يالله انك تحيا من اول دب الى اخر دب بالمنتدى
مستنسين ان شاء الله
كل عام وانتم بخير بمناسبه عيد الاضحي الي بيجي بعد شهرين عشان لا تقولوون ابو تمره ماعيدنا
واسمحوا لي في بدايه مشواري هذا
واول موضوع انزله لكم من بعد غياب طال عشره ايام
ان اسدح لكم كل ماشفته في رحلتي المتواضعه الى بلاد العمه بلاد الاندوومي ،،،،، جاكرتا - بنشاك - بالي
طبعا احب اتكلم شوي واتفلسف فألي شابك من جواله ولا شابك ديل اب ولا من كافي انترنت
يحاول يوقف الوقت ويجلس يقرائ لاني بصراحه طفشان وقررت اسولف شوي
كيفي عاد موضوعي وانا حر
المهم ياذى العلم صارت علووم وانواع الأفلام الكرتونيه بالسفريه هذي
احب اقول طبعا سفريتي هذي لا كانت على البال ولا على الخاطر
وكانت كل ملامح العيد تقول اني بسافر الى سوريا
بس سبحان ربك مغير الأحوال دعست دعسه حسيتها قويه
بس الحمد الله مافي احد تظر من دعسي
طبعا لما عرفت اني مسافر الى جاكرتا ماخليت موقع على النت الا ودخلته
وجمعت كل البيانات الي تلزمني
وكل الامااكن الحلووة
كل ذى صار في خلال يومين بس
طبعا مأتوقعت ابدا ( اندنوسيا ) تطلع بالشكل هذا ابدا
مثل مافي كثيرين يحسبون مثلي كذا
ويقولن بلاد الشغالات
وبلاد السواقين
فأنا من هنا اقولكم
لقد ازاد احترامي للشغالات والسواقين من بعد زيارتي هذي
وربي عايشين اطلق منا
وشوارعهم وكل شيء شفته احسن من عندنا بمليون مره
اي سواقين واي شغالين
# .. الإدارة
المهم انها مرره فله
وانصح بزيارتها
علما انها بلاد رغم انها روعه بس رخيصه جدا فاراح تستمتعون كثير كثير كثير
طبعا انا سافرت ثلاث محطات عندهم
جلست يووم كامل في جاكرتا
وجلست يوم كامل في منطقه اسمها بنشاك ( الجبل )
وجلست خمس أيام في جزيره ( بالي )
ثم جلست يوم كامل في جاكرتا ثاني مره وبعدين رجعت الرياض
سافرت عن طريق الخطوط الاندنوسيه اسمها ( الجاروده )
تقلع من الرياض وتوقف في جده تقريبا ساعه كاامله
وبعدين من جده تدعس الى جاكرتا
تقريبا اطول رحله بحياتي
عشره ساعات وانا بالطياره جالس
تعرفت على كل الي بالطياره
طفشتم من سواليفي احس
تبون تشوفون الصور
يالله نبداء بحمد الله
هنا طبعا توني طالع الطياره وكانت مرره زحمه
هنا صوره الطياره الي هيا اسمها الجاروده وجدا حلوة ورعه الخدمه فيها اهنيهم بصراحه
هنا مغير فلوس من مطار الرياض قبل لا اطلع الى عملتهم واسمها ( الروبيه ) وغيرت شويت فلوس الى دولارات # .. الإدارة
هذا واحد بالطياره وانا رايح لجاكرتا
والله ماكذب عليكم
ماذكر اني شفته منزل رجوله
صديقي الي معي يقول شكله ناوي يدخل موسوعه جينس ههه
ياجماعه الخير انام واقوم والرجال على نفس وضعيته اقول لصديقي لا يكون مات ولا شيء
يقولي لا ياغبي هذي حركه
# .. الإدارة
هذا الأكل حقهم
قدموا لنا هذي الوجبه ثلاث مرات #
مرره حلو طعم اكلمهم بصراحه
هذي قبل لا تهبط الطياره
هذا اول مأنزلنا الى مطار جاكرتا #
وهذ بعد من مطار جاكرتا
طبعا تعرفوون اني انا شخصيه مميزه
واول مأنزلت الى مطار جاكرتا كان بأستقبلي الشرطه:C EDP_Stealer:
طبعا السالفه
صديقي الي معي ماقدر يصيبر ابدا تقريبا عشر ساعات بدون تدخين
فدخل ودخن في الحمام ومسكوه
وجم فتشونا حصلوا معنا كرتون دخان
اخذوا جوزات السفر وقالوا الوعد مطار جاكرتا واول مانزلنا
سلمونا للشرطه حق المطارر
وهنا زي مأنتم شايفن صديقي جالس يضحك وانا جالس اضحك عليه وجالس اصور فيه
واقوله رحله سووده من بدايتها
المهم رحنا مكتب الشرطه حقهم
ويوم فهمنا انهم يبون غرامه قدراها 3 الف ريا قلت لخوي سوي الولد الاهبل
وقلبنا عربي
قلنا نبي احد يتكلم عربي
نو اسبيك انجلش
جابوا لنا واحد اندنوسي يترجم لنا الكلام
قلنا له انوا في ناس متبلين علينا بالطياره
من هنا الى هنا
قلنا نبي السفاره السعوديه في نصب بالموضوع
والله ويتصلون
ويجينا واحد اسمه علي المالكي الله يطول بعمره
احب اهنيه من هنا
وخلص كل اورقنا وسوى لنا كل شيء
وعطنه رقمه
وقال شكلكم حقون مشاكل اي شيء يصير اتصلوا عليا
ماقصر بصراحه
وخلصناا وطلعنا من المطار
هذي صورره تاكسي عادي جداا عندهم
يعني تركبونه ويشغل لكم عداد
عشان تعرفون بس كيف تقلون بلاد شغالات
هذا شكل باب المطار لما طلعنا
وهذا اول تاكسي عندهم نركبه اسم السواق علي مايعرف يتكلم لا عربي ولا شيء
انجليزي ويالله يالله
المهم هذا الي مشي معنا لين لقينا فندق بجاكرتا
هذا وحنا بطريقنا الى الفندق
وهذي صوره السوق حقنا اسمه علي
وصلنا الفندق حقنا
واسمه كان ( سنتياك هوتيل ) مرره رايق وحلوو كان وجلسنا فيه يوم كامل بالظبط
هذي صورره غرفتنا
هذا وحنا جالسين على المسبح وجالسين نفطر
هذا شكل الفندق وانا تحت بالمسبح غرفتنا فوق
وهذا شكل المسبح بصوره عامه
وهنا ناس يتسبحون معنا وكان اغلبيتهم اطفال ذاك اليوم
يتبع
ابو تمره انا