وعليكم السلام ورحمه الله وبركاته
1 - تحتاجين فيزه من السفاره الصينيه طلب صور الجواز وصوره شخصية خلال يومين الى اسبوع
2- ضخامة المجمعات موجوده ولكل سلعة مجمع او اثنين .
4+3- يوجد جملة ويوجد مفرق بزيادة بسيطه في السعر . وبالطبع ارخص من هونغ كونغ بكثير
سفره موفقة

شكرا يعني لازم من هنا اطلعها مو زي هونج كونج ومكاو

هلا أختي ام فرح
شفت لك رد في موضوع تمديحين ليدي ماركت
وبما أن هذه ثاني روحة فلك خبرة بهونج كونج
بغيت اسأل عن المحلات الي تبيع تقليد ماركات درجة أولى في هونج كونج
اكسسوارات حلوة واستكات ماركات باسعار حلوة
ملابس اطفال القاهم في ليدي ماركت ؟؟؟
ممكني تدليني على أفضل سوق يبيع هالشغلات!!!
اسف على ازعاجك وشاكر لك تعاونك

ام فرح لازم من السعودية مو نفس هونغ كونغ ومكاو

الفيزه للصين الله لا يهينك خذي معك صوره وخذي معك خطاب تعريف مصدق من مؤسسه ولا انسى تصوير الجواز عشان ماتروحين ركض لساحة الكندي وخذي منهم فيزه لعدة سفرات يعني مالتبل عشان تسهل الدخول والخروج والفيزه تقدرين تاخذينها من هونج كونج بس تكون لدخول واحد للصين اما من الرياض تقدرين لعده سفرات،،وبالنسبه للاسواق فيه اسواق ساعات واسواق ملابس وتبيع مفرق وفيه سوق زي سوق المتنبي اسمه شارع بكين وهذا للمفرق اما الاسواق بتلقين فيها تقاليد الماركات وعلى فكره بجميع اشكالها ونوعيات يعني شي تقليد مزبوط وشي خرطي وبالنسبه للاسعار هي ارخص من هونج كونج بمراحل وتعامل الشعب الطف من اهل هونج كونج فهم شعب طيب لكن غبي لازم تعرفين شوية صيني يعني يمشيك عشان تتعاملين معم

ممكن كوقر لاهنت تجاوبني على سؤالي بخصوص الاسواق في هونج كونج

مشكورين على الردود جمر و كوقر الله يجزاكم خير ما قصرتوا
كوقر: الي فهمته من ردك أنه لو لسفرة وحدة اقدر اخذها من هناك.
طيب هل إجراءات الفيزة من الرياض صعبة؟

الرحالة
بالنسبة لتقليد درجة اولى ما لقيت تقليد مضبوط مرة
بس في ليدي ماركت أشياء حلوة مو شرط تقليد يعني شنط عادية وأبواك و تعليقات جوال
وفي نفس المنطقة محلات ملابس حلوة وبأسعار معقولة
وكذلك فيه محلات اوت لت في كل مكان بالشوارع تكون عندها ماركات بس حقت الموسم الي فات فتكون ارخص شوي
وكذلك في محلات الماركات مثل بيبري أسأل عن البضاعة المخفضة تكون حقت الموسم الي فات مثلا حقت قبل 3 شهور بأسعار مرة مخفضة 30% او 40%
وتكون عندنا غير مخفضة
بالنسبة لملابس الاطفال سمعت عن سوق بس للاسف ما زرته اسمه ستانلي ماركت يقولون بعيد شوي
ويسكر الساعة 6 المغرب سمعت انه فيه ملابس ديزني بأسعار مخفضة
كذلك فيه سوق اخر وهو السوق الليلي بس للاسف لضيق الوقت ما زرته
طبعا الديرة كلها اسواق كل الشوارع اسواق وفي كل مكان حتى في المترو تحت الأرض محلات ملابس وشي مرتب مرة!!!
لو تحتاج شي انا حاضرة لأني خبرة في هونج كونج وإن شاء الله نازلة في شهر 8.

مشكورة أختي أم فرح
إجابتك تثلج الصدر
أنا رحلتي بعد يومين إلى استراليا وباجلس ترانزيزت في هونج كونج
9 ساعات في الروحة ويوم في الرجعة
علشان كذا أسأل عن الأسواق المميزة وما أضيع وقتي في شي عادي
بس أنتي ما قصرت إذا عندك إضافات إحنا ما نستغني