أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
اسم على مسمى إن شاء الله ....... والحمد لله على السلامه........ بس ياليت لو تقولون عن الوضع هناك كيف من ناحية الزحمه يقولون السعوديين تارسين الديره ؟؟؟؟؟؟؟؟؟؟؟؟؟؟؟؟
هلا والله اخوي الاصيل ومثل ماقال الشعيبي صدق انك اصيل يااصيل (ههه) هاه ترانا متشوقين وبالنسبة لي كثير لاني طالع في 25 -8-2004 ان شاء الله ولاول مره لماليزيا فأبيك الله لايهينك تقول من طقطق لسلام عليكم ( طبعا فيه امور لاتقولها ) ههه على اي خطوط وين سكنت وين رحت وكيف كانت التنقلات وش احسن شيء عجبك ... ومشكور وانتظر ردك يارب ,,,,
الله يسلمكم جميع وبصراح البلد حلوه مره وتستاهل كل ريال فيها وقبل أن أبدأ أشكر أخوي الشعيبي اللي استفدت منه قبل ما أسافر..... أبدالكم بالزحمة الغير طبيعية من السعوديين فأنت تسافر رحلة داخلية ولكن هذه الرحلة كأنها سعودية وما تشوف غير أبو سعود وبصراحة البلد أمان بدرجة كبيرة وشارع بوكت بنتانج اللي يسمونه(شارع العرب)شارع ممتع بالليل فكأنك في شارع من شوارع السعودية...... ومن خبرتي اللي اكتسبتها فأحسن الفنادق فخامة وموقع من المطاعم والتسوق والحركة فهي الماريوت والوستن والريجنت.....أما أنا فسكنت في المندرين وأستانا والثاني زبالة أعزكم الله أما الأول فهو غاية في الروعة وعيبه البسيط أنه يبعد عن شارع العرب 600متر تقريبا.. وفي بينانج سكنت في متيارا وأنصحكم في ولا تصدقوا من يقول إنه بعيد عن السوق والمطاعم كلها ثلاث دقائق وانت واصل ..الفندق فيه شاطئ مو طبيعي وغرفه نظيفة وقريب من حديقة الفواكه والفراشات والشلالات. وفي لانكاوي والله اللي يسكن في غير الشيراتون بيردانا أعتقد أنه لن يستمتع فهو فندق رائع وقريب من ماكدونالدز وكنتاكي والسوق وميدان النسر..... وسكنت في السن واي لاغون وهو جميل جدا زرت في كوالالمبور حدائق الطيور والفراشات والزهور والحيوان والماينز وندر لاند ولا يفوتك فيها التاكسي المائي وزرت جنتق وهي حلوة بس يوم يكفيها يعني بلاش فندق ولا تفوتكو المنارة ولكن في الليل روعه
أما البرجين فما لقيت وقت أطلعها ....
وفي بينانج ذهبت الى (الفواكه - الفراشات وهي أجمل من كوالالمبور - الشلالات - القرود - هضبة بينانج ) وأعتقد إن هذي الأماكن أفضل ما في بينانج وفي لانكاوي ذهبت الى شلالات (سفن ولز)وبصراحة عالية مرة والمدام معي عزفت التمشاية من هذيك الطلعة _ أيضا التلفريك وهو رائع - والتماسيح ولاتروح الا وقت العرض واحد(الساعة11,45 والثاني2,45) ولا يقوتكوا عالم تحت الماء - كذلك ميدان النسر...... وآخر يومين خليتها لصن واي لاغون وبصراحة لو ما المدام اشتاقت للبنت لأطلت الرحلة والحمدلله على كل حال. التكاسي في كوالا 25 للساعة في لانكاوي 20 في بينانج 25 ريجنت للساعة والسلم عليكم ورحمة الله
الحمدلله على السلامة اخوي الاصيل
وخبرنا ماليزيا كيف ؟ عجبتك ؟
ويشهد الله انك اصيل يا الاصيل ...جزاك الله خير اخوي
ومانستغني