albahir
28-10-2022 - 12:46 pm
انا ياإخوان حجزت عن طريق شركة
وبعض الفنادق صارت غير متاحة فطلبوا مني اختيار البديل وبعضها متاح وحجزوا لي فيه
المشكلة اللي مؤرقتني الحين انه دخلت ع اسيا ترافل ولقيت الفنادق اللي قالوا لي غير متاح (موجوده)
يوم قلت لهم قالوا لي: احنا اتصلنا بالفندق ومافيه امكانية !!!
واللي قالوا لي الشركة متاح وحجزوا فيه كان غير متاح في اسيا ترافل واسياروومز ولا حتى موقع الفندق
شي غريب :112:
توكلت على الله وحجزتها من اسيا ترافل ودفعت المبلغ وما اعرف كيف اتأكد من الحجز
الحين مين اصدق الشركة ولا اسيا ترافل ولا موقع الفندق!!!!!
كيف بتصير حجوزاتي اللي عنده خبرة بهالموضوع يعلمني الله ييسر له امره
خل في علمك ان كل وكيل حجز له عدد معين من الغرف اللي يقدر يحجزها في كل فندق... ليش؟ لاني كل وكيل سفر له سعر معين سواء كان مكتب او موقع انترنت
فمن الممكن انك تلقى امكانية عن طريق وكيل معين بينما لا يكون هناك امكانية عن طريق وكيل آخر في نفس الفندق ونفس الوقت ،
الحل الوحيد عشان تضمن حجزك وحقك ، انك تطبع الفوتشر او ماتحجز مع ايصال الدفع اذا كان دفعت عن طريق الفيزا، ثانيا خذ رقم الفندق اللي حجزته واتصل عليهم وقلهم انا حجز في تاريخ كذا واسمي فلان واسألهم هل في حجز واذا قالوا لك ايه قلهم هو مؤكد او لا بهالطريقة ان شاء الله تسافر وانت متطمن ، حتى لو حجزت عن طريق مكتب حجز واكد لك هو الحجز وعطاك فوتشرات وكل شي،، فيفضل انك تاخذ رقم الفندق وتتصل وتتأكد بنفسك من كل المعلومات واذا انت منحرج من الوكيل عشان تطبه رقم الفندق افتح قوقل وطق اسم الفندق وادخل على موقع الفندق وتلقى ف الكونتاكت ارقامهم،
احس اني كتبت كلام طويل وكثير مدري وش طلباته بس مشي حالك والله يسهل عليك ويوفقك ،
بيست ريقاردز ،