اخوي احمد : اذا انا فاهمن عليك
اللي اعرفه انه غير مسموح دوليا اخذ تاشيره الى اي بلد الا من بلدك الاصل وخصوصا ها الايام. وعموما اتصل بسفارتك او سفارة التشيك في البلد التي متواجد فيها الان. وستجد الحل. والبلد حلوه وتستاهل العنوه تحياتي

مراحب اخوي احمد
اسمع يا طويل العمر من خلال تجربتي مع الفيزا انا حاولت اني اخذها من دوله ثانيه يعني ما ابي اخذها من الرياض
لأني كنت ناوي اسافر وابي الفيزا بسرعه ولما اتصلت على السفاره التشيكيه في الكويت قالوا لي انت مواطن سعودي
ولازم تاخذها من الرياض لأن السفاره التشيكيه في الكويت تغطي الكويت وقطر واللي في السعوديه تغطي السعوديه
مع البحرين
بس عموما التشيك بلد حلوه مره وتستاهل العنوه بس ايضا من خلال سفرتي مع ام العيال الى ماليزيا ارتحت لها
كثير لأنه راح تواجهك مشكلة اللغه في التشيك اما في ماليزيا فالكل يتكلم الانجليزيه
ولك حرية الاختيار

السلام عليكم
الاخ الكريم حبوب الشرقية انا ما انصحك تروح للسياحة مع العائلة الى التشيك وذلك لعدة اسباب:
1- الدوله غاليه سياحيا وخاصة الاماكن اللي يقولون انها سياحية.
2- لا يوجد اماكن سياحية بمعنى الكلمة حتى انه لا يوجد مدينة العاب عليهاالقيمة.
3- سوء معاملة بعض افراد الشعب وخاصة الرجال اما النساء فلطيفين ( اموت ياشيخ ) ماودك الا تاخذ لك وحدة وتخليها تسولف .
4- صعوبة تأقلم النساء المتحجبات مع المجتمع لان اشكالهم راح تكون مميزة وراح تحسون بشيء من الملل والنظرات الغريبة من الناس
واحسن لك رح ماليزيا لان التشيك ما تصلح الا للشباب فقط

أحمد2005
يا هلا والله باخوي احمد .....
معليش اسمحلي اني داخل على الموضوع متأخر .... والسبب زي منت شايف انا كل مطيح في بوابة اندونيسيا
ومن النادر اني امر على البوابة هذي ....
وبخصوص اساتفسارك ..... اللي انا اعرفه انك ما تقدر تفيز من غير السفارة التشيكه في الرياض هذا شي
والشي الثاني انا ما اشوف ان التشيك افضل من ماليزيا .... انا رحت ماليزيا بصراحه ولا شي ولا احد يقدر يقارن بين الثنتين ... من ناحيه السياحه والمصاريف ....
احنا 2 شباب والمدة كانت 12 يوم ... التذكره كلفتنا 3050 ريال للواحد والسكن كلفنا 5500 ريال وكلها فنادق 4 نجوم .... وبعد 9 ايام قدمنا الحجز وصار 10 ايام بدل 12 ودفعونا 110 يورو للتذكره عشان بس تقديم الحجز (klm) وخسرنا اخر ليلتين من الفندق بس عشان نرجع من الزهق .... وقبل ما نسافر كل واحد فينا صارف 1000 يورو .... وابشرك يوم رجعنا ما معنا شي يذكر .... يعني طلعت على الواحد حدود 10,000 ريال على سفره ما تستاهل المبلغ هذا ....
انت تدري انا وخويي من قهرنا على التشيك بعدها ب 20 يوم سافرنا اندونيسيا وجلسنا 20 يوم ....
يعني انا اقول خلك على فالك .... احسن

مساء الخير ،
الله يكون في عونك أخوي ......
البردعي الله لا يهينك والله تعبت أبغى أحد يفيدني في التشيك في أول السنة الميلادية
فيه أمكانية """"""

بالله شباب فيه احد يروح للتشيك في عيد السنة ؟؟؟؟؟؟؟؟؟؟؟؟؟؟؟؟
الحمد لله بس
سكب بالله راجع حساباتك شوي

هلا اخوي سكب
ارجو التوضيح اكثر. لأني مافهمت سؤالك