- بعدين شفنا صالة القنطرة ... بس كانت مسكرة ، الظاهر مو شغالة
- خضرة ماشاء الله تفتح النفس والقابلية .....
السلام عليكم يا أحلى أعضاء بأحلى منتدى ....
اجتمعنا أنا والعيلة على فكرة أنو نروح شي مشوار .... وقررنا نطلع برات الشام .... مطاعم طريق المطار ماصرنا شي رايحن عليها ... قررنا نغير....
م م م ... عين الخضرة ... لأ ... طيب بحيرة زرزر ..... وهون قال صهري إيه والله .... مطعم الحدائق المعلقة واللي بيطل على بحيرة زرزر .... وكان الرحيل
اتجهنا على مطعم الحدائق المعلقة ودخلنا من القوس الحجر الخاص بالمطعم ... نطلع وننزل ، وننزل ونطلع ... هاهاها ، والطريق حجري حلو ومميز ... لغاية ما وصلنا لساحة حجرية حلوة فيها أشكال وألون من اللوحات الحجرية المميزة والجرات القديمة المعتقة ....
بعدين شفنا صالة القنطرة ... بس كانت مسكرة ، الظاهر مو شغالة
بعدين وصلنا للممر اللي بيوصل على المطعم الصيني .... وشفنا لافتة بتدل على الكهف .... وهون قلي صهري روحوا باتجاه الكهف ... واتجهنا ...
ونحنا باتجاه الكهف .... قلي صهري رح نروح على الصالة الصيفية ... اندهشت ... لأنو الجو برد ( مع أنو الساعة كانت 4.30 والشمس طالعة .... بس المكان بارد وجبلي ) المهم عرفت أنو طريقنا كان للصالة الشتوية والصالة الصيفية والتراس مسكرين .... وهادا اللي شفتو بطريقي للصالة الشتوية ...
خضرة ماشاء الله تفتح النفس والقابلية .....
وفتنا للصالة الشتوية لغاية ما وصلنا لصالة البانوراما .... طبعا الصالة الشتوية كانت مليانة بالعيل وماقدرت صور للأسف .... وفات بهل اللحظة كروب لبنانية .... وبعدين لاحظت أنو نص الطاولات لبنانية ... وتذكرت أنو اليوم الأحد وأكتر الرحلات من بيروت بتكون للشام بهل اليوم ... وهادا وقت رجعتون عبيروت ... بيتغدوا غدا متأخر وبيرجعوا عبيروت ....
المهم وصلنا لصالة البانوراما وهيه صالة شبه خاصة ... مدورة وحلوة بتطل على بحيرة زرزر....
وهي المدخل اللي بيوصل للصالة الشتوية
وهي اطلالة من البانوراما للمطعم الصيفي
بس مسكر للأسف التراس الصيفي ... بركي الصيفية الجايه ... هاهاه
وهي صورة للبحيرة ...
وطلبنا الأكل ... مارح قلكون شو طلبنا لأني صورت الأكل .... واستنوا لتشوفوا شو طلبنا ... واشتهوا يا حرام ... هاهاها .... استنوني بالجزء التاني
أخذتنا خطوة بخطوة وحنا معاك لا تتركنا ننتظر كثير