فزاع78
02-10-2022 - 12:01 pm
مرحبا اخواني الاعضاء واخواتي العضوات.................
بغيت منكم الافاده في موضوعي, اختي الصغيره عمرها سنه من الاطفال الخدج ((المولودين قبل موعدهم)) تعاني من زيادة الماء في الراس وسوولها عمليه تركيب انبوب شفط في الراس والحمدالله العمليه نجحت لاكن من يوم سوت العمليه في تقدم لكن بسيط فحبيت منكم انكم تنصحوني بدكاتره في المانيا مختصين بعلاج المخ والاعصاب للاطفال وياليت يكون في كلينكوم اخن لاني انا مجرب كلينكوم ووايد كانت خدامتهم وعلاجهم ممتازه في العظام اما في المخ والاعصاب للاطفال ماعندي فكره اذا اوكي هناك ولا لا فتكفون افيدوني لان والله حالة اختي محزنتني كل يوم تكون اسوء من اليوم اللي قبله وخصوصا ان الماي بدى يأثر على عيونها وسبب لها حول بسيط وطول نظر
الله يشفيها ويعافيها يارب.......
والله يخليها لكم ويفرحكم فيها ويبعد عنها الأمراض ويعطيها الصحة والعافية.......
بصراحة أخوي العزيز أنا ما رحت ألمانيا من قبل ولا مرت علي هالحالة من قبل......وخاطري اساعدك بس ما في يدي شيء غير الدعاء.......وماحبيت أدخل الموضوع بدون ما أرد.....
عموما أمنى من الأخوان والخوات إللي راحو ألمانيا من قبل أو حتى عندهم خلفية عن هالمرض ومكاان علاجه يفيدونك......وما تشوفون شر يارب........