kobaid
25-03-2022 - 05:04 am
السلام عليكم أولا
وثانيا أحب أتشكر المنتدى وكتابه على المعلومات القيمة اللي لقيتها قبل ماسافر انا وعيالي....
باختصار ماليزيا حسيت انها خلاص ما عاد تصلح لنا سياحة (اقصد هنا السعوديين)
لأنه بصراحة وجدت هناك معاملة خاصة بالسعوديين....
أولا يعرفونك سعودي من بعيد سواء غطيت عيالك ولا فتشوا ولا كنت لحالك ( ياناس على الأقل اماراتي أو قطري طيب )
ثانيا الاسعار واضح انها متغيرة مع اني اول مرة ازورها بس حسيت من طريقة التعامل وكلام اللي حولي
انهم يغلون علينا يالخليجين وخصوصا السعودي ( يعني اذا بتروح حاول تشوفلك أي جنسية تقولها لهم)
وبس!!!!!!
كل شي ما عدا ذلك ممتاز،،،، بس ما يكفي انك تزور بلد في آخر الدنيا وتحس كأنك بالرياض يعاملونك غير الناس وخصوصا الاوروبيين والامريكان.... لهم معاملة غير شكل.
هذا وهي بلد مسلم،،، على العموم انا قلت اروح في وقت مدارس وشتاء علشان افتك من الزحمة ومع ذلك البلد ماشاء الله مليانة..... أجل شلون في الصيف...
يعني نصيحة مني للعوائل والهوني مونرز اتركوا عنكم ماليزيا وشوفوا غيرها،،،،
ونصيحة أخرى لا تصيرون كريمين بزود علشان ماتخربون على اللي بعدكم ،،،،
وأخيرا أشكركم ثانية على المنتدى الرائع واقول لكم لو الله ثم انتم كان علوم....
ملاحظة: اخذت تذاكري وفنادقي من الرياض من مكتب (.... حسبي الله) ولما رحت هناك لقيت الأسعار مباشرة من الفندق أقل وتصل الى 50% أقل، لكن وش أقول
طيب اش رايكم الحل ؟