هلا بك أختي الغالية ( كويتية وبس )
بصراحة الفندق اللي ذكرتيه في لنكاوي ماأعرفه ... أول مرة أسمع به ..
وأقترح عليكم السكن في أحد هذه الفنادق ( البرجايا أو البلانجي بيتش أو الموتيارا ) كلها على الشاطيء مباشرة
وأسعارها مناسبة لكم ... وبالسعر اللي حددتيه ... والجميع يمتدحها بصراحة ...
وفي بينانج ... ( الهوليدي إن ) معروف وموقعه مميز ... وسعره أيضا مناسب ...
وبخصوص المسبح الخاص في لنكاوي ... ( الويستن ) فيه هذه المميزات وأكثر ... لكن سعره غالي بحدود ( 100 د ك )
ولو تعطينا ياأختي الغالية ... معلومات عن عدد الأيام والميزانية ... وبأذن الله راح نعطيكم أفضل الخيارات ...
وافي بزمن جافي

شكرا لك
الرحله بتكون 26 يناير الوصول 27 العوده12فبراير=15يوم
اول يومين انا محتاره بين جنتنج وافوماسا بس احس ان افوماسا انسب لان ولدي معاي
ثم 3ايام بينانج و4ايام لنكاوي او 3 ايام وش تنصحوني؟؟
ثم ودي احط 3 ايام كاميرون ؟؟ومن بعدها جنتنج بحط 3 ايام لها وبروح لحديقه الحيوان اللي تبعد عنها 95 كيلو والقريه الفرنسيه والالعاب يومين وانا احس ان ماله داعي نروح لها اول يومين بس محتاره وين نقضيهم واخرالايام اكيد بكوالا بس يظل جدول رحلتنا في ثغرات ولم يتضح المعالم واحس انه متعب خصوصا ان هذي اول مره نروح ماليزيا واول مره نطلع من الخليج وهم اول مره معانا ولدنا فمعتفسين شوي
الميزانية بدون التذاكر ومع السكن1200 دك
وللتسوق 300دك خصوصا ان مو غايتنا التسوق بس للعيال
الفنادق اللي حجزناهم خارج الميزانيه وهم الهولدي ان 3 ايام وواحدلاناي يوم يبقى 11 يوم

كويتية وبس
أول شي اختي العزيزة بالنسبة لعدد الأيام فيه غلط عندك :
الإقلاع 26 1 2010 م العودة 12 2 2010م ..(( ملاحظه شهر يناير 31 يوم ))
راح يكون وصولكم ان شاء الله 27 1 2010 م وهو اول يوم لدخولكم للفندق لذلك مجموع الأيام = 17 يوم
6ليله ....
يوومين سيلانجور من 27 1 الى 29 1 ...
خمس ايام لنكاوي من 29 1 الى32...
ثلاث ايام بينانج من32 الى 62 ..
ست ايام كوالا من 6 2 الى 12 2 ... ( راح يكون منها يوم لجنتنق ويوم لافاموسا الذهاب لها عن طريق محطات الباصات او سائق تاكسي .....
تقسيم مبدئي من وجهة نظري وراح يشاركونا الأخوان باأرائهم واختاري الأنسب لك ...
بالنسبة للفندق اللي اخترتيه افي لنكاوي مااعرفه لكن هناك خيارات كثيرة وبنفس الأسعار اللي حاطتها مثل لنكاوي لاقون او بلانجي بيتش

هلا بأختي الغالية ( كويتية وبس )
فعلآ كما ذكر أخوي الغالي ( زيد ) ... برنامجكم ( 16 يوم ) وأقترح لكم هذا البرنامج :
يومين جنتنغ أو يومين سلانجور
أربعة أيام لنكاوي
ثلاثة أيام بينانج
ثلاثة أيام الكاميرون
أربعة أيام كوالالمبور
وافي بزمن جافي

@زيد@
أتفق معك أخي في ما طرحت يعطيك العافية
أختى لن ترتاحوا في المبيت بأفاموسا فالفندق هناك لم يثني عليه أحد
فيفضل أن تذهبوا اليها من كوالا بسيارة ثم العودة في أخر اليوم
لكن جنتنج ممكن المبيت بها ليلة واحدة تكفي
وهناك البورت ديسكون لو أردتي فيلا بمسبح خاص وسعرها مناسب في ليجند ووتر هومز
وهي قريبة من أفاموسا فيمكن زيارتها من هناك

وافي بزمن جافي
مابعدك تعدي ياوافي
هذا البرنامج الامثل توكلي على الله

هلا بالاخت ( كويتية وبس )
اقترح عليكم ك تالي :
يومين سلانجور صن واي لقون
3 لنكاوي
3 بينايج
2 الكميرون
6 ايام كوالا لمبور مع يوم لزيارة جنتنق من الصباح حتى المساء
ملاحظة : كوالا لمبور مدينة التسوق واعتقد يادوب يكفيها خمسة ايام ..
ملاحظة : إذا عليكم ارهاق اضافة يوم ثالث للكميرون عشان ( ارهاق الطريق ) بدل من يومين
هذا ما اقترحه عليكم ولكم حرية الاختيار .
" اتمنى لكم رحله سعيده "