اخوي شارع المشاة للمشاة فقط ولكن تقدر توقف في الحواري اللي وراه ولكنها ضيقه
بخصوص NH استسمحك ماعندي خلفية ...والاخوان ماراح يقصرون
وبالتوفيق

أخ هيمان سفر , سفره موفقة أن شاء الله, بخصوص فندق NH اللي أعرفه أن هذا الفندق يوجد في شارع مارياهلفر وليس شارع المشاة (الكارتنر وهو شارع مخصص للمشاةفقط ) , أما شارع مارياهلفر فهو شارع تجاري تستطيع المرور فيه ويوجد به مواقف .

اخي هيمان سفر كيف الحال مشاءالله عليك كل سؤال حابه اسأله تسبقني فيه بس حبيت اقولك من خلال نصائح الاعضاء الاحسن الاستقناء عن السياره في فينا بسبب صعوبه الحصول على ماواقف واكثر المواقف بفلوس يعني اول ماتوصل فينا تسلم السياره وتستخدم المترو وانا هذا الي بسويه
وعندي سؤال ثاني لك بس اعذرني بطلع بره الموضوع شكلك ماشاءالله حليت مسأله السكن وخاصه في فندق NH هل حصلت حجز فيه وشلون عن لعيال معاك ولا لازم غرفه لحالهم لان انا مازلت احصل صعوبه بالحجز يقولون فل ولعيال لازم غرفه ثانيه علما ان انا ابي ستيديو عيالي اعمارهم 2-6-11 وسامحني عل شكلي طولت وطلعت خارج موضوعك

بيمو + عيد824 > اشكركم على تجاوبكم لاستفساري وا افادتي وانتظر من الاخوه اللي سبق لهم تجربة سكن الفندق وكانت عنده سيارة مؤجره هل لاقى مصاعب في الحصول على موقف لليله سواء بالفندق او قريب من الفندق
الجوري : الله يعينك ياخوي والله حاس فيك لاني عانيت مثلك شوف ياسيدي انا اللي سويته كالتالي دخلت عموقع بوكينغ دوت كوم لنفس الفندق ( تراهم ثلاثه ) انا اخترت اللي يمدحونه واللي بجنب المكادونالدز لايحضرني حاليا اسمه الكامل بس هو اللي nh هوتيل المهم دخلت واخترت 3 تربل رووم وحجزت ودخلت البيانات وجاني التاكيد والحجز عاد تبا الصدق انا لين الحين ممتاكد هل هن غرفه وفيهن 3 سراير ولا مثل مايقولون الجماعه الفندق عباره عن سويتات غرفه وصاله والله ما ادري بس جذي ولا جذي انا سكني بالفندق على اخر ايامي بفيينا قبل بسكن فندق ثاني واللي هو الهيلتون وبمر وانا اهناك بشوف شومعنى التربل رووم وياويلهم ياسواد ليلهم تطلع غرفه ابثلاث اسرره اخذها ورجلي فوق رقبتي طبعا

اذا كنت تقصد فندق NH wien في شارع ماريا هفلر .
توجد خلف الفندق مناطق لايقاف السيارات في الشارع . كما يوجد بجواره موقف يتألف من عدة أدوار . بس ما أدري هل هو للفندق والا لا .
اتمنى اكون قد افدتك

شكرا اخوي هيمان سفر على الرد وشكلي بسوي نفسك وبحجز عن طريق النت

شكرا اخوي عبدالاله بس في شارع ماريا هلفر في فندقين لنفس الاسم واللي الجماعه مدحوه هو هذا الفندق NH Atterseehaus وموقعه بالوسط ومقابل لماكدونالدز وهوه نفسه اللي سكنه اخونا الوطواط وقال عنه انه غرفه وصاله هل هذا اللي انت سكنت فيه ولا الثاني
الجوري : اتوكل على الله ياريال صار ماصار البلاد ترس شقق وفنادق هم يلقون ناس احسن عنا يسكنون عندهم لازم هم يدفعولنا عشان احنا سكنا عندهم

لا ياخوي انا سكنت في الثاني
لكن يتبع لنفس السلسلة وغرفة على شكل غرفه وصالة ايضا