ما اشوف تفاعل مع الموضوع
شكل الموضوع مو عاجبكم
شوفوا اللي يروح سوريا وما يروح حماماتهم الشعبيه (بخار -سونا-)
اعتبره ما راح

وأحسن شي صلحوه بالحمامات لما طلعت لها في رمضان اللي فات أن السعر محدد وعنهم صندوق حق الأكراميات يعني ما فيه تدور عليهم وتعطيهم لا حط بهالصندوق اذا تبي واذا ما تبي توكل على الله،،،
وايضاً فيه عند الجسر الأبيض بس ما أذكر أسمه ممتاز ومعروف ولا تلقى فيه زحمة الحميدية و كلهن على نفس المستوى ،،،
ومشكور أخوي فيصل على طرح هذا الموضوع،،،

نعم
اسعارهم محدد
تقريبا بيطلع معك حوال 20 ريال سعودي
هذا مع كوب زهورات
وصندوق الامانات موجود
انا صراحه توهقت
كان معي 55000 ليره وحطيتها بالصندوق
لكن ما نقص منها ولا ليره

اهلاين اخوي فيصل 666 & كيبان
زيارت الحمامات الشعبية تجربة حلوه من غرفة البخار الى تطلع من صدرك الدخان الى التنظيف باليفة الى يحك جلدك لين تطلع الفناليل القديمة بعدها يسولك تدليك يفتت عظلمك بعدها تاخذ كاس زهورات تنعنشك
تطلع بعدها تحس ان وزنك نقص 5 كيلو
احسن الحمامات حمام الشهيد بركن الدين (مشكلته مهو كل سواق تكسي يعرفه)
وحمام السوق (اعتقد هذا اسمة) بالحميدية عند سوق البزورية وهو مشهور وتحصل فيه اجانب بيصوروا للانه قديم مرة وفيه حمام في باب توما بس لك عليه من ناحية الخدمة . والاسعار مارح تتجاوز 20 ريال مع الاكرامية
بس للإسف كثير من الشباب ما عمره راح لها .
اخوكم ابو ناصر

الصراحة حلوة الحمامات الدمشقية
انا رحت مرة واحده وكنا بعز الشتاء وثلوج على الجبال وهناك تعرفت على اخ سعودي ونصحني نروح
وقبل ما اروح خذ يا نصايح من الاخوة السوريين
اشرب مويه قبل الزهورات
لا تطلع من المحل الا بعد ما تنشف 100%100
وكانت حلوة رغم ان فيه شايب رفع ضغطي بيستهبل وانا مو فاضي له

لكنهم طيبن ها الشيبان ودك تجلس معاهم يوم كامل سوالف
دارسين وعارفين الحياه
وعلى فكره تراهم شيبان لكن مثقفين جدا وخاصه بالتاريخ يعني معاصرين

أسوأ شي الليفه السودا اللي فرك بها يجي خمسين واحد ...وع

الحمام اللي بالجسر الابيض حمام القدم
والحمام اللي في باب توما حمام الشيخ رسلان
لمنك طلعت من حمام الشيخ رسلان ومشيت تقريبا 20 متر والله يابوه محل عصيرات على كيف كيفك
بعدين العمال في هذه الحمامات يستاهلون الاكرامية

والله يا شباب مرة وحدة دخلت حمام نور الدين بالحميدية ومستحيل أعيدها
إجاني واحد متل الوحش على أساس بدو يليفني ويسوي لي مساج كسر لي ضلوعي ومن يومها حرمت أدخل الحمامات الشعبية بالرغم من إنو الواحد بصراحة بيصاب بارتخاء وراحة لا مثيل لها.
كمان مشكلة لما بيجيك النعاس بعد الحمام ! وين تنام ؟