muteeb.2011
29-06-2022 - 04:07 am
بسم الله الرحمن الرحيم
حبايبي مساكم الله بالخير
انا ان شاء الله بروح ماليزيا شهر عسل من 12 اغسطس الى 25 اغسطس.
حجزت ع الخطوط السعوديه ب 6014 >> مناسب السعر
تقسيمي للرحله كالاتي :
1--- الوصول الى كوالا ظهر يوم 12
وباجلس في سلنقور من 12 الى 14 اغسطس
فندق الصن واي لاقون
2---- لنكاوي من 14 اغسطس الى 17
فندق لنكاوي لاقون
3---- بينانغ من 17 الى 20 اغسطس
فندق bayview beach
4---- الكامرون من 20 اغسطس الى 22
فندق اكريال
5--- العودة الى كوالالمبور
من 22 الى 25 اغسطس
فندق بريجايا تايم اسكوير
وش رايكم بالتقسيم :
ثانيا انا حجزت ع خطوط اريا اسيا من كوالالمبور الى لنكاوي فقط
اما باقي المدن ما ادري كيف وسيلة التنقل بالباص او تاكسي او عباره ؟؟؟؟؟؟؟
الفيري كيف احجزها هل من عندهم او من الموقع وايضا وش افضل وقت للسفر ....؟؟؟
فيه واحد عطاني اسم شخص هناك له مكتب سياحه وقال بيحجز بس اخاف احول له الفلوس ويسحب علي ،،،
وش رايكم ؟؟؟
طبعا كلفتني الان السفره حوالي 16000 الف ،،،
هل احول الفلوس هنا الى رنقت ام احولها هنا ؟؟
للمعلوميه انا ما عمري جيت ماليزيا ،، ما عندي خبره
بالنسبة للسعر غالي شويتين بس انت ملزوم بوقت معين للسفر فما باليد حيلة ..
بالنسبة لتقسيم الأيام ممتاز في رأيي ولكن في لنكاوي ياليت تغير الفندق
لأنو كثير من الأعضاء ما ارتاحوا للفندق هذا وكثرت الشكاوي منه ..
فيه عندك فندق برجايا أو الهوليداي وإذا ميزانيتك تسمح فالأفضل والأرقى الوستن أو ذا دانا ولكنها أغلى طبعا
والكاميرون الأفضل فندق كاميرون هايلاندز أو دي لا فرانس لأنها جديدة وأرقى من اكواتيريال
وفي كوالا أفضل الدورست ريجنسي مثلا والخيارات كثير جدا في كوالا ..
بالنسبة للمواصلات أنصحك بالطائرة من لنكاوي لبينانغ لأن الفيري يكون حسب حالة البحر وأيضا مدته طويلة ..
من بينانج إلى كاميرون ومن كاميرون إلى كوالا تقدر تروح بباص أو سيارة ولكن عن تجربة السيارة أريح
إذا امكانياتك المادية تسمح لأن الباص أرخص أكيد ..
بالنسبة للتحويل .. خذ معاك مبلغ 5000 رنجت كاش راح تكفيك والباقي من هناك تقدر تصرف بالفيزا أو ببطاقة الصراف العادية ..
ونصيحة لا تحول لأي مكتب في ماليزيا إلا إذا كان ثقة ومجرب ( وهي قليل ) ..
لأن كثير من الأعضاء اتعرضوا لحالات نصب في مواقف مشابهة ..
وإذا لسى ما حجزت تقدر تعمل حجوزاتك كاملة عن طريق النت بكل سهولة وبطريقة موثوقة ومجربة وتوفر على نفسك جهد ووقت ومال وهو الأهم ..
وأي سؤال حاضرين ..
تمنياتي لكم برحلة ممتعة وميسرة يارب ..