الحمد لله ع سلامتكم

الحمد لله على سلامتكم
ونتمنى تنقلين لنا تجربتك
ليستفيد باقي الاعضاء من التجربه

الله يسلمكم من الشر اكيد راح انزل تقريري والمواقف الحلوه والمحزنه بالاخير راح تكون زكرى حلوه

ياهلا أختنا ( أم سلوم )
نحمدالله على سلامتكم وعودتكم من الرحلة ... وفرحنا بنجاحها والله
بأنتظار ( سرد ) النصائح ... وذكر التوجيهات ... ليستفيد منها كل الأحبة المسافرين
كل التحية والتقدير ... على وفائك ورد الجميل للمنتدى

هلا فيك اخوي وافي شي بسيط اقدر اقدمه لكم اسمحولي لان بدون صور بس اهم شي الفايده للجميع

الحمد لله على السلامة ..
وفي انتظار النصائح والتوجيهات

هلا بااخواني وخواتي اعضاء المنتدى بحط تقريري البسيط ان شاء الله يعم بالفايده للجميع رحلتنا كانت بتاريخ 14/8 كنت انتظر بفارق الصبر هاليوم والحمدالله كانت رحلتنا ع الخطوط القطريه الساعه 8 ليلا انا وزوجي وعيالي 3 وخدامتى وصلنا بدري المطار والسبب ايام عيد وزحمه هالسنه الكل مسافر خلصنا الاجرات بسرعه
ودخلنا قاعه الانتظار مابين السوق الحر والمطاعم وخبركم اليهال معاك الطلبات الخاصه اعلنو الرحله توجهنا للبوابه واقلعت ع الوقت لمده 7 ساعات مابين الافلام والسوالف ف الطياره وصلنا كوالمبور 9 صباحا ونزلنا الاجرات سهله وميسره وخزينا كروت تلفونات من سيلكوم وف الخروج اجرنا سياره فان الى صنواي بيرميد 180 رنجت ووصلنا الفندق وسوينا شك ان بدري غرفتين جنب بعض ماكانو متصلين لعدم توافر غرف متصله فرضيت لان عيالي اولاد وخدامتهم اهم شي جنبي يكونون وعليها نومه لين العصر بعد السفر

رجعنا لكم حجز الفنادق كان بدري من موقع بوكينق فندقنا الاول صنواي بيرميد بسعر 2380 ريال لمده 3 ايام من تاريخ 15/8 الي 17/8 غرفتين نرجع تكمله ماوقفنا قمنا العصر ولبسنا وع طول مجمع البيرميد تحتنا رحنا تعشينا وتغدينا وقت واحد كانت المغرب وبعدها تمشينا بالمول وحصلنا قاعه للبولينق تحمسنا ودخلنا نلعب انا وولدي الكبير عمره 11 سنه فريق وزوجي وولدي الثاني عمره 9 سنوات والصغير 2 سنه مع خدامته تنافس قوي واخر شي خسرنا خ خزنا جوله ف المول كان حلو وممتع مرينا سوبر ماركت وخزنا فواكه وشببس ولعب الصغير ف العاب الكهرباءيه وانبسطنا وحسينا بالتعب رجعت الفندق وسويت اتصالاتي ع ايرولاين باص لحجز رحله الي بيانج ماحصلت فل كان الباص وتصلت ع نيس قال في اماكن بس تعالي انتي ماتوصل استصعبت الموضوع نزلت الاستقبال طلبت منها حجز ع طيران ايراسيا او فيرفلاي في بس 1400 رنجنت قلت بشوف لستته ارقام السواقين عندي لان حابه اروح بالسياره عندي حجز طياره كثير ابي اغير كلمت كزا واحد ورسيت ع واحد اقل شي 650 رنجت من الفندق للفندق سياره فان وبروحنا اريح وبعدها نوم عميق بعد ماضمنت الزهاب الي بيانج الي راح تكون مقرره بعد يومين وبكزا انتهى اول يوم من رحلتنا