bnt dubai
05-02-2022 - 01:24 am
السلام عليكم ورحمة الله وبركاته
الغالين انا مسافره باذن الله مع زوجي وبنتي على هونغ كونغ ب 2 اغسطس ان شاءالله وبصراحه انا وزوجي اول مره نروح لها
وبنقعد فيها 4 ايام و3 ليالي
وبنسكن في هوليود ديزني لاند
وين تنصحونا نروح في هذي الثلاث ايام وكم فرق الوقت بين دبي وهونغ كونغ؟؟
انتظركم ترا زوجي بليد ومعتمد عليه في كل شي
السلام عليكم اختي بنت دبي
انا انشا الله بروح لهونج كونج في اغسطس وجمعت الكثير من المعلومات عن هذي الجزيره
في البدايه ابي اقترح عليك في السكن
اول يومين خليها سكن في منطقه كولون راح اعطيك خيرات للفندق الموجوده في تلك المنطقه
اول فندق وطبعا هذامن اغلى الفنادق
http://www.asiarooms.com/hong_kong/kowloon/peninsula.html
ثاني فندق الهوليدي ان وسعره متوسط
http://www.asiarooms.com/hong_kong/kowloon/holiday_inn_golden_mile.html
واخيرافندق امبيراوسعره رخيص
http://www.asiarooms.com/hong_kong/kowloon/imperial.html
وهناك العديد من الفنادق الموجوده في نفس المنطقه
وهذه المنطقه تسمى tsim sha tsui
ويوجد بهاشارع رئيسي وحيوي توجد به العديد من المحلات ويوجد ايضا جامع للصلاه ومطاعم عربيه وهذا الشارع هو شارع ناثان
ولو قررتي اخي السكن في هذا الشارع ولم تعجبك الفنادق اللتي ذكرت اعطيني الحد الاعلى لقيمه السكن اللي يناسبك وانا راح اساعدك في ايجاد الفندق
نرجع لليوم الثالث من السفروراح يكون في ديزني لاند في فندق هوليودhttp://www.asiarooms.com/hong_kong/lantau_island/disney_s_hollywood.html
وهنك فندق اخرhttp://www.asiarooms.com/hong_kong/lantau_island/hong_kong_disneyland_hotel.html
الاماكن المقترح عليك زيارتها
اول يوم ان كانك سكنتي في منطقه كولون زي ما قلتلك راح تتمشين على نفس الشارع وفي اخر شارع ناثان هناك حديقه للاطفال اسمها كولون بارك وبعدين الكورنيش قريب من نفس الشارع اعتقد كل يوم الساعه8 مساء يسون عرض بالاضواء وقريب ايضا من الكورنيش سوق اسمه الهاربر سيتيوايضا هناك محلات اسمها outlietتبيع بضلئع الموسم السابق بارخص الاسعار ومكتوب عليها isa
فيه محلات السكيند هاند اصليه وغاليه ولكن تباع كمستعمله
السوق الليلي في كولون يقع في شارع تمبل رود تقاطع جوردون
اسمه تمبل ماركت وليدي ماركت وهو قريب من شارع ناثان
ثاني يوم تطلعين من شارع ناثان الى الكورنيش هناك محطه الفيري وهي عباره عن مراكب توصلك لجزيره هونج كونج اول ما تدخلين المحطه روحي يمين علشان هذا المسار يوديك حق محطه السنترال واذا نزلتي في محطه السنترال هناك فيه باص يودي الى محطه خاصه بالترامpeak tramسعر التذكره ذهاب واياب 30 دولار هونج كونجي
طبعا هذي المنطقه هي اعلى منطقه في هونج كونج ويوجد بها متحف الشمع وعدد من المطاعم والمقاهي
وهي تجربه جميله جميع الاعضاء الذين سافروا لهونج كونج ذهبوا لها واكدوا على من اراد الذهاب للجزيره ان يزور هذا المكان وهوthe peak towr
اذا انتهيتوامن زياره المكان هناك خيارات عديده من الاسواق والمراكز التجاريه
وهي في جزيره هونج كونج وانا اقصد بجزيره هونج كونج اي منطقه مثل منطقه كولون الي ذكرناها في السابق وليس مدينه هونج كونج كلها
افضل مجمع باسفيك بلاس شوبينج سنتر
pacific place shoping
تايم سكوير
time square
ذا ان سكوير
the in squareفيه ملابس اطفال حلوه اسم الحل طبعا في نفس المجمع windsor hose
واخر سوق سيتي بلازا
وهناك في منطقه السنترال طبعا هي اللي فيه اغلب المراكز اللي ذكرت محل هارفي نيكلز في مجمع اللاند مارك بجنبه عماره اسمها كينج ادوارد فيها محالت اوت لت اللي يسون خصومات 70 في الميه مثل ماركت مسيموا
اخر شي فيه سوق اسمه ستانلي ستريت ويسمى بالصيني chi chu,وهو يقع في جنوب هونج كونج توجد به ملابس ديزني التنكريه وهي ارخص من اسواق ملاهي ديزني ويوجد به العديد من المحلات
اللحين خلصنا من الاسواق طبعا مارح تخلصينهم في يوم بس انا عطيتك كل اسامي الاسواق وانتي اختاري بينهم
هناك في نفس جزيره هونج كونج حديقه حيوان ممكن تروحون لها بس لازم تعرفين مواعيد الزياره ادخلي على موضوع ابو اليازيه
https://artravelers.com/p/re/71088
وايضا ملاهي دريم بارك وهي عل الشاطي وبتلقينها في نفس الرابط لابو اليازيه
اليوم الثالث تغادرون من الفندق الي في منطقه كولون وتروحون لديزني تتوجهون الى المحطه وتطلبون محطه اسمها sunny bayراح توصلكم الى ديزني وهذا اليوم تقظونه في ديزني
اختي اتمنى ان يعجبك الاقتراح بالسكن يومين في كولون ويوم في ديزني علشان تشوفين المدينه وتتعرفين عليها احسن من السكن في ديزني كل الايام لاني زي ما قرات من الاعضاء انها صغيره وفي اربع ساعات تلفينها واذا انتي رايحه بس عشان تلعبين بنتك خلي يوم لدريم بارك ويومين لديزني
وانشاالله تروحون وتنبسطون وترجعون بالسلامه واي سؤال انا حاضره
وشكرا لك