هلا اخويه............
ممكن تشتري البطاقات اللي تنحط على لبس الطفل اللي يبيعونها في المكتبات
ولا تنسى تكتب عليها رقمك ....واسم الفندق وعنوانه..............

ابوي لا تخافين ولا تحسبين ما عليكي زود حطي عيالك في عربانه إدا كانوا أصغر من 3 سنوات أما إذا كانوا أكبر من 3 سنوات سوي مثل ما قالت لك الأخت أم شيخة الله يطول بعمرها
بس تأكدي أن البلاد هناك آمنة بس دير بالك على عيالك عدل
والله يهنيكي

عندي طريقة بس مكلفة شوية بس امان اكثر الحل هي الخادمة
انا اكثر رحلاتي مع طفلين صغار والمدام والخادمة
طلعات الصبح لهم واهتم بوناستهم ونفتر بالأماكن السياحية حتى الظهر او العصر وبعدين نريح بالفندق واكون ماخذ وياي بلي ستيشن معي من ديرتي "بلدي" اعطيهم كم سي دي العاب يلعبون فيهم واخليهم بالفندق مع الخادمة وطبعا انا حجزي كله شقق فندقية ... المهم اخلي طلعات السوق والمول والسوق الصيني او الليلي او ..الخ من العصر الى العشاء وارجع معاي كم لعبة صغيرة للأولاد اكمل فيها وناستهم ... طبعا على طول كل ربع الى نص ساعة ادق على الفندق واطلب رقم غرفتهم واتطمن عليهم...
يمكن الخادمة تذكرتها مكلفة بس راح تستمتع اكثر في سفرتك في سفرتك اكثر ماتكون محاتي ومتخوف
والخادمة راح تفيدك بأشياء كثيرة غير الأهتمام بالأطفال.... والأمر متروك لك

الله يعينك بس مثل ماقالت ام شيخه

احسن شي تشل الخدامه بتنفعكم خصوصا اللي عنده يهال

و انا بعد من رايي تشل الخدامه وايد اريحلك ... نحن بد عندنا ياهل عمره سنه عسب جيه بنشل الخدامه ويانا

البطاقات مفيدة وتتعلق بحبل في رقبتهم مثل السلسلة ودخلها تحت الملابس وسوي منها نسخة تانية وتري في انواع طرية منها عشان ما تعورهم
وانا عن نفسي والله والله
سويتلهم بلاحزمة الا تجي في الشنط حبل اربطة في يدي ويد الطفل وفي مسافة لحرية الحركة وتراة مهم لانة في الاسواق بتكون زحمة وكنت حموت من الخوف لاحد منهم يضيع وكمان عند الانهار اماكن ضيقة للمشي
ولا احد حيفهم عليهم لو ضاعوا
وكانوا دايما يوقفوني ويسالوا علي الحبل دا من فين جبتة جرب فكرتي
ولا تسيبهم في الفندق مع شغالة وانتبة من البلكونات والشبابيك في الفنادق

صراحة انا ما اشجع السفر مع الخادمة
يعني الواحد يسافر عشان يتحرر من القيود ( بلا خدامة ) و عشان يعلم اولاده شلون يعتمدون على نفسهم في ترتيب شنطهم و في اختيار ملابسهم و في لبس ملابسهم و انجاز هذا العمل في وقت محدد و هو وقت النزول و الإجتماع في اللوبي و في التعبير عن نفسهم و عن اللي يبون و يجيبون طلباتهم بنفسهم .
يعني سفر لازم يكون فية فائدة للأبناء و الابتعاد عن الخادمة اللي تلبي جميع طلباتهم و كل شيء يكون مجهز عندهم بدون تعب
و يكون فية نوع من الاقتراب بين افراد العائلة الواحدة بعد سنه الكل مشغول بين عمل و دراسة
انا اول مرة سافرت مع عيالي تفاجأة ان عنهم قدرات و طاقات ممكن اعتمد فيها عليهم و عندهم احساس بالمسؤولية
و اكتسبوا مهارات جديدة مثل تجهيز شنطتهم ( يكتبون عدد ايام السفر و كل يوم وش محتاج من ملابس و مستلزماتهم الخاصة في ورقة و بعدين يجيبونها لي و اراجعها ثم يبدؤون بتجيهيز ملبس ملبس و كل ما يجهز شيء يحط صح قدامة أول مرة رايحين جايين لي و بعدين عرفوا و صاروا يسألون بس كم يوم بنجلس هناك و هم يقومون بالواجب
مع العلم ان بعضهم توه مادخل المدرسة
و الله يهني الجميع

أنا مع فكرة الأخت cat3000
وأنا جربتها الصيف اللي طاف حق بنتي كان عمرها سنة ونص...
كنت ماخذه الحبل هذا من مذركير ... ويبيعونه بعد في محلات الأطفال Baby shop بس يخلص بسرعة....