- مقتطفات من رحلتي :
السلام عليكم
اسمحوا لي أخوتي في المنتدى أن أكتب لكم تقريراً مختصر عن زيارتي لسوريا والتي استمرت لمدة 4 أيام .
في البداية حجزت على الخطوط السعودية من الرياض الى سوريا وكان سعر التذكرة 1630 ريال سعودي .
وبعدها حان موعد التجهز للسفر وأخذت حقيبتي الصغيرة معي وكميرتي الرقمية ثم اتجهت للمطار واسرعت في أخذ البوردينج وبعدها اتهت للصراف في المطار وكان سعر الصرف حوالي 13.7 المهم صرفت 400 ريال وبعدها اتهت لبوابة السفر وركبنا الطائة التي كانت مزدحمة بالمسافرين وأقلعنا الى دمشق في حوالي الساعة 12 ظهراً وبعد الاقلاع استمتعنا في الطائرة بشاشة الترفيه في كل مقعد وبعدها تناولنا وجبة الغداء في الطائرة ثم وصلنا الى مطار دمشق الدولي بعد حوالي ساعتين وربع وأسرعنا بالنزول عن توقف الطائر ( كالعادة ) ثم تسابقنا الى الجوازات الذين لم يترددوا في الختم على جوازي وطلب الاكرامية ثم أخذت لي شريحة جوال من المطار بحوالي 700 ليره وذهبت مع الشوفير الى فندق السام وأخذت غرفه مفردة وكانت ب100 دولار صحيح انها غالية لكن حبيت أجرب الفندق أول ما نزلت الفندق جلست أغراضي في الغرفة ونزلت أتمشى على طول ازعاجات في الشارع تبي صرف تبي ... واللي يقرا حظك الخ المهم شكلت بهم ولا عطيتهم وجه ورحت على سوق الحميدية وتمشيت فيه وبعدها على الجامع الاموي اللي بصراحة فيه من البناء المعماري والفنون اللي تخلي الواحد يجلس ساعات يتأمل فيها ومع الجو اللطيف بعدها رجعت للفندق بعد المغرب وكنت تعبان بصراحة راحت علي نومة ما صحيت الا آخر الليل نزلت الا الشوارع ما فيها أحد وش أسوي وأسأل راعي الفندق كم الساعة قال لي الساعة 2.30 قلت يوه بعدها ضبطت ساعة الجوال لأني يوم ركبت فيه الشرحة نسيت أضبطها وأطلع أدور لي عشاء وبعدها رجعت للفندق وجلس عندالتلفزيون أتفرج الين بعد الفجر هذا أول يوم انتهى
في بداية اليوم الثاني قررت اترك فندق الشام لأنه صراحة غالي وما يستاهل كل هالدعاية اللي سمعتها عنه ورحت لفندق الماجد وأخذت عندهم غرفة وكانت رخيصة كانت ب1200 ليرة شوفوا الفرق وبصراحة ما فيه فرق بينها وبين فندق الشام الا والعياذ بالله المشروبات الروحية اللي في الغرفة ، وطلعت لبلودان في نفس اليوم والزبداني وعين الخضراء وتغدينا فيها بصراحة مناظر خلابة وخضرة ساحرة وبعدها رجعت للفندق بعد المغرب وارتحت شوي وبعدها مشيت على جبل قاسيون كان الجو هناك جميل والجلسات أجمل لاكنها الأغلى كانت بحدود 1700 ليرة الجلسة مع الفواكة لكن مو مشكلة بعدها رجعت للفندق وتعشيت عناك وانتهى يومي الثاني .
بداية يومي الثالث كنت ناوي أروح لأحد الحمامات الشامية وكنت متردد لأني لحالي وما بعد جربتها لكن عزمت أخيراً وأخذت لي تاكسي وقلت له على حمام نور الدين الشهيد وأخذني عليه وصلت لهم قال لي الحمام لسى باقي البخار ما جهز تعال بعد نصف ساعة قلت الحمد لله جن منهم ولا مني أنا وكملتها مشي في حواري دمشق القديمة اللي كانت بالنسبة لي متاهه كبيرة دخلتها وخرجت منها من دون ما أعرف وبعدها رجعت على سوق الحميدية وشريت منه الهدايا ثم رجعت للفندق أرتاح بعد العصر قررت أروح لملاهي الارض السعيدة وفعلاً رحت لها لكن كانت لسى ما تفتح الا الساعة 6 قلت مو مشكلة فرصة أتمشى مع السواق حول المطار ورحت على دير العصافير وبعدها رجعنا على منتزه بوابة دمشق فيه جلسات تجنن وتظير العقل بعدها رجعت على الملاهي ودخلت لها بعد ما دفعت تذكرة الدخول 50 ليرة الملاهي تصلح لشباب عشان يستانسون فيها خصوصاً ان أغلب الالعاب للكبار ما طلعت من الملاهي الا والابتسامة والضحك مالي وجهي وبعدها رجعت على الفندق استرحت فيه ونمت على اساس استعد للسفر بكرة .
بداية يومي الرابع والاخير طلعت من بدري على أساس أشتري هداياي الاخيرة وكذلك شنطة أشيلهم فيها لأن رحلتي وقتها قبل العصر الساعة 2.45 يعني لازم أحرك من دمشق الساعة 1 لكنني تأخرت بسبب التكاسي بصراحة يتعبون الواحد معاهم وفي الظهر صعبة تحصل فاضي على اساس الدوامات وخروج الموظفين لكن سهل الله امري وحصلت لي تكسي واخذني للمطار وصلت الساعة 2 ظهر للمطار وكنت شبه متأخر وأخذت لي طابع خروج ب200 ليرة وعقدوني شوي عند الجهاز عشان ما دفعت لهم شئ بعدها ما خليت أحد من الاكراميات من اللي أمام على أساس ما يعقدوني أو اتأخر وأقلعت الطائرة اللي كانت فاضية تماماً من المسافرين الذين لم يتجاوزون ال20 مسافر حيث وصلنا الى أرض الوطن حوالي الساعة الخامسة عصراً ةلله الحمد كانت تجربة حلوة ومفيدة بالنسبة لي .
مقتطفات من رحلتي :
- في المطار وخلال عودتي عند التفتيش جلس الموظف يفتشني حتى وصل الى محفظتي وقال: طلعها وبعدها قال لي : وريني اياها شاف الفلوس فيها وقال لي : عطيني منون الله يخليكم شباب السعودية .
- نسيت أقول لكم اني صرفت كذا مرة وكان الصرف من المصرف السوري ب14.17 اما سوق المحمدية كان ب 14.7 .
- اخترت فندق الماجد بناء ً على توصيات الشباب في المنتدى وبصراحة وبكل أمانة الفندق ممتاز وخصوصاً الموظفين اللي فيه أخلاقهم طيبه وناس أوادم ويستاهلون كل خير .
- لاحظت شئ في العاصمة وهو التواجد الامني المكثف عند الاشارات وفي كل الشوارع الشرطة والجيش لبكن الحمد لله ما أحد منهم أعترض طريقي أو قال لي شئ بعكس ما نسمع واستغرب غياب هذا التواجد في الليل وخصوصاً الساعات التأخرة من الليل .
- مشكلة العاصمة دمشق السيارات وزحمتها يعني الواحد يمكن يتعب من الدخان وانعدام الهواء النقي بعكس المناطق الاخرى .
- استغلال أهل التكاسي والباعة للمواطنين الاجانب وخصوصاً من دول الخليج .
- كثر ما قابلت ناس طيبين في سوريا لكن في النهاية تقابل لك شخص سئ من أهل البلد يعطي صورة سيئه عن بلدة ويدمر كل ما خرج عن بلدة من صور حسنه .
الجو كان جميل صراجة لكن اول يوم وصلت وفي الليل كان الجو بارد .
نصيحة للي يبي يسكن في فندق الشام أقول له لا تضيع فلوسك فيه الفنادق كثيرة جنب فندق الشام ومن ضمنها الماجد والفردوس وغيرها من الفنادق الاخرى وما تفرق شئ .
وتقبلوا خالص تحياتي ؛
ياليت تشوف موضوع الصور
ولى عودة للمووضع الان رايح العمل
تقبل هدية ابو عزيز سلامة الرجوع