وينكم يالغالين تكفون لا تردوني يالله الحق على الحجوزات والترتيبات انتظركم

شوفي اختي هالوقت بعده مب برد وايد بس اللبسي اشياء خفيفة للبرد مثل (سويتر)
و احلى الاماكن في اوربا
باريس طبعا القمة في كل شي سواء في الاماكن السياحية او التسوق او الطبيعة الي خارج باريس و الجو مطر بس مش برد وايد
و بعدين هولندا اجمل طبيعة هناك و لكن برد شوي مش وايد
وبعدين المدينة الجميلة ميونيخ رائعة في الاماكن السياحية و التسوق و اسعارها اقل عن باقي دول الاوربية في المواصلات و الاكل
و بالتوفيق

مساء الورد
الاجواء ممتازه بادره وممطره احيانا كثيره
حتى نجيب بشكل اكثر دقه يجب نعرف الاتي
كم شخص انتم ومعاكم اطفال ؟؟ كم يوم الرحله ؟؟؟ ما هي وسيلة التنقل داخل اوربا سياره او قطار ؟؟ اي طيران سوف تستخدمون ؟؟ الميزانيه التقريبيه ؟؟ وميولكم الشخصيه اكثر ؟؟
تحياتي

اختي سارة العين مشكورة على تفاعلك وردك..
اووه يعني بيكون الجو بارد ماراح اقدر اتمشى وانبسط والله نفسي باوروبا وماحصل لي بالصيفية يالله بعد العيد ،
وبصراحة ماخطر ببالي هولندا حمستيني عليها ،،تسلمين ياقلبي وماقصرتي

ali_q8_77
اخي الفاضل حياك الله ،،شاكرة لك تفاعلك وردك واود الاستفادة من خبرتك بارك الله فيك
هل توقيتي غير مناسب يعني هل اقدر اتمشى وانبسط او بيكون الوضع صعب شوي وماتنصح باوروبا بهالتوقيت بصراحة انا مليت من اسيا ونفسي باوروبا بس للاسف ماحصل لي بالصيفية
بالنسبة للسفر بيكون انا وزوجي فقط..الرحلة من8 الى 10 ايام..وسيلة التنقل مو عارفة بالضبط انت بايش تنصح..الطيران مابعد قررنا بنشوف الانسب من ناحية السعر..الميزانية تقريبا20000 وممكن تزيد شوي..ميولنا ابي اجواء رومانسية وطبيعة وتسوق ابي محلات اوت لت حلوة.
مع العلم ان زوجي مو مقتنع لا بفرنسا ولا لندن يقول المانيا والنمسا والله ماادري مرة محتارة وبنفس الوقت متحمسة نفسي تكون رحلة حققت لي اللي في بالي لان ماراح اقدر اسافر الفترة القادمة وهذي فرصتي.ولك مني كل الشكر

ارشح لك نقطة الوصول ميونخ ومن ثم البدأ بالتنقلات الى الدول المجاور كالنمسا وسويسرا وان حبيتي تضيفين عليهم فرنسا ممتاز جدا
شوف موضوعي هذا يمكن يفيدك شوي
https://artravelers.com/p/re/592186
ميونخ === زي لام سي === انترلاكن === باريس
هذا والله يوفقك بس الحقوا على الحجوزات وتقديم الفيزا لان الوقت مره ضيق

فارس الجبيل
هلا اخوي حياك الله..اعجبني خط السير بس تتوقع يكفي 10 ايام وكم بتكون الميزانية لي انا وزوجي

مرسى الأحلام
اختي كل ماتأخرتي في عمل الحجوزات بتزيد الاسعار عليكم
واذا هي فقط 10 ايام انصحك ميونخ ( او فينا ) ومن ثم زي لام سي ومن ثم الى مدينة سويسريه قريبة والعوده لميونخ للرجوع
او فينا ليلتين وبعدها سالزبورغ 4 ليالي وتمرين المانيا بحيث الوصول لفينا والعوده من ميونخ
وسبلة التنقل سيارة مستأجره
والله يكتب لك اللي فيه الخير

مرسى الأحلام
نعم تكفي وميزانية معقوله جدا شامله كل شي
الطيران والفنادق تقريبا 10 الاف ريال و1000 مصروف يومي اعتبرها ممتاز جدا لا ومتدلعين بعد
خط سيري ماينفع لكم لان المسافات بعيده بس انتي كنسلي على فرنسا يعني خليها المانيا والنمسا او سويسرا والنمسا
او شوفوا لكم حجز يكون لميونخ الوصول والاقلاع للرجعه من جنيف سويسرا ويصير كذا ترتيبكم
ميونخ ( ليله للراحه من السفر )
بعدين زي لامسي ( اربع ليالي )
بعدين اذا حبيتي السكن في جنيف او انترلاكن ب( 4 ليالي ) سويسرا والتجهيز للسفر للعودة للوطن
يتم استأجار سيارة من مدينه المانيه قريبه من سالزبورغ بالطريق لزيلامسي وتسليمها في مطار جنيف وتقريباً بتكلف من 2000 الى 2500 بالكثير والسيارة ستضيف لرحلتكم كثير من الراحه والاستمتاع بالرحله
واي خدمه جميع الاخوان مايقصرون