- جميع الحجوزات غلى موقع booking.com
السلام عليكم ورحمة الله وبركاته
الصراحه انا من محبين شرق اسيا وخصوصا تايلند ولكن رحلاتي الشبابيه ومو متعود اسوي برنامج مرتب يعني متعود بعد ما اوصل اختر المدن وهكذا
والمره بسافر مع زوجتي وبنتي وقلت ماليزيا هي الوجهه المناسبه وصارلي شهر احوس واستقريت على
وقت المغادره الاحد 4-9-2011 والعوده 20-11-2011
اول مدينه سيلانجور ( ليلتين )
Sunway Resort Hotel & Spa - غرفة بريميير مزدوجة أو توأمية MYR 980.00 مع الافطار بدون ضرائب
ثاني مدينه لنكاوي ( 3 ليالي )
Meritus Pelangi Beach Resort And Spa, Langkawi - غرفة ديلوكس مزدوجة أو توأم مطلة على الشاطئ MYR 2004.57 مع الافطار بدون ضرائب
بينانغ ( 3 ليالي )
PARKROYAL Penang Resort - غرفة مزدوجة قياسية مطلة على التلة MYR 1185.00 مع الافطار بدون ضرائب
الكاميرون هايلند ( ليلتين )
Hotel De' La Ferns, Cameron Highlands - جناح جونيور مطل على الريف وملعب القولف MYR 703.44 مع الافطار بدون ضرائب
واخيرا كوالالمبور ( 5 ليالي )
Traders Hotel Kuala Lumpur - غرفة ديلوكس مزدوجة أو توأم مطلة على البرج MYR 2431.50 بدون افطار بدون ضرائب
جميع الحجوزات غلى موقع booking.com
اكملت الحجز بفضلكم وبفضل تقاريركم السابقه الي عنده نصيحه او معلومه لا يبخل علينا
عندي مشكله صغيره حجزت على الماليزيه من مطار كوالا الى لنكاوي على موقع الطيران نفسه وحجزت المقاعد لي ولزوجتي وبنتي بيننا - لكن انا انصدمت تمت الموافقه على مقعدي وقعد زوجتي بس بنتي حددث خطاء وما حجزو مقعدها .. انا خايف يصير واحد بينا من الاجانب النشبه خصوصا المقعد بجانب باب الطوارىء فيه مسافه بين المقاعد الاماميه والخلفيه وينشب اكثر وبنتي صغيره 3 سنوات شنو الحل ؟
كم المسافه بين فندق تريدرز وشارع العرب مشي وبالتاكسي؟
شنو اسم شارع العرب عن الماليزيين ؟
عندي مشكله ثانيه توني اعرفها ان وصولي يوم الاثنين للصن واي وانا مخصص يوم الثلاثاء للمنتجع وللاسف طلع مغلق
بحاول اني استفيد منه بيوم الوصول لكن يوم الثلاثاء ثاني يوم بالسفره المفروض يكون حافل وين ارووح ؟
وشكرا للجميع
وش رائيك تغير الحجز
وتخلي السكن في جنتنج او في كوالالمبور
لانه مثل ما قلت ان الثلاثاء مغلق وصولك بيكون يوم الاثنين ان شاء الله .. وهذا اليوم بيكون راحه وتمشيه بالمجمع .. ( يعني ما يمديك على الملاهي يوم الاثنين )
اما لو تسكن في جنتنج فاتوقع بيكون افضل
شوف رائيي الاخوان