طالما انك تبي سويسرا .. انزل مطار جنيف السويسري ..
وتكون زيارتك كالتالي اسكن في مونترو جميله وصغيره وقريبه من جنيف وايظا من لوزان وكمان الريف الفرنسي ( مدينه انسي )
وبعدها روح على انتر لاكن وبعدها روح على لوزيرن وبعدين لو حاب تطلع لوقانو تبعد عن لوزيرن حوالي 170 كيلو انا قلتلك روح لوزيرن اول لانها بالمسافه تكون اقرب لك من مونترو لان مونترو لين لوقانو حوالي 290 كيلو
اما بالنسبه للجدول وكيف تقضي وقتك صدقني التقارير هنا راح تختصرلك كل شى

We Can Be
فقط هذا المطلوب ,, تقسيم المدن ,, الباقي ان شاء الله نجمعه من التقارير ..!
لكن اقتراحك كل مدينة كم نجلس فيها ..!
ووش رايك في هذا :
1- مونترو 3
2- لوزان 3
3- انتر لاكن 6
4- جنيف 2
وشكراً ..!

السلام عليكم ورحمة الله..الله يعافيك اخوي بقترح عليك المخطط التالي:الوصول الى جنيف والسكن في لوزان ثلاثة ايام
انترلكن خمسة ايام
يوروب بارك يومين
جنيف والريف الفرنسي اربعة ايام
الميزانية المتوقعة ...30 الى 35 ألف ريال. ((مجرد توقع لكن يعتمد على الفنادق والشقق - من غير الشوبنج طبعا ))

Medo 77
خطة جديدة , وباب جديد ^_^
مخطط اخوي الفاضل We Can Be , جميل في مسافته بين المدن ..!
مخططك ياعزيزي هل هو كذلك ؟!
وشكراً

السلام عليكم اخوي..الله يسلمك ..من غير ما تسأل...ادخل على خرائط قوقل وحط المدن المذكورة وشوف.
ترى الخيارات مفتوحة جدا عندك ..تبغى رحلتك سويسرا والجنوب الالماني والريف الفرنسي...او سويسرا وميلان والريف الفرنسي ..او سويسرا وباريس والريف الفرنسي ..خيارات عديدة.
لكن انا اقترحت عليك مخطط ممتع ومتنوع وقد طلعت عليه ومناسب جدا للشباب وللعوائل...اذا كانت طلعتكم اول مرة .
ومادام انكم شباب ....شوف المخطط هذا..
الذهاب الى جنيف والرجعة من باريس
مونترو او لوزان يومين ايام.
انترلكن خمسة ايام .
جنيف والريف الفرنسي ثلاثة ايام.
ومن جنيف بالقطار الى باريس أربعة ايام. (ديزني لاند تغنيك عن اليوروب بارك).
واذا ما ودك تنوع وتخليها سويسرية فقط شوف هذا :
لوزان او مونترو ثلاثة ايام
لوقانو يومين
انترلكن ولوزيرن ستة ايام
جنيف والريف الفرنسي ثلاثة ايام
المهم يا غالي..تشاور انت واخوياك وشوف ايش المناسب لكم والمدن اللي ودكم تزورونها.
ولابد انك تقرا تقارير الاعضاء وتحدد خياراتك.
بالتوفيق

على فكرة ...المعذرة للمخطط حقك في الرد المذكور الساعة 7:25 ما انتبهت له.
لوزان ومونترو قريبة جدا من بعض
شيل وحدة منهم وحط لوقانو مكانها ...جدا جميلة وتستاهل الزيارة.

يآ ملا العآفية يالغالي ,
وضحت الصورة تماماً ..!
شكراً جزيلا لك ..!