرين على خطوط طيران الخليج (الله يهديهم) اقولكم ليه بعد شوي .. طرنا يوم 14/7 الساعة 9 مساء - وصلنا يوم 15/7 الساعه 10.30 الصباح مطار بانكوك .. اول ما توصل طال عمرك تروح عند شباك فيزا الوصول تاخذ ورقة الفيزا وتعبيها وتحط فيها صورتك مع 1000 بات تايلندي بس يوم وصلنا تأخرت الفيزا شوي لأنه كان زحمة ناس واجد ينتظرون الفيزا بس مع كل هذا اخذناها بعد 20 دقيقة ... ولمدة 15 يوم بس ومالهم دخل فيك انت سعودي وله من اي دولة ثانية تسلم الجواز وتنتظر تاخذ رقم الين ما يطلع جوازك .. المهم استلمنا كل شي على حسب الأصول ونزلنا عشان نستلم العفش .... وهينا كانت المفاجأة .. احنا كان معنا 7 شناط ما لقينا اله 3 الأربع شناط الباقين راحوا طوكيو عشان كذا اقول الله يهديكم يا طيران الخليج وبعد يومين وصل العفش الباقي للفندق اللي كنا فيه ... طلعنا من المطار واخذنا باص مكيف لنا احنا الخمسة واتجهنا الى بتايا ب 1200 بات بس .. واتجهنا الى فندق رويال كلف .. فندق غاية من الجمال والفخامة وسعره نسبيا حلو واخذنا جناح فيه غرفتين نوم وصاله بمبلغ 800 ريال لنا احنا الخمسة وقعدنا في بتايا لمده 4 ايام .. وبعدها اتجهنا الى مكتب سفريات وحجزنا الى بوكت ولكم اسعار التذاكر الداخلية :
1 الطيران التايلندي: بانكوك - بوكت - بانكوك 5100 بات يعني 500 ريال سعودي
2 بانكوك اير: 4600 يعني 450 ريال
3 بوكت اير : 4200 يعني 410 ريال
4 اورينت اير : 4250 يعني 420 ريال
وهاذي الأسعار تعتمد على المواسم وبعضهم يعطون عروض رخيصة بس غير قابلة لتغير اليوم والتاريخ ..
وانا افضل الحجز من تايلند بتطلع عليك ارخص ..
احنا طلعنا على بانكوك اير وكانت اوكي ،،،
وصلنا الى بوكت الجزيره الساحره مهما بتكلم ما راح اوفيها حقها وبتكلم عنها بالتفصيل مع الصور ان شاء الله
طبعا عدنا الى بانكوك قبل التوجه الى البحرين وقعدنا فيها اربع ايام وسكنا في فندق انتركونتننتال بانكوك في منطقة جت لوم تطلع من الفندق وقدامك محطت سكاي ترين .. القطار تركبه ويوصلك الى اهم الأمكان والمجمعات في بانكوك واقرب نقطه له سيام اللي تكون حاوليها المجمعات الكبيره مثل طوكيو سنتر اللي هو mbk ودسكفري سنتر .. وراح اتكلم بالتفصيل عنها ان شاء الله .. لأني امس راجع ولا جهزت المواضيع
طبعا يوم جينا نرجع كنا متعدين حد الأقامة ومتأخرين 5 ايام يوم وصلنا المطار وعند الجوازات اخذونا ودفعنا غرامة تأخير قيمتها 200 بات باليوم ودفعنا 1000 بات عن 5 ايام يعني 100 ريال سعودي ولا شي .... ويوم جينا نرجع طيران الخليج الله يهديهم ...كانت رحلتنا المفروض تقلع الساعة 6 المغرب بتوقيت بانكوك ونوصل البحرين بنفس اليوم الساعه 10 بليل تأخرت الطياره وما طرنا من مطار بانكوك الى الساعة 2 الفجر ووصلنا البحرين الساعه 4 الفجر ) بس ما عليه ضريبة وناسه :rolleyes:
على يا جماعة ما ابغى اطول عليكم اكثر وراح ازيدكم بالمواضيع الثانيه .. واي سؤال انا حاضر
تحياتي لكم
اخوكم عسل مغشوش
حمدالله على السلامه
وباين على الرحله انها كانت موفقه
شدنى مقدمة الموضوع
بانتظار تفاصيل الرحله
والاستمتاع معك بكل لحظاتها
وبالتوفيق