Ms.traveller
01-10-2022 - 12:18 am
السلام عليكم
حبيت اسألكم كم سؤال
هل التشيك تصلح للعوايل الخليجيه؟؟ واسعارها شلون يعني متوسطه؟ ولا غاليه زي باقي اوربا
والتنقلات تكون شلون يعني زي باقي الدول نستأجر سائق يكون معانا طول الرحله وهو يودينا الاماكن السياحيه؟
وبالنسبه للفنادق ال 4نجوم او ال 5 نجوم كم تقريباً اسعارها
والتذكره بعد وايش هي الرحلات الي تكون من الدمام او البحرين وشكراً ادري طولت بالاسئله
وعليكم السلام
أنا عني مازرت التشيك ولا مرة ورايح لها السنة هذي ان شاء الله وطيارتي بعد 5 ايام , وبحاول افيدك باللي اقدر عليه :بالنسبة للتشيك ف هي معروفة بكثرة الزوار الخليجين وخاصة في هذه الفترة وهناك بعض المدن تعج بالخليجين اكثر من المناطق المعروفة في الدول الاخرى وعندك تبليتسة وكارفانا وبدرجة اقل كارلوفي فاري كلها خليجين الفترة هذي .
أسعار التشيك هذي السنة غالية شوي ومقاربة ل النمسا والمانيا ولكن تتفاوت من شيء لشيء اخر يعني السكن , التسوق , الاكل ,,لكن عموماً مثل ماقلت لك البلد مو رخيص ابداً وفوق المتوسط بكثيير .
بالنسبة لي انا راح استأجر سيارة وبسوقها بنفسي وبلف اللي اقدر عليه ..والله يعين على أسعار البنزين (8/لتر)
لكن عندك التنقل بالترام او القطارات في المدن الرئيسية او مثل ماقلت تستأجر سيارة بسواق لكن بيكون غالي شوي .
الفنادق غالية في اوروبا عموماً .. والسكن في الشقق هو افضل حل خاصة بالنسبة للعوائل ,, ويمكن تحصلون شقق في براغ او المناطق الثانية ب 120 يورو او اكثر بقليل , اما الفنادق (دبل رووم ) مو اقل من 140 يورو للخمس نجوم .
التذاكر في الوقت هذا بالذات كلها غالية ولا اتوقع تحصل ب اقل من 3100 , وعندك كثير خطوط تطلع من البحرين او الدمام , مثل التركية والأماراتية والاتحاد والهولندية والبريتش والاردنية والسويسرية, طبعاً كلها ترانزيت وعند التشيكية تطلع دايركت من الكويت بس , ب 3700 تقريباً يمكن اكثر الان بعد .
وعندك مواضيع كثير تتكلم عن التشيك ممكن تفيدك اكثر .