اولا ما انصحكم تستأجرون من فيينا لأسباب
اول شي فيينا ما تحتاجون سيارة لوجود نقل عام ( المترو ) وهو طريقة استخدامه سهل
اضافه الى ان سعر مواقف السيارات داخل فيينا غالي جدا قد يصل الى 200 ريال (اقل شوي او اكثر شوي )
فاذا كانت كامل اقامتكم في فيينا ما انصحكم بالسيارة والاكتفاء بالمترو , وعند الحاجة القصوى تاكسي
واذا كنتوا راح تطلعون من فيينا (مثلا الى زيلامسي او سالزبورغ ) فانصحكم بالاستئجار في آخر يوم لكم في فيينا يعني تستأجرون السيارة وتطلعون من فيينا
يا ليت تقولين لي برنامجك وعدد الاشخاص وتاريخ السفر وراح اساعدك بالبحث عن سيارة ان شاء الله

ليلتين فيينا - 3ليالي سالزبورغ - ليلتين ميونخ- 6ليالي زيلامسي- ليله فيينا
هذا مخطط الرحله ... ماادري كذ حلو ولا لا ؟؟
طبعا حنا 5 اشخاص وطفل 6 سنوات يعني انا وزوجي وبناتي وولدي
السفر ان شا الله راح يكون ب 11/ 7 / 2011
والعوده 30 / 7 / 2011
اول مره اسافر النمسا ولاعرف فيها شي
فياليت اخوي تساعدني الله يخليك
ماادري ايش رايك با لسياره لان زوجي متخوف علشان اول مره
يقول مشكلة الرخصه وكذا
موفق اخوي

مثل ما قال أبو ريان فيينا ما تحتاج سيارة نهائياً
وما تحتاجوا سيارة كبيرة فان
سيارة وسط حقت خمسة أشخاص تتؤيد االغرض وزيادة
وسعر السيارة يختلف من نوع لنوع وحسب المدة المستأجرة
وكذلك يختلف الآيجار من النسما والمانيا
المانيا أرخص
ولو ما تم حجز التذاكر
أفضل تغيير المخطط ما يحتاج ترجعوا فيينا مرة ثانية
فيكون فيينا - سالزبورج - زيلامسي أو كابرون - ميونخ

هلا اختي
بالنسبه للرخصه قولي لزوجك يمر مكتب سياحي ويستخرج رخصه دوليه
بيطلبون صوره مكشوفة الراس ورخصته هنا و100 ريال بس
ويطلع الرخصه وهو واقف
بس الافضل تكون الرخصتين معاه (السعوديه_الدوليه) لانو احيان يطلبونها مع بعض
ورخصه الافضل تكون الاصدار الجديد لانو يكتبون الاسم عربي وانقلش
هذا النقطه اللي اعرفها والباقي الشباب والصبايا ما يقصرون ان شاء الله

أم نجود
هذا مخطط الرحله ... ماادري كذ حلو ولا لا ؟؟
مثل ما تفضلوا الاخوان
الافضل وانا اخوك ترجعون من ميونخ أفضل من العودة لفيينا , لأن زيلامسي قريبة من ميونخ (ساعه وربع تقريبا ) يكون المخطط كالتالي كما اقترح عليكم
3 ليالي فيينا
2 ليلة في سالزبورغ
6 ليالي زيلامسي
3 ليالي ميونخ
ولو كان لي الرأي لما سكنت في سالزبورغ , بحيث يكون السكن في زيلامسي والذهاب لسالزبورغ بالسيارة , والسبب لغلاء فنادق سالزبورغ , وكذلك انه يكفيها يوم واحد زيارة .
ماادري ايش رايك با لسياره لان زوجي متخوف علشان اول مره
اسهل من القيادة عندنا , ناس نظاميين ومحترمين , ولكن يحب الالتزام بربط الحزام وعدم السرعة وغيرها
كما انه يجب وضع الاطفال الصغار في كرسي الاطفال , والاطفال الكبار يركبون بالخلف
وضروري تشترون قارمن وتدخلون الاحداثيات
والرخصة مثل ما قالوا الاخوان ب100 ريال تستخرج رخصه دولية بالاضافه الى الرخصه المحلية لبلدك .
الشي المهم وين راح تسكنون , الفنادق ممكن تجبركم على غرفتين لأنكم خمس اشخاص فيجب التاكد من هالنقطة .

أبو ريان
المشكله حجزنا خلاص لفيينا والعوده منها ..... طيب ممكن نقدر نغير العوده بعدما دفعنا ؟؟؟؟
القارمن عندنا مانستغني عنه
السكن نفضل شقق فندقيه يعني شقه مكونه من غرفتين وفيها مطبخ
الله يعطيك العافيه ياابو ريان ومشكوره

مشاعر شاعر
الله يعطيك العافيه اخوي وماقصرت