nraren
13-12-2022 - 10:31 am
اخواني الكرام هذا جدول رحلتي للريف الالماني لشهر جون
احتاج ارائكم و الاماكن هل هي جيدة جيدة وكفايه عدد الايام لها
واذا مفروض اغير مكان على مكان تكفون عطوني العلم
الوصول يوم 10-6 جنيف
الوصل يوم 11-6 بادن بادن الجلوس لمدة 3 ايام
الوصول يوم 14-6 ميوينخ الجلوس لمدة 4 ايام
الوصول يوم 18-6 قارميش الجلوس لمدة 3 ايام
الوصول يوم 21-6 ريست الجلوس لمدة يومين
الوصول يوم 24-6 جنيف و المغادرة يوم 24-6 للسعودية..
ما احتاح اروح اسواق ومدن كبيرة مزحومه
فقط الاستمتاع بالريف والطبيعة .
خالص ودي اخوكم نادر
هلا اخوي
انا ماعرف وايد بخصوص الجدول بس بقولك الي اعرفه
بما انك تبغي بادن بادن فالبداية فاقربلك تنزل في مطار فرانكفورت الالماني
بخصوص ميونخ تراها مدينة ومافيها طبيعه بس تطلع منها للمناطق المحيطة وقارمش تبعد عنها ساعة ونص بالسيارة
وترا قارمش حلوة بس يكفيها يومين
وتقدر تستقر في منطقة الكابرون تبعد ربع ساعة بالسيارة من زي لام سي
والناس تستقر في هالمنطقة لان السكن فيها ارخص وفيها اكواخ حلوة وتقدر تلف المناطق المحيطة منها
وبما انك تحب الطبيعة فانا اقترح تحط انترلاكن فالجدول وهيه في سويسرا
واذا تحب البحر واجواءه انصحك تروح منطقة نيس ومنها تقدر تلف على كان وموناكو وفيها مطار بعد اذا حبيت تكون هيه اول الرحلة
بس انت مطلع الفيزا الشنقن من اي دولة لان لازم تنزل فالبداية فالدولة نفسها الي ماخذ الفيزا منها يعني لو ماخذنها من المانيا لازم تنزل في مطار الماني
اتمنى اني قدرت افيدك بشي لو بسيط
اختك اميرة الامارات