يعطيك الف عافيه
ماشاء الله حرصك للاخوان والاخوات واضح بالمنتدى وحتى التفاصيل تساعدينا
الله يوفقك

الف شكر
بس عندي سؤال هل فيه كرت دخول لنيوزلندا؟؟
ولك جزيل الشكر

وعليكم السلام ورحمة الله
اختى وخبيرتنا الكريمة / طيف الورود...
مشاء الله في كل يوم تتحفينا بشئ يشوقنا الى السفر الى قاره الاحلام...
تحياتى لكِ

وعليكم السلام ورحمة الله وبركاته
يعطيج العافية إختي طيف و ما قصرتي علي هالمجهود .
من الأشياء الي تغث بالسفر
الطياره + تعبئة هالكروت و تعالوا عاد شغلوا الترجمه هذا شنو وهذا شيقصدون فيه ؟؟؟
بس نقول للإخوان لا تنسون خانة الأكل أشرو جدامها بأوكي إذا كان معاكم طعام حتي لو كان بهارات بس و شي بسيط ,, و بالمطار بعد تشييك الجوازات إختاروا العربانه الحمراء و بعد أخذ الشنط تتبعوا الشريط الأحمر الي يرشدكم لنقطه التفتيش ومعاينة الطعام الي معاكم ..
يعني لا تخبون انه معاكم أكل و حسب ما سمعت انهم ان دروا فيكم بينشفون ريجكم ..
تحياتي ..........

شكرا لك اخ / fms لمرورك وتستاهل ويستاهل الجميع والله يوفقنا ويوفق الكل ............
شكرا اخ / fahad_alhamed على المرور ، واما عن كرت نيوزيلاند ماعندي اتمنى يكون موجود عند احد الاعضاء ومايبخل علينا فية...............
هلا بالادارة الاخ ( Abdulaziz ) والله كلة بفضل الله ثم مساعادتكم للجميع...وكل الشكر لك على المرور الكريم.
هلا بمشرفتنا الاخت الغالية / الباحثة ، والله بجد من اكثر الاشياء اللي تغث بالسفر هالكارت بس المغثة تقل يوم يتوزع بالطيارة قبل الوصول لاكن لما مايوزعونة بالطيارة او ينقص عن بعض الاشخاص هذي هي الغثة الكبيرة على الاقل الواحد بالطيارة يتسلى فية لاكن بالمطار كل الحوسة .....وبجد نصيحة من مجرب لاحد يخبي ان معاه اكل ويكون صريح حتى لو كان ادوية او اي شي يدخل الفم لاتترددوا بانكم تقولو احنا الحمد لله كنا صريحين ومامرمطونا لاكن صاحب زوجي الله كان بعونة معاة اكل مو مخلي على قلبة ولا قال لهم وبهذلوهم بهذلة في المطار .....
كل الشكر لك اخت على مرورك ونصيحتك الثمينة.......

معقوله حتى الادويه يعني اذا عندي باندول ودوا الدوخه اللي حق الطياره
ممنوع؟؟؟؟؟؟

هلا اخت/ غموض الغد ........ مانقول ممنوع لا بس لازم تصرحين بالموجود معاك وهم ماراح ياخذونة لاكن اذا ماقلتي وكان موجود معاك هنا ممكن ياخذونة منك ، كان معانا مجموعة ادوية وقلنا لهم مااخذوها مننا مجرد قالو لنا ورونا اياها والقوا نظرة سريعة وتركونا بحالنا ...........

يعني ادويه واكل لازم نصرح فيها
طيب وش سالفه العربه الحمراء الي بعد الجوازات
سي يو

الله يعطيك العافيةاختي طيف الورد بس ممكن تعطينا الترجمة بالنسبة للكرت
لانك تعرفين اللغة الانجليزية مش ولا بد وشكرا