السلام عليكم ورحمة الله وبركاته
وعليكم السلام ورحمة الله وبركاته
انا بسافر بعد ثلاث اسابيع لماليزيا يعني في 11 1
لاني بتزوج يوم 72 وبضطر اجلس هالكم يوم لظرف خاص
باركولي
بارك الله لكما..
وبارك عليكما..
وجمع بينكما بخير..
بس ابي رايكم ان كان ممكن وبعد اذن المشرفين وابيكم تساعدوني قد ما تقدرون
انا بسافر من البحرين عن طريق الخطوط القطرية ب 2000 للشخص الواحد يوم الاحد
الانتظار ساعه بالروحه وساعتين بالرجعه
حجزت في كوالا لثلاث ايام في تايم سكوير ب950 لكل المده(ثلاث ايام)
ممتاز..
بعدها اطلع بالباص لبينانغ وبجلس فيها اربع ايام وحجزت في فندق جي ( الفندق جديد) توه فاتح ب 1150 للمده(اربع ايام) وياليت تعطوني تصوركم عن الفندق لانه توه فاتح وبصراحه اعجبتني الصور وموقعه على ما اظن
صحيح الفندق جديد..
بس هل عندك خبر انه بعيد عن الشواطيء اللي فيها الفنادق السياحيه والرياضات البحريه و و ؟
صاير داخل المدينة جنب سوق..
اذا عارف هالشي ومافيه مشكله .. الله يوفقكم وان شاء الله تنبسطون
والله الله بالصور والتقرير عن الفندق علشان نستفيد من تجربتكم..
وبعدها بطلع بالفيري للنكاوي وبجلس فيها ثلاث ايام في باي فيو وحجزت ب670 للمده(ثلاث ايام)
انت عارف ان الفندق هذا داخل المدينه؟
يعني لاشاطيء ولا شي؟
وش فايدة لنكاوي اذا ماسكنت فندق على الشاطيء
خصوصا انك شهر عسل الله يوفقكم
ضروري جدا تغيره يااخوي..
والعودة لكوالا بالطيران على اسيا ب 150 لشخصين
تمام عليك..
طيب ووين بتسكن في كوالا اذا رجعت؟
واذا كانت هذي خطة سيرك وعلى طول ناوي تروح من لنكاوي الى كوالا علشان تلحق رحلتك الدوليه..
فاانا احذرك وبشده عن هالشي
تخيل لو تتاخر رحلتك المحليه وتفوتك الدوليه؟
ماتصلح ابد..
عندك خياراين..
يااما خط سيرك يكون
البحرين-بينانغ-لنكاوي-كوالا-البحرين
وعلى نفس تقسيم ايامك
ياما تغير تقسيم ايامك وتكون
2 كوالا..
3 بينانغ
3 لنكاوي.
2 كوالا..
تحياتي لك

مبروك يا غالي الله يتمملكم على خير يا رب
بارك الله لكما وعليكما وجمع بينكما بخير
برنامجك فيه تجديد واختلاف عن المعتاد
وأنا ما أعارض التجديد بالعكس أشجع على عدم التقليد
لكن اختياراتك فيها مجازفة ورحلة شهر عسل خلك على المضمون
الفنادق اللي اخترتها ببينانق ولانكاوي تلغي خاصية هالجزيرتين
يعني ميزتهم بالشواطيء والإطلالات الجميلة على البحر

بارك الله لكما وبارك عليكما وجمع بينكم بخير
ياناس هالمكاتب ماتخاف الله

مسافرة مختبة
مهند
Lio45
الله يبارك فيكم ويسعدك ومشكورين على هالنصايح
بالنسبة للحجز انا حاجز لنفسي من النت يعني لا طبيت لا مكتب ولا هم يحزنون
بالنسبة للعودة انا نسيت اقولكم انا بجلس في كوالا ايضا ثلاث ايام في فندق رويال بينتانج
طيب الحين فيه سؤال
انا حاجز عن طريق النت وبالفيزا
هل لو غيرت الفنادق ترجع فلوسي او تروح علي
وهل لو كنت حاجز من نفس الشركة ما يصير عندهم مشكلة
انتظر ردودكم وربي يسعدكم دنيا واخرة

طيب سؤال الله يسعدكم
وش رايكم في فندق
Copthorne Orchid
اللي في بينانغ كيف موقعه
وياليت الله يخليكم برضو ترشحون لي فنادق بديلة للفنادق اللي مو وصيتوني فيها بس يكون سعرها مقارب لاسعار حجز فنادقي
الله يسعدكم دنيا واخرة

السلام عليكم
تحية لمن يقرأ...........
أخي أنا سكنت فندق بي فيو لنكاوي مرة
لماذا سكنته:
1- معي سيارة وانتقل على كيفي.
2- الميزانية وسط وكنت أصلاً ساكن في ماليزيا.
3- اخذت غرفة خاصة مجددة بسعر 220
4- لأن اغلب سكانه من الماليزيين الي ترتاح لهم وعوائلهم لأني احبهم صراحة.
5- قريب من التسوق والسوق الليلي.
انصحك لا تأخذ فيه:
1- بعيد عن الشاطئ بينه وبينه ملات وشارع وفيه تحويلة.
2- منطقة الشاطئ اصلاً الي تشوفها من النافذة عادية ولافيها اي ميزة.
3-الفندق يظل عادي خاصة انك متزوج.
4- يقتل معنى جزيرة لنكاوي لأنك لن تراها على كيفك.
لو كنت اعرف انزل الصور ولدي وقت كان عطيتك كم صورة بس لعلك تعذرني لأني مشغول هالفترة.
5- فندق البي فيو في بيننق مقبول وجيد لكن اذا معك ميزانية شوي من رأيي الخاص لا يناسب شهر العسل.
هذا بخصوص الفندق وغيره ممكن الاخوان افادوك بخبرتهم.
د.قانون
الرياض

الله يسعدك يا د قانون
بارك الله فيك
والله اخوي انا ميزانيتي مو ذاك الزود لاني اصلا ما كنت افكر اسافر لا الميزانية مش ولا بد بس ما حبيت اني اتزوج واجلس بديرتي وتقعد بنفسي فقلت بسافر ولو بالقليل
فنادقي كالاتي
كوالا تايم سكوير ----- رويال بينتانغ
بينانج جي هوتيل
لنكاوي باي فيو
طبعا اخوي والسؤال للجميع الحين في لنكاوي لو كان بعيد عني الشاطئ يعني ما اقدر اروح له بالتاكسي واجلس فيه
لاني بصراحه ماني حق بحر وسباحه يمكن اتمشى عالشاطى اجلس اتفرج صح
ياليت الله يخليكم تقترحون لي بديل بنفس السعر اللي انا جاحز فيه ولو زاد شي بسيط مو مشكلة لاني مقسم الميزانية بالترتيب

أخي الكريم أنا شوف الفنادق غاليه حبتين واذا انت حاجز عن طريق النت ترا بيعطونك الأسعار غاليه انا ودي تروح لكم مكتب سياحي وتسئل عن اسعار الفنادق أتوقع بتلقى اقل
وتقبل تحياتي

بارك الله فيك اخوي
بس انا حصلت المكاتب اغلى من النت عشان كذا حجزت عن طريق النت
بس الحين تكفون ابي منكم فندق في بينانغ وفندق في لنكاوي بس ابي اسعارهم رخيصة ومواقعهم حلوة
الاسعار ابيها بحدوود 300 رنقت لليلة
انا عارف اني طولتها بس والله مالي الا الله ثم انتم