يا اخت سائحة بالنسبة للحل هو انك تنتظرين وتصبرين حتى تجيء بعثات الوزارة ولا غيره حل . فيه واحد زميل لي مدرس نفس موضوعك بالظبط كان مدرس حكومي راح للوزارة(وزارة التربية والتعليم) قالوا له تفرغ مانعطيك نعطيك طي قيد وفعلا تم فصله والحين هو في أمريكا له سنه ونص..........

أحلى ما فيك أنك بدأتي من النهاية ههه
كان من المفروض الحصول على البعثة أولا وبعد ذلك الإجراءات الأخرى
لكن السؤال: كيف حصلتي على الفيزا بدون ضمان مالي؟؟ أو أعطيتهم ما يثبت أنك تملكين المبلغ المالي؟
ودمتم بود

شكرا لكم مع اني تحطمت زياده
انا حصلت على القبول من الجامعه والقبول المالي لأني كنت مرافقه لزوجي المبتعث وقررت ان اكون مبتعثه مثله
(شفتم كيف كيد النساء؟؟؟) وخلصت اوراقي وقلت بكمل دراستي وش معنى هوه يكمل دراسته
لكن للأسف هو راح البعثه وتركني من سنه تقريبا وأنا هنا قاعده أطارد على البعثه لوحدي
لكن مازال عندي عزيمه واصرار ----------والله يوفقكم على مشاركتكم في موضوعي
ودمتم

اختي نسال الله ان يوفقكي
لكن عندي سؤال
انتي متخرجة لغة انجلزية
وقدمتي ماجستير على اي تخصص؟
لاني ان شاء الله السنة الجايه انهي الجامعة وودي اكمل دراسة في الخارج
شكرا جزيلا

الله يوفقك لكن روحي التعليم العالي واستقعدي لهم لعل وعسى يوافقون عليك وريهم اوراقك انها كامله وقولي لهم انا مرافقه لزوجي ويحق للمرافق انه يدرس على حساب الدوله.

أحلى ما فيك أنك بدأتي من النهاية ههه
بصراحة تعليق روعة .. ولا احلى
شكرا scholarship لانك ضحكتني بخفة دمك
شوفي باقولك اللي اعرفة وان شاء الله ينفعك بس بشرط لو مانفع ماتزعلين علي
( اللي اوله شرط اخره نور )
اللي اعرفه انك المفروض تنهين وضعك اول شيء من العمل باجازة او غيره بحجة مرافقة الزوج مدة ابتعاثه هو للدراسة ... هذا اولا
ثانيا تغادرين الى بلد البعثه وتقيمين معه كمرافق له لكن لاتنسين تترجمين اوراقك قبل تروحين هناك
ثالثا من هناك وعن طريق الملحقية تطلبين الدراسة بحكم وجودك مع زوجك وعندك قبول للدراسه وتنتظرين الموافقة تجي من التعليم العالي ..وبدون مايكون للموافقه علاقه بعملك يعني لاتخبرينهم او تذكرين انك موظفة في اي جهه فقط مرافقة مع زوجها في بعثته
اعتقد ان هذا الطريق اسهل واسرع .. طبعا هذا اللي اعرفه
وانتي عليك انك تتاكدين قبل تنفذين اي خطوة
واللي اوله شرط اخره نور
وبالتوفيق