تفضل يالغالي هذا البرنامج لمدة يومين في لنكاوي
اليوم الأول في ( لنكاوي )
الراحة في الفندق والتجول بالمنطقة المحيطة ... ثم التوجه لميدان النسر عند العصر ...
التسوق من مجمع ( الفير مول ) والعشاء والعودة للفندق ..
اليوم الثاني في ( لنكاوي )
جولة بتاكسي خاص لمدة أربع ساعات ... تزور فيها التلفريك والشلالات والحدائق ..
تبدأ الجولة طبعآ من ( 10 ص إلى 2 ظهرآ ) ... وبعد تعود للفندق للراحة لمدة ساعة
عند الساعة ( 3 عصرآ ) التوجه لرحلة المانغروف الساحرة ... ومدتها ثلاث ساعات ...
وفي المساء العودة للفندق والراحة ... والأستعداد للمغادرة غدآ

مشكور يالوافي على هذا الجدول وماقصرت
اذا فيه امكانيه تقرير عن الفير مول اومعلومات اكثر عنه
واشكرك على تجاوبك يالغالي

العفو حبيبنا ...
ومجمع ( الفيرمول ) مجمع صغير ... وماأعرف عنه تقرير بصراحة ...

يعطيك الف عافيه وماقصرت

العفو حبيبي ... تحياتي لك

حبيت اقولك ان ( التلفريك ) قريب مره من فندق ( برجايا ) يعني مشي ..فمكن انك تستفيد من هالنقطه .. ويصير تزور التلفريك اول يوم بعد راحتك .. تروح له مشي .. والفندق عندهم سيارات توصل مجاني

في مجمع رائع وراح تلاقي فيه كل شي تبغاه اسمه تقريبا بري مول او بريد مول وهو قريب جدا من مطعم ارابيكا ومدخله من الخلف عندهم حاجات حلوة واسعارهم رخيصة

يعني يالغالي افضل من الفير مول
وش الحاجات الى اعجبتك فى المجمع

اماكن تستحق الزيارة في لنكاوي
1/ الشلالات
2/التلفريك
3/رحلة المنجاروف
4/ميدان النسر وحديقة لا جندا
5/حديقة التماسيح
6/حديقة الفواكة
7/ شاطئ الرمل الاسود
8/حلبة السيارات فيراري جربها
9/عالم تحت البحار ( انا ما عجبني اذا كنت تحب او لم تزر اللي في دبي او الكويت جرب زيارتة )

• اول ما توصل مطار لنكاوي راح تلقى مكاتب سياحة وجولات كثيرة وراح يعطونك اوراق بالعربي وفيها اهم الاماكن السياحية