- وبعدين رحنا بيننق
السلام عليكم ورحمة الله وبركاته ...اختكم بنت دبي وصلت البارحه الى ارض الوطن ((دبي)) فديت بلادي مالي غنى عنها
بخبركم شو صار معايه في ماليزيا انا مسافره ويا زوجي وبنتي عمرها سنتين ونص ,,اول الايام كنت في جنتنج بصراحه جو رائع والعاب تفتح النفس وصرت جني بيبي من لعبه للعلبه وبنتي معايه وزوجي يتفرج علينا ويصورنا جنا عياله ههه
المهم في جنتج الوضع كان فيه حلو من ناحية الفندق والاجواء والناس الي فيه
وبعدين رحنا بيننق
الجو كان حارر بس استانست فيها كل يوم رحله من حديقة لحديقه وناسه بس الي صدمني بنات السعوديه والكويت ..بتقوولين هيه ماقالت ولا يابت طاري بنات بلادها انا اقول الي شفته وبكل صراحه ومابستحي ...
تعرفت على بنات سعوديات في بيننق والله العظيم لبسهم فاضح جدا البنطلون راص راص والقميص مش ساتر الجسم بالعكس مبين الجسم والشعر برع والحاله حاله وقلت اذا نصحتهم اخاف يفشلووني اقل شي بيقولوون لي مالج دعووه فينا ولا انتي وصيه علينا ...هذا شي
في كوالمبور شفت بنات اهل الكويت يتمكيجون بطريقه كانهم رايحين عرس وطبعا ارد اقول مش الكل مش الكل انا اتكلم عن الفئه الي شفتها ...واللبس والله العظيم فاضح والريول برع برمودا لا حجاب ولا هم يحزنون ,,,:whistling
وهذا الكلام شفته في محل النعول كرمكم الله اشووفها تقايس وعلى بالي هنديه لانه شعرها برع لا حجاب ولا شي وبرمودا هيه وشلة بنات كلهم كويتيات واقوول لريلي شووف الهنود ماخلوا نعال ماشروه ماخلو لنا شي :36_1_3: الا اشوف وحده يايه صووبي وتقوول انتي تتكلمين عنا نحن هنود وانا ويهي صار جذي:36_1_25: والحمدالله انها تضحك ويايه قالت لي حرام عليج نحن من الكويت ..ويلست تسوولف ويايه الحمدالله مازعلت بس...الله يهديهم ويصلحهم
يعني انا مامدح نفسي ...انا لبسي عادي ..بنطلون وسيع مش راص وقميص طويل وفضفاض الى اسفل الركبه ومتحجبه ولله الحمد ..وساتره نفسي..
وسامحوني على تعليقاتي بس هذا الي انا شفته ويسامحوني خواتي اهل الكويت والسعوديه ومب قصدي شي غير اني انقل الصوره الي صادفتها وشفتها هناك وربي ايستر على عباده
السموحه :36_1_39:
ويحفظ بناتنا