السلام عليكم
اخوي المويه صحيح انها غاليه ,,, بس فكرة اخذ موية من هنا صعبه من جد.
اذا وصلت اي مدينة روح على طول لاكبر سوبرماكرت عندهم ,, فيه عندك Coop ,,, وميجروس
انا اخذت منهم مويه بس ما كانت غلا فاحش
صحيح انها غاليه ,,, بس هذي طبيعة الدول الاوربية.
اذا ما خانتني الذاكره القارورة الكبيرة تصير ب 2 الى 3 يورو ,,, بس في البقالات العاديه والمطاعم القارورة الصغيرة ب 2 يورو
بالنسبه لسويسرا
في مدينة لوزان وانترلاكن فيه مويه في الشارع ( بزابيز في كل مكان ) وصالحه للشرب
بالنسبه لسؤالك الثاني
احنا متقدمين بس بساعه وحده عليهم

أخوي سينيور شف بالنسبة لي انا كل ما طبيت فندق أول شيء اسال عنه اتجاه الشمال وصلاحية موية الفندق اللي في دورة المياه للشرب كل الفنادق اللي سكنتها في إنترلاكن وزيوريخ ولوسيرن كان الموظفين فيها يقولون الموية في الفندق نظيفة جدا وكنت اسوي منها الشاهي والقهوة .. والحمدلله حنا بصحة وعافية .
ومثل ما قال أخوي أبوليان الموية شوي غالية فسعر الموية الصغيرة تتراوح من 6 ريال إلى 9 حسب المحل ونوعية الموية اللي تشتريها ومرة حصلت الموية في احد المحلات 4.5 ريال
والجو بشكل عام بارد مما يخلي الشخص ما يعطش بسرعة .
وأنا وزوجتي كان يكفينا في اليوم 6 حبات موية صغير .. يعني حوالي من 30 إلى 40 ريال في اليوم .. يعني معقول ؟؟.
ولك تحية .

هلا باخوي
الله ييسر امرك ويوصلك بالسلامه
وبحل اذا صار الغلا بس بالماء!!!
وسع صدرك وانس انك تفكر في شحن الماء والمويه رخيصه جداً مقارنةً بغيرها
واترك عنك الاغراق في الجزئيات
تقبل وافر تحياتي

السلام عليكم ورحمة الله وبركاته....
الله ييسر امورك دايما وتروح وترجع بالسلامة..
اخي الكريم اتفق مع ابو ليان بان تاخذ الماء معاك صعبه شويه لكن عليك بالسوبر ماركت القارورة الكبيرة تطلع تقريبا 80 سنتيم لكن لازم تشتريها مع العبوة الكاملة يعني 6 قارورات .
في الاماكن السياحية او المطاعم تطلع القارورة الصغيرة ب 2 او 2.5 يورو .
ودمتم سالميين .

مع التحيه والسلام ... هل معناها انك تبى تروح لايطاليا اولا !! وبعدين لسويسراء بعد النظام الجديد ... الف تحيه ...

اشتر من السوبر ماركت قارورتين واللي تفرغ عبها من بزابيزهم اللي بالشوارع العالم كلها تعبي من البزابيز
ولاتشيل هم وانا اخوك

السلام عليكم
ههه
اما تاخذ مويه معك قويه .. كل الانهار اللي عندهم والبحيرات وتاخذ مويه
حبيب قلبي والله منت حاس بسعر المويه .. انت اهم شئ تروح السوبرماركت وتشتري 6 حبات مويه تقريبا ب 4 يورو يعني 20 ريال يا بلاش وخلها معك في السياره .. وصدقني بتشرب منها في اي وقت.
طبعا ابعد عن الاسماء التجاريه مثل افياان و فليفيا على ما اضن. ولا يفوتك طعم الاخيره تراه جنان
انا بالنسبه لي كنت اشتر المويه من السوبرماركت او محطات البنزين اللي على الطريق وتكفيني 4-5 ايام
بالنسبه للمياه اللي في الغرف يعمني اللي في البزبوز ما قيه مشكله تشرب منها بس بعض الفنادق يكون فيها رواسب عاليه.
يالنسبه لسويسرا بشكل عام هي اغلا من كل الدول الأوربيه . حتى ماكدونلز اسعاره دبل اسعار المانيا والنمسا .
النمسا تعتبر ارخصهم نسبياً
أخوك أبوعبدالله

موفق يا Senior في سفرك وان شاء الله انا رائح وراك مباشرة يوم الأربعاء.

رحلة موفقة Senior واهنيك على هذا الوقت القياسي لصدور الفيزا ، تروح وترجع سالم غانم