- هذا بالنسبه للسكن...
- حوالي 10000 درهم...قبل السفر يعني فالامارات
اليوم بكتب لكم خلاصة الرحله....
لأني ما اشوف حد يتابع الموضوع اذا صار قديم شوي.... وخاصة اذا ما فيه صور بحاول احط لكم كل الصور اللي باقيه عندي وبخبركم كم كلفتني الرحله.....
السفر كان يوم 7/8/2006 والعوده 20/8/2006 يعني 20 يوم
عددنا 6 أشخاص 2 كبار و3 أطفال ورضيعه 8 شهور....
السكن:4 أيام بهيلتون الدانوب في فيينا بسعر 168 يورو فالليله...
ليله بشقه على الجبل في زيلامسي ب 70 يورو لأنا ما حصلنا حجز قبل لا نسير زيلامسي...
5 ليالي ب شقق الفيتال زيلامسي ب 185 يورو فالليله...
3 ليالي في ميونخ فندق سي هوتيل 3 نجوم بس نظام سويت غرفة كبيره للعائله مع حمام تكرمون ومسبح منفصل ب 89 يورو فالليله....
الرجعه زيلامسي 3 ليالي بشقه فالعمارة المقابلة للماكدونلدز نسيت اسمها فوق المطعم الصيني ب 105 يورو فالليله +40 يور تنظيف نهائي يعني 355 يورو...
3 ليالي بفدق سي هوتيل فيينا نفس نظام الفندق اللي بميونخ ب 92 يورو فالليله...الشارع العكسي المقابل لحديقة البراتر للالعاب...
هذا بالنسبه للسكن...
اجرت سياره فورد صالون ستيشن واجن يعني بصندوق خلفي للشنط ههه 13 يوم بدون نفجيشن وكيلومتر مفتوح ب 776 يورو من مكتب اسمه بتتشندر buchnder على ما اعتقد اتديره أخوات وحده اسمها اليزابث ومعاهم واحد هندي اسمه جوزيل اظن....مع التامين دفعت 1200 يورو ولما رجعت رجعوا لي الباقي وما يدققون على السياره وايد...
تكلفة السفره كلها.......
التذاكر 6 أشخاص مثل ما قلنا ب 11580 درهم على طيران الامارات...
كنت ماخذ معاي 40000 درهم يعني 8500 يورو كاش
فيزا فيها 10000 درهم حوالي 2100 يورو احتياط...
طبعا مشتريات السفره من ملابس مع كاميرا سوني ب 4200 درهم فيديو وفوتوغراف....
حوالي 10000 درهم...قبل السفر يعني فالامارات
وجان زين مسافر بجينز وتي شيرت بس لأن الملابس اللي حصلتها في فيننا وميونخ جنان احلى من اللي ماخذنها معاي وهاي تجربه وانصحكم فيها وبحاول اطبقها فالمرات الجايه اني ما باخذ معاي ملابس من اهنيه الا شي بسيط بشتريهم من اروبا اجود واحلى....
ملاحظات يمكن اكون غلطان او حكمي عليها من وجهة نظري أنا.....سامحوني
1- السفره كانت جدا مفيده ورائعه و ممتعه بس اللي عكرها شويه مب واجد ههه العيال مع ان السفره كانت لهم بس عذبوني شويه
2- النمسا أحلى واجمل وانظف وأبرد من ميونخ بحكم اني ما لفيت المانيا بس ميونخ والسواقه في فيينا وزيلامسي وشوارع النمسا اريح من المانيا وميونخ...
3-التسوق في ميونخ احسن من النمسا وأرخص مع انها نفس الماركات والمحلات.....شارع المارين بلاتز فميونخ أفضل من ساحة ستيفنز من ناحية المحلات والبضاعه والرخص...
4-المطاعم العربيه الشرقيه والايرانيه و التركيه أفضل فميونخ بس غاليه فكلا البلدين ولا ترقى للمطاعم نفسها فالخليج....
5-الشعب النمساوي خدوم جدا الكبار قبل الصغار كذلك الالمان...بس اللي كرهته فيهم كثرة مصاحبتهم وجرهم لكلابهم معهم.....:36_1_15:
6-أماكن تستحق الذهاب اليها ورحنا لها في فيينا وزيلامسي وميونخ....مثل (برج الدانوب؛ساحة ستيفنز؛ملاهي البراتر؛استخدام الترام والاندرقراوند في فيينا متعه ههه؛بحيرة زيلامسي؛جبل الثلج والتلفريك في الكابرون ما يتفوت:11ld: :36_15_6: ؛ شلالات كريملر؛الزحليقيه الصيفيه؛شارع المشاه مارين بلاتز في ميونخ؛ والسواقه على الهاي ويه الخط السريع....
7-بعض المعلومات وتصوير الاخوان عن بعد الفنادق والشقق عن البحيره فزيلامسي كان مبالغ فيه بالعكس أغلبها كانت قريبه من البحيره وقريبه من بعض...
8- فيينا والخط السريع وسالزبورغ والنمسا وميونخ فكفه وزيلامسي بروحها فكفه احلى منهم وجوها غير:36_15_6: :rain: :11ld:
9-اللي ما عنده لا يسافر اروبا غاليه ولازم تصرف وتتمتع بيورووك المنقوش لا بالعزايم
10-احذروا النصابين خاصة وللاسف العرب واحذورا (ابراهيم النجار) عنده مكتب سياحي سيارات ورحلات ونصب واحتيال بنفس الاسم:
11- اللي معاه عياله لازم يكون حليم ترا السفر يعلم ولازم تكتم غيضك شويه وتحط فبالك انك جاي تروح عنهم وتخدمهم وصدقني والله العظيم تكفيك انك تراقبهم وتشوف الفرحه فعيونهم وهم يلعبون ولا شايلين هم ويطنتطون فعالمهم فتكسب اجروثواب من رب العالمين فيهم وتعطيهم حقهم والله هذي الفرحه فعيونهم تسوا الدنيا وما فيها وصدقوني تنسيكم تعبكم وتريح بالكم...: :11ccer:
وفي النهايه لا يسعني الا واشكر الجميع اللي ساعدوني فالاعداد لهذه الرحله والمشرفين والقائمين على هذا المنتدى الافضل على الاطلاق في الخدمات السياحية ولو قدر لي لاعطيته اعلى مرتبة 10 نجوم:50055: :50055: :50055: :50055: :50055: :50055: :50055:
لا أقول وداعا حشتبسوت ولا وداعا مصعب ولا اخر الفرسان ولا العزيز سلوم ولا ابو مانع وuae 1232 ولا نسيم نجد ولا ابوعوض ولا فوربتشينو ولاابو ريان ولا لون الغيم ولا غدير ولا ماري ولا ولا ولا ولا ولا ...الكثير ممن لا تحضرني اسماءهم فكلكم لألئ هذا المنتدى وخاصة هذه الساحه وأنا اخوكم فالله مضيع الدرب ههه(عبدالله) ابو أحمد حاضر لأي مساعده والى اي سؤال الله يقدرني عليه واليكم بعض الصور الموجوده عندي اتمنى تنال رضاكم.....واقول لكم الى لقاء قريب باذن الله...
وهذ المعاق في ميونخ يداعب الكرة
ويعطيك العافية وإنشاء الله نلتقي معاك في تقرير ثاني