لآ تحزن
أخوي إنت من الرياض كيف أقدر أقابل مندوب الماليزية هذا
وهل يوجد مكتب للماليزية هنا

اخووي الضاهر ان كتب السفريات اللي رحتله ماعنده سالفه
لان الخطوط الماليزيه مالها كتب في الرياض فقط جدة والدماام
وتقلع فقط من مطار الملك فهد اللي بالدماام ومطار الملك عبدالعزيز اللي في جده

fisal22
أخوي أنت تقدر تحجز على الماليزية من أي مكتب سياحي مو شرط من نفس المكتب الرئيسي في جدة أو الدمام
المشكلة أنه كان يوجد رحلات تقلع من الرياض في ديسمبر وبعدها من غير مقدمات تكنسلت إلى علم ثاني

BLACK DARK
المشكلة أنه كان يوجد رحلات تقلع من الرياض في ديسمبر وبعدها من غير مقدمات تكنسلت إلى علم ثاني
ياسلام عليك هذا الكلام الزين وبالنسبه لمندوبهم تحصلة مستشفى الحبيب بطريق الملك فهد خلة على يمينك واول
شارع ادخل يمين
واول شارع يسار امش ابو واحد كيلو تحصله يمينك

لآ تحزن
يوجد شارع رئيسي مباشرة قبل مستشفى الحبيب ويوجد شارع بعده عند مشروع بناء أيهما تقصد
وأمر أخر هذا المندوب جالس بمكتب أو بقالة
ولا أيش القصة
يعني هل يوجد علامة بارزة هناك يعني أسم المكتب جنب أيش أو رقم هاتف
تكفى أفدنا بأي شي
والله يعطيك العافية

BLACK DARK
وأمر أخر هذا المندوب جالس بمكتب أو بقالة
ولا أيش القصة
يعني هل يوجد علامة بارزة هناك يعني أسم المكتب جنب أيش أو رقم هاتف
تكفى أفدنا بأي شي
والله يعطيك العافية
حلوة جالس بالبقاله لا ياحبيبي الشارع إللي بعد الحبيب وبالماريه مكتب سفريات تدخل بعدة على طول يصير
المشروع اذا دخلت على يسارك (شارع صغير )وبعدين اول شارع يسار تحصل بعد كيلو اربع مكاتب هو المكتب الثالث
وترى المكتب وكيل للماليزيه وانا اليوم رحتلهم وقالولي ماجاء المندوب وخليها بعد العيد وسلامتك
ودي اعطيك اسم المكتب بس قوانين منتدانا الحبيب
اول حرفين من المكتب الحقي ههه اكمل

حبيب قلبي لا تحزن أقترحت عليك من قبل أن تلحق تحجز على أي خطوط أخرى
مو ضروري تشتري التذكرة أنت فقط احجز علشان لا تضيع عليك التواريخ اللي مسافر فيها
رحلتكم هذي خلاص شكلها مافيه أمل منها وبيقولون لك روح دبي وسافر من دبي إلى ماليزيا
يعني حتسافر دبي على حسابك وشوف كم بتطلع الحسبة ؟!!
شوف لك حجز من جدة أو من الدمام أو من الرياض على السعودية مباشرة
وكان الله في عوتك

لآ تحزن
عرفته هذا الي حصلته اليوم بعد فر قرابة الساعة بس يوم سألت عن مندوب
الخطوط قالو بدأت أجازته طال عمره الله ياخذ عمره
المهم سألت الموظف الي هناك تتوقع وش يصير
قال يمكن يعطونك رحلة بديلة من نقطة ثانية أو يرجعون لك السعر
وعلى فكرة جنب هذا المكتب راح يفتح مكتب للخطوط الماليزية أول مكتب من جهة اليمين بس تحت الأنشاء الأن
ورحت مكتب الخطوط الأندنوسية الي جنبهم وشفت عندهم الأعلانات للخطوط الماليزية لكن كلها مكنسلة للأسف
وهذه صورة رفعتها للأعلان
http://

المغادرون 2007
عارف أخوي سويت الي قلت لي عليه من قبل بس الأسعار شوية مرتفعة مقارنة
مع السعر الي أخذته من
الماليزية ورحت المكتب الي قاص منه التذكرة شيك لي في السستم طلع أنها ممكن تتحول من دبي وقال راح يتصلون
عليك ويفهمونك الموضوع أكيد بس أنا مو عاجبتني سالفة دبي لأنه أكيد راح أدفع الفرق وخصوصاً أنه موسم
ديسمبر ومقبلين على رأس السنة
على العموم راح يتبين كل شي معي بعد العيد حتى يرجع
مندوب الماليزية طال عمره