سألني الكثير عن سر ترددي على بوابة مصر
وسألني آخر عن سر تعلقي بمنتدى العرب المسافرون
وهل صرت أبيت فيه عوضاً عن دار الأسرة ..!!
فوجدتني "أشخبط .. شخابيط" جاءت على هذا النحو
حكايتي مع بوابة مصر
حبيتها من أول طلّه ونظرة
قول من يجي خمسين يوم
زرتها ومكانشي عندي فكرة
إن بعدها عيني ح يجافيها النوم
لقيت فيها ناس أشكال وألوان
رايحين جاين محملين تقارير
مليانة معاني ود وورد وامتنان
وصور تنطق من غير تعابير
ومهند وسطيهم جامعهم ع الخير
وحب الغير وكلمته حلوه ورنانه
نصراوية والمرام وشهد وأم الخير
ودبلوماسي وفهد وخالد والرسامه
كانت بدايتي م القرية الفرعونية
ومنها لإسكندريه ومرسى مطروح
وحبه مع العجائب وحبه بالمنوفية
والقلم يكتب تقاريره والصور بتبوح
بكل البراءة والبراعه والإخلاص
لقيت مسافرين وعشاق ودراويش
اللي عايز ياكل ويشرب و.. خلاص
واللي عايز يشوف الجونه ومجاويش
اندهشت لما شفت مصرتانيه بعنيهم
شعبية غنيه بآثارها وناسها الطيبيين
وعشت ما بينهم إيديا في إيديهم
واحد من إخواننا العرب المسافرين
وتمر الأيام وتدور سواقي ماتخاف
تروي العطاشى في سؤال وإجابه
وألاقي نفسي بقيت من الإشراف
دي باختصار حكايتي .. مع البوابة