عبدالله الشمـري
25-09-2022 - 04:56 am
السلام عليكم ورحمة الله وبركاته
اول شيء اشكر المنتدى على المعلومات المفيده والشامله
وبالاخص العضو المبدع والمميز وافي بزمن جافي بصراحه استفدت كثير من ردوده ع الاعضاء
ثانياً : سفرتي بإذن الله بعد 8 شهور من الان ( شهر العسل ) وقاعد اضبط من الان عشان بعد 4 شهور اكون جاهز من كل شيء
وحبيت اعطيكم جدولي في السفره .. وابيكم تعطوني رأيكم ..
ليلتين سلانجور فندق صنواي
4 ليالي لنكاوي بمنتجع ويستن
3 ليالي بينانج فندق بارك رويال
3 ليالي جنتنغ او الكاميرون
حياك الله أخي الكريم , ألف مبروك مقدما والله يتمم لك على خير ..
ويستاهل مشرفنا القدير وافي الشكر والدعوات الطيبة ..
بالنسبة لجدولك ممتاز جدا ومرتب وفنادق رائعة , واضح انك قريت واطّلعت مطولا ماشاء الله ..
وأقترح عليك بعض التعديلات ..
يومين سيلانجور .. الصن واي ( ممتاز)
4 لنكاوي .. الوستن ( ممتاز )
3 بينانغ .. نصيحة غير البارك رويال وخذ القولدن ساندس أو الراسا ساينغ فهم أفضل بكثير ..
يومين الكاميرون .. فندق كاميرون هايلاندز ( 3 أيام كثيرة جدا وراح تمل هناك , عادة يكفيها يومين )
5 كوالا ومنها يوم لجنتنغ لو حبيت .. تريدرز ( رائع ) ..
الجدول هذا بيكون أريح وأقل تنقلات والبورت ديكسون مافيها شي يستاهل الإقامة فيها
غير فندق قراند لكزس وصاروا البعض يشتكون منه ولك الخيار استاذي ..
أتمنى لك شهر عسل سعيد ورحلة موفقة وممتعة بإذن الله ..
أختك .. شموخ