sa66y
21-11-2022 - 03:54 am
السلام عليكم ورحمة الله
ما اطول عليكم انا حجزت عن طريق مكتب سياحي وابي رايكم
ليلتين فندق صن واي لاجون
3 ليالي بيلانجي بيش في لنكاوي
3ليالي فندق شينغيرلا او جولدن ساند في بيننانج
5 ليالي فندق ويستن او الماريوت
طبعن سمعت وقريت الكثير عن فندق الويستن لنكاوي ... ما ادري بينلانجي بيش في نفس مستواه او لا ؟؟
ابي نصيحتكم اعتمد هالفنادق ؟؟ الي عنده رايه او نصيحه اتقبلها بكل صدر رحب
مع العلم ان المزانيه مفتوحه
وش نوعية الغرف الي تنصحون فيها بكل فندق ...؟
واسف على الاطاله
حياك الله
والفنادق كلها ممتازه ومن الفنادق المميزه والجميله
وفندق البلانجي بيتش لنكاوي ممتاز ولكن مو نفس مستوي الويستن او ذا دانا
اكيد هم أفضل منه بمراحل كفخامه و خدمه والبلانجي بيتش نظام اكواخ خشبيه
اما الويستن و الدانا نظام فنادق مباني عاديه ولكن ميزة البلانجي بيتش موقعه علي
أنشط شواطئ لنكاوي شاطئ سينانق تقام عليه الألعاب والنشاطات البحريه وقريب من
بعض المطاعم والأسواق الصغيره والبقالات منتجع كبير جدا
لكن لو تبي فخامه و هدؤ الويستن وموقعه بعد مو بعيد من الأسواق والمطاعم
ولكن شاطئه لا تقام عليه اي فعاليات او نشاطات و ذا دانا غرفه فخمه جدا ومميزه
وقريب من التلفريك والقريه الشرقيه ولكن ماهو قريب من اماكن كثير وشاطئه هادئ مافيه نشاطات
يعني لو تهمك الفخامه الويستن او الدانا
بالنسبه لأنواع الغرف اكيد غرف الكلوب والإكزاكتيف هي الأفضل في كل فندق
ولكنها أغلي وغرف الديلوكس او البريمر تفي بالغرض
في الصن واي لاقون غرفه بريمر وقل للمكتب يكتب في الملاحظات ان الغرفه
لازم تكون مطله علي الحديقه والألعاب المائيه
في القولدن ساندس بينانق غرفه إكزاكتيف مطله علي الشاطئ ولو غاليه ديلوكس اوكيه
كوالالمبور الويستن افضل وغرفه ديلوكس مطله علي البرجين مع ان البرجين بعيد
بس إطلاله بسيطه وللمعلوميه لو انت من اللي يتشنجون علي وجود شطاف في دورة المياه
فندق الويستن كوالالمبور لايوجد شطاف ممكن تختار الماريوت لو مره مهم الشطاف عندك
اما ويستن لنكاوي فيوجد فيه شطاف مافيه مشكله