حياك الله يابن هدلق والزواج مبروك وبارك الله لكما وجمع بينكما علي خير
كل شي تمام شكل ماشاء الله عندك فكره من قبل بس بالنسبه للصن واي لاقون
اشوف السعر مرتفع الا إذا كانت الغرفه كلوب ديلوكس فتقريبا معقول
اما بينانق فالفندق ممتاز والافضل منه راسا سايانج وكلهم تبع شنغريلا بس سعره اغلي شوي
واربعه ايام واجد علي بينانق والافضل حسب ماقلت انت تشيل يوم وتحطه بكوالالمبور
وتروح فيه جنتق وانت مخير ياتسكن بجينتنق يوم او تروح الصبح وترجع باليل المسافه
تقريبا ساعه الي جينتنق وعموما كل شي عندك ممتاز الجدول والفنادق وإن كان الافضل
تحجز عن طريق الانترنت عشان تحصل علي اسعار اقل لاني احس الاسعار اللي
انت حاط شوي زايده مو كثير بس فيه فرق وبالنسبه للشيك اوت تختلف من
فندق لفندق بعضهم الي الساعه 3 العصر وانت اخر يوم بتكون بتريدرز وفيه عضو
معنا في المنتدي يعمل في فندق تريدرز اسمه حسن إن شاء الله يفيدك وبالتوفيق إن شاء الله ..
.

وعليكم السلام ورحمة الله وبركاته
كوالالمبور (سيلانجور على ما اعتقد)
صن واي لاقوون ريزورت SUNWAY LAGOON RESORT
Deluxe Double BB room
ليلتين
السعر: 1538 ريال سعودي (769 لليلة)
السعر مبالغ فيه معليش
شف الموقع هذا عندهم عرض على نفس الفندق مع تذاكر الدخول و فاوتشر اكل ب60
وتطلع عليك الغرف باليوم تقريبا 600 ريال - ولو تحب (upgrade ) للسويت بتطلع عليك 700 بالليله
http://www.asiatravel.com/malaysia/sunway/index.html
والدفع للفندق نفسه عند الوصول
بين
انج
شانقريلا قولدن ساندز SHANGRI-LA GOLDEN SANDS
Superior Double BB room
اربع ليال
السعر: 2618 ريال (655 لليلة)
فيه البارك رويال لو تحب تغير له
لانكاوي
شيراتون لانكاوي بيتش ريزورت SHERATON LANGKAWI BEACH RESORT
Garden view room
3 ليال
السعر: 2785 ريال (928 لليلة)
http://www.asiatravel.com/malaysia/prepaid/langkawi/sheraton/index.html
بالموقع ذا لشهر ديسمبر =730 ريال
ياليت تقوي قلبك وتحجز بالنت يااخوي
كوالالمبور
تريدرز Traders
Deluxe Double City View BB room
اربع ليال
السعر: 1705 ريال (426 لليلة)
الفندق الكل يمدحه موقعه مره زين بس ياليت تغير نوعية الغرفه لاطلالة البرجين والحديقه..
هذي الخطة مبدئياً
أول شي هل توزيع الفترات بين مناطق ماليزيا جيد؟
هل اشيل ليلة من بينانق لتصبح 3 ليال بدلا من اربع واضيفها لكوالالمبور في الاخير؟
انا كنت بقول لك هالشي
بالنسبة لآخر ليلة في كوالالمبور .. رحلتي الساعه 12 في الليل .. هل اعمل تشيك اوت الظهر او راح تكون العملية متعبة؟ واقدر احط الشنط في مكان آمن لو عملت تشيك اوت؟
اول شي اطلب منهم تسوي تشيك اوت متاخر..
راح يخلونك المين الساعه 5 ان شاء الله
ومن 5 الى 8 حط شناطك عندهم وتمشى وانت متطمن ان شاء الله
ثاني شي .. هل الفنادق جيدة بالنسبة لأسعارها ومواقعها؟ هل هناك فنادق بديلة بحيث تكون بنفس الجودة واقل تكلفة أو موقع افضل؟
الصن وي لاقون..
عندك الصن وي بيراميدز.. ارخص وبنفس الموقع ومستواه جيد
بالنسبه لبينانج اقترحت عليك البارك رويال..
بالنسبه للنكاوي اذا كنت بتدفع 900 رح بيلانجي بيتش افضل
بالنسبه لكوالا زين مره بس غير نوعية اطلالة الغرفه..
تحياتي لك والله يوفقكم ان شاء الله

أنا قايل ماراح ينفعني الا هالمنتدى
ماشالله عليكم .. تبردون حرة الواحد
zazaz
مشكوره اختي مختبه على تعقيبك
بالنسبة لموضوع الحجز عالنت راجع له
وبالنسبة لموضوع البارك رويال في بينانج .. وليش تنصحين فيه؟ وبكم سعره اذا تدرين؟
وشكرا على سالفة التشيك اوت والشنط
كل الشكر لك على مرورك الجميل وملاحظاتك اللي كانت في محلها
=-=-=-=-=-=-=-=-=-=-=-=-=-=-=-=-=-=-=-=-=-=-=-=
الأسئلة هذي لكم كلكم ولا يهونون بقية الاعضاء
طيب لو غيرت الصن وي لاقون ل الخيول الذهبيه (القولدن هورسز).. وش رايكم؟
وبالنسبة للحجز بالنت .. مريت على myholiday.com.sa اللي حاطين اعلانهم فوق وشفت فيه فرق 10 بالمية اقل تقريبا .. هل هم مضمونين؟ هل فيه احد افضل منهم من ناحية السعر والضمان؟ والا تشورون علي احجز من الفندق نفسه دايركت عن طريق النت؟
يعطيكم العافية مقدماً

وبالنسبة لموضوع البارك رويال في بينانج .. وليش تنصحين فيه؟ وبكم سعره اذا تدرين؟
نصحتك فيه لانه افضل من قولدن ساندز وفي نفس الموقع تقريبا..
وسعره في ديسمبر للغرفه ذات الاطلاله الجانبيه على البحر 708 ريال
وللاطلاله الكامله 797
وتراي الاحظ بالقولدن ساندز اللي انت حاط.. مافيه نوعية اطلالة..
يعني يمكن معطينك اطلالة على الشارع..
طيب لو غيرت الصن وي لاقون ل الخيول الذهبيه (القولدن هورسز).. وش رايكم؟
بالنسبه للصن وي والقولدن هورسس تعتمد على مزاجك الشخصي..
اذا والله تبي هدوء وروقان.. اسكن بالقولدن هورسس
اذا تبي ملاهي وفله وسوق ومطاعم وسعة صدر عندك الصن وي لاقون..
وبالنسبة للحجز بالنت .. مريت على myholiday.com.sa اللي حاطين اعلانهم فوق وشفت فيه فرق 10 بالمية اقل تقريبا .. هل هم مضمونين؟ هل فيه احد افضل منهم من ناحية السعر والضمان؟ والا تشورون علي احجز من الفندق نفسه دايركت عن طريق النت؟
بالنسبه للموقع اللي ذكرته.. (اجازتي) ماعندي اي خبر عنه بالصراحه
لكني اشير عليك انت تسوي مقارنات بنفسك بينه وبين موقع اسيا ترافل اللي الاكثريه يعتمد عليه وغالبا يكون هو الارخص..
واكثر الفنادق فيه تطلب دفع عن طريق الفندق نفسه اول ماتوصل ((الا اذا كان مكتوب قدامه prepay))
وهذا موضوع لمشرفنا مهند.. يشرح فيه الطريقة خطوه بخطوه..
https://artravelers.com
وممكن من نفس موقع الفندق..واكيد بيكون ارخص من مكاتبنا هنا..
تحياتي لك وبالتوفيق

ابن هدلق
والله الراسا سايانج افضل فندق في بينانق وسعره حدود 850 الي 950 والممتاز
وسعره معقول البارك رويال من افضل الفنادق وسعره معقول من 650 الي 750 تقريبا
وبالنسبه لمواقع الحجز عن طريق الانترنت الافضل هو
http://www.instantroom.com

ماشاء الله
جدولك حلوو
بس اتفق مع الاخوان بالنسبة لسعر الصن واي لاقون ريزورت
وبالنسبة للبقيه الاخوان الله يعطيهم العافيه ماقصروا
وفالك طيب