1. طبعاً من وين تتصل ؟

مساء الخير يا الربع
هذه تجربة من التجارب التي استفدتها من رحلتي الثانية
وقلت خلني أحطها ب( حصريا على العرب المسافرون ) قلت : خلنا نتلصق شوية ، يمكن الجماعة يعطوني وسام سفر وإلا يخلوني مراقب ، يمكن تنفع المهم يا حبيبي
أول ما توصل إلى هناك بالسلامة ، طوالي تفك الشريحة حقتك السعودية وتحطها في الشنطة وما تركبها إلا لما ترجع ديرتك بسلامتك .
طوالي بعدما تفك الشريحة تروح على السوق ، وتشتري بطاقة مكالمات مثل اللي عندنا لكن نسيت وش اسمها هناك ، مايهم ، المهم إنها بطاقة مخفضة جداً
لما تشتري البطاقة تمسح الرقم السري وكلمة المرور وتتصل على الرقم المجاني ثم تطلب الرقم في السعودية .

طبعاً من وين تتصل ؟

تتصل يا الحبيب من أي هاتف ثابت سواء كبينة أو غيرها ، لأن الرقم المجاني اللي تحطه ما يكلف ريال واحد على صاحب الثابت ، ولو أن بعضهم طماعين ياخذ على الخمس دقايق ريال واحد ، لكن برضوا مش مهم طالما أنك راح تكلم الدقيقة ب 1.50 هللة من مسافة أكثر من 7000 كيلو بينك وبين بلدك
بعض الفنادق طماعين ياخذون على الدقيقة في الهاتف الثابت خمسة رنقت ، وهذا قمة الجشع ، والبعض ياخذ كل خمس دقايق ريال واحد مثل فندق راساساينج ، طبعاً أنك تتصل على الاستقبال في الفندق وتسأله عن سعر الدقيقة للهاتف الثابت عشان ما تتوهك وتاكل مقلب .
تستطيع تستخدم الهاتف الجوال إذا شريت شريحة ماليزية ، بمعنى أنك تستطيع تشغيل البطاقة عليه ، وتتصل منه ، لكن راح يحسب عليك مبلغ حوالي ريال تاخذها شركة الجوال حقتهم غير قيمة البطاقة ! شكلها طماعة زي شركة اتصالاتنا
صراحة لما كنت هناك ، كنت أكلم بالهبل وكأني في ديرتي
اتمنى أني أفدتكم بالموضوع