حياكم الله أخ ماجد نعم الموضوع عادي حصل معي السنة الماضية ومع كثير من الاخوان وذكروا هذا في المنتدى وهذا من صالحك إلغاء البطاقة وإستخراج بطاقة بديلة مجانا وكل عام وأنت بخير

أي نعم الاخ ماجد,, انا حصل معاي نفس الموضوع وانا كنت استخدمت بطاقتي واايد هناك ومن اول مارجعت البحرين اتصلو فيني البنك وقال لي الموظف اني ولاني استخدمتها هناك بتتكنسل وبيدزون لي وحده غيرها واليوم بعد اتصلوا فيني مره ثانيه وبيكنسلون الجديده بعد!!وبيغيرونها يقولون فيها خلل,, ونفس الشيء صار معا الوالد,,, ولا والادهى ان ابوي وصلت بطاقته الحد الاقصى هناك بدون مايعرف السبب ,,وراجعهم وقالو له انه هناك عمليات نصب وايد اتصير ولازم نكون حذرين بتعاملاتنه بالفيزا .. خلونا انكون حذرين المره الثانيه لما انروح هناك

الحمد لله على السلامة اخوي
انا استخدمت بطاقة الصراف العادية هل فيها مشكله افيدونا
تحياتي

السلام عليكم ورحمة الله وبركاته ...
ومبارك عليكم الشهر ...
أنا استخدمت بطاقة فيزا سامبا ( في الفنادق فقط ) ولم يتصل علي أحد ... علماً بأن نفس البطاقة استخدمتها العام الماضي أيضاً ...
والله الحافظ ...

الاخ ابولينا انا ما استخدمها الى في الفندق
واشكر كل من رد على الموضوع
وكل عام وانت بخير

هلابك أخوي سمعت أنا أيضاً عن هذا الكلام
لكن
أنا عندي فيزا بنك ساب وأستخدمتها في الأسواق والسوبرماركتات حتى لموزين المطار ماسلم ومافي أحد دق علي وقالي غيرها.
عموماً هي خطوه جميلة وأحترازية من قبل البنك
تحياتي

انا استخدمت سامبا فيزا للفنادق بس
ولما رجعت طلبت تغيير البطاقه
وسالوني عن السبب وقلت احتياط بس
وقالي الموضف ان اكثر عمليات النصب دايم تكون من ماليزيا
مع انهم حليوين بس اشك بالصينين انهم هم سبب المشاكل
والمفروض ان الواحد يستخدم فيزا اليكترون
او ينزل الحد الائتماني حق بطاقته
يعني اذا انسرقت ما يكون خسر واجد