السلام عليكم ورحمة الله وبركاته
ابي فزعتكم يأخوان ويأخوات في موضوع شهر العسل
طبعا ابي اشرحلكم كل شي بالتفصيل عشان مااتوهكم بأي شي
أنا ان شاء الله زواجي راح يكون في تاريخ 23 /12/1433ه الموافق:08/11/2012 في الرياض
وأبي اسافر شهر العسل لماليزيا لمدة 14 يوم 13 ليلة
طبعا للمعلومية أنا ماعمري سافرت ولا أعرف شي عن السفريات
طبعا قلت ابخلي الرحله تبدأ اليوم الخامس من الزواج طبعا بحثت عن مكاتب ووكالات عشان احجز
طبعاً في واحد من الشباب نصحني في وكالة أسمها إجازتي طبعا هو سافر عن طريقها لماليزيا قبل شهرين تقريبا ويمدحهم
طبعا ذهبت لهم وسوا لي برنامج وراح اذكره لكم طبعا لاتدققون بالاخطاء في مسميات المناطق والفنادق لاني كنت اسجل معاه بسرعه والبرنامج هو:
تبدأ الرحلة فيمدينة سلينقور من تاريخ 14 حتى 16 يومين اسم الفندق/ برميد تاور 500 ريال الليلة أو صدواي لاجون 700 ريال الليلة اعطاني الاختيار بين الفندقين جزيرة بينينج من تاريخ 16 حتى 20 أربعة أيام اسم الفندق / فلامينقو 330 اللية أو جولدن ساندس 740 الليلة واعطاني الاختيار بين الفندقين لانكاوى من تاريخ 20 حتى 22 يومين اسم الفندق / موتيارا 420 ريال الليلة كوالمبور من تاريخ 22 إلى 27 خمسة أيام اسم الفندق / دورست ريجنسي 350 ريال الليلة
طبعا جدول الرحلات الي ذكرتها فوق بس حجوزات الفنادق
و طريقة التنقل بين المناطق طيران بتكلفة إجمالية 1400 ريال طبعا ماذكر لي اسم الخطوط لرحلات الداخلية الي راح يحجزلي عليها بس ذكر لي انه تقريبا 1400 ريال كامله
طيب الان نحسب التكلفة الاجمالية وهي:
0اجمالي الفنادق على اقل الاسعار
0إجمالي رحلات الطيران الداخلي بماليزيا
0ريال قيمة تذكرتين ذهاب واياب دولية عن طريق الخطوط الاماراتيه
من الرياض إلى الامارات انتظار 3 ساعات ومن ثم الى كوالمبور
يعني يصبح اجمالي الحجوزات 12200 ريال هذه فقط الطيران والفنادق
والعوده نفس الطريقة
فيأخواني ابيكم تنصحوني فكل شي ابي اعرف:
أفضل وكالة سفر وسياحة بالرياض
افضل خطوط دولي احجز عليه
ابي جدول رحلات زي الي ذكرته ولا ماهو انطباعكم بالجدول الي ذكرته وعدد الايام في كل منطقة
الفنادق وش رايكم فيها او اي الفنادق نتصحون فيها
واذا ممكن إذا تعطوني جدول تفصيلي كل منطقة او ولاية أو جزيره يعني مثال/
كوالمبور خمسة ايام هالخمسة ايام وين اروح فيها وش فيها امكان اروح لها
والله ادري اني زوتها معاكم بس تحملو اخوكم واكسبو اجره
ولكم الشكر والتقدير