NaSSeR-Kuw
01-11-2022 - 02:25 pm
السلام عليكم ورحمة الله وبركاته لكل اخواني الاعضاء.. )
حبيت اقول للي يفكر يروح تايلاند من الكويت هذي معلومات للي مازارها
اولا : ارجو من الشباب تأكيد الحجز لروحه والرده من مكتب السفريات الي بالكويت
ثانيا: انصحهم انهم يصرفون دولارات من الكويت
ولم تصعدون الطياره راح يعطونكم الموظفين كرت تعبونه بالكامل ارجو انكم تعبونه صح عشان لا يوقفونكم وتتأخرون بالمطار او تقدر اول ماتنزل المطار قبل ختم الجوازات اكو مكتب فيه تايلنديين يسوونه لكم ؟؟
وبعد ماتاخذون الجناط وتخلصون تصرفون 100 دولار بالصيف تقريبا يصير 4110 بات علي حسب الدولار جم واصل .. وفي مكاتب حق التكاسي انصح انكم ماتاخذون منهم لانهم غاليين .. تطلعون برى عند باب المطار في تكاسي نوعهم كامري الجديد .. السعر من المطار لي بتايا 1500 بات وتقوله طبعا يوديك عن طريق الهاي وي لانه اسرع ويكون فاضي وفي بتايا في فنادق منها vc + Pn Mansion + Yensabai Mansion + WhiteRose طبعا هذي الفنادق الي اكثر الخليجيين يسكنونهم الي اشوفهم انا والي يبي اى استفسار او شئ عن تايلاند يقولي ويعطيكم العافيه وشكرا
اول شيء حياك الله معانا ... والشكر الجزيل علي هذه المعلومات ....
بس يا ناصر عندي ملاحظه صغيره ....
يا ليت عند كتابة اية مساهمه الاهتمام قليلا واعادة قرائتها قبل وضعها في المنتدي ... لاني يا خوك قريت مساهمتك اكثر من مره علشان افهم هالجمله ما قدرت :
او تقدر اول ماتنزل المطار قبل ختم الجوازات اكو مكتب فيه تايلنديين يسوونه لكم ؟؟
لا تزعل تري ودنا الجميع يستفيد ... وحياك الله معانا