عليكم السلام ورحمة الله وبركاته
بالنسبه للتاكسي عادي تتفق مع واحد قبلها بيوم وهو الأفضل
او تخرج خارج الفندق وتدور لك تاكسي بس ممكن تطول شوي
والمسافه تقريبا ساعه ونص والسعر حدود 130 الي 150 رنقت
و إذا تبي التلفريك خله ينزلك عند التلفريك اما لو ماتبي التلفريك
عادي قله ماينزلك إلي في أعلي الجبل قريب الألعاب
وبالنسبه لدرجة الحراره من 18 الي 22 تقريبا بس مع الضباب يكون ابرد
و إذا مامعاكم أطفال فالوضع طبيعي ويحتمل ولكن الأفضل عشان ماتمرضون
ويروح عليكم باقي السفريه في علاجات وتعب البسوا شي اثقل من العادي وكم طويل
ولو بغيت باص متأخر فيه باصات قو جينتنق إلي 7 مساء كل ساعه تقريبا او ساعتين باص
بس لازم تاكسي من سيلانقور للكي إل سنترال او بودورايا بس الكي إل سنترال اقرب

من سلانقور إلى جنتق حدود الساعة
وأفضل شي قل للسايق ينزلك عند التلفريك عشر دقايق وانت بجنتق عن نفسي حبيت التلفريك لأنه أسرع
وبالسيارة حبيته لأنك تستمتع بالمناظر الخلابة والطبيعة الرائعة
والجو الخيال
وقتنا كان الجو روعة والضباب مغطي المكان بس الجو لطيف وقتنا كان شهر 7 ميلادي

بارك الله فيكم وماقصرتوا
احنا شخصين والحمدلله حاسبين حساب معانا ملابس ثقيلة
طيب الحين انا قررت اروح بالباص وآخذ باكج كامل اريحلي
اروح لمحطة الكي ال سنترال جم تبعد هالمحطة من فندق سان واي ريزورت وجم تكلفة التاكسي
وراح اختار اني انزل بالتلفريك افضل على كلامكم وعلشان استمتع بالجو والمنظر
بالمناسبة سعر 130 رنجت للمشوار الواحد ولا الذهاب والعودة

عبدالله .
ال 130 رنقت مشوار واحد ذهاب
والبكج كامل للشخص 47 رنقت ذهاب وعوده وتلفريك والعاب خارجيه
الكي إل سينترال تقريبا من 20 ل 25 دقيقه من الصن واي لاقون
والسعر والله ماذكر بس في حدود ال 30 الي 40 رنقت بس كنسل الكي إل سنترال وافضل لك اوتاما 1 مول
انا شيكت اللحين وشفت فيه موقع افضل واقرب من الكي إل سنترال
وهو مجمع وسوق اوتام ون مول في سيلانقور قريب جدا من الصن واي لاقون
تقريبا 10 الي 15 دقيقه من الصن واي لاقون اوتاما ون مول utama 1 وفيه رحلات كثير
وشوف المواعيد علي هالرابط
http://www.gogenting.com.my/en/express/1utama.htm

zazaz
جعل من جابك بالجنة
باجر إن شاء الله بروح للمجمع هذا وبحجز إن شاء الله
وإذا ماحصلت عالاقل اشوف هالمجمع فيه مافيه
ماقصرت ياخوي وانا سيفت الموقع باجر إن شاء إذا الله سهل بروح

عبدالله .
وانت ومن جابك وجميع المسلمين في جنات النعيم إن شاء الله
وللمعلوميه المجمع ممتاز ومن أكبر المجمعات واحدثها يستحق الزياره
جزاك الله خير واي خدمه حاظرين للطيبين

zazaz
مساء الخير
ابشرك اليوم صفرت نوم وعينت من الله خير ورحت لمحطة اوتاما 1 وراعي التاكسي غشني بالسعر بس انا مو حوله بوصل قبل لايطوفني الباص
وصلت واخذت تذاكر عالوحدة ونص للباص والتلفريك ب 38 للشخصين بدون تذاكر للألعاب لأن هالتذاكر تتوفر الصبح بس
وبالنسبة للمجمع وانا راد طقيت فرة فيه
مجمع حلو بصراحة بس فيه اعمال صيانة ببعض جوانبه ويعيبه انه مو منظم يعني تضيع فيه اعتقد لأن في بعض الجوانب ما اكتملت لي الحين

عبدالله .
ماشاء الله عليك شكلك مصفر الي الظهر و حلاة ماليزيا القومه الصبح بدري
وترجع الظهر تكمل التصفير ثم تطلع العصر بس شكلك نوام
المجمع جديد ومن اكبر المجمعات بس يمكن توسعه او إصلاحات
وحلو السعر باص وتلفريك شخصين ب 38 الله يديم الرخص
بالتوفيق إن شاء الله